本帖最後由 菜妹 於 2019-5-18 15:32 編輯
兄師呢個黃金葛溫差變化圖未必啱得晒, 事關我屋企關暖氣恆溫18-21度, 日抖有太陽入屋都高唔過21度。由去年拎左兄師送贈既黃金葛, 至今新葉近似30/25°c,我係放向東窗台有太陽直射位置。
yunge0師姐所贈既另一款黃金葛,母株種香港娘家陰暗位,大部分時間靠夜間燈光照明,樓上圖片可見舊葉斑紋不及種向南直曬太陽既新葉鮮明。
另外本身植株錦紋多少亦有影響,兄師所送果棵本身植株強壯並已經有非常明顯斑錦,所以我維持新葉斑錦數量不難,生長迅速。
yunge0師姐果棵枝條較弱,早期近半年都出唔到一塊新葉,直至師姐話多光錦紋會靚我先搬到向南位,新葉先有應有既靚斑錦。 |