新手整皂~油類一問~

我想整馬賽皂俾BB用,
想請教下其實用初柞同一般的大唔大分別？

上網見有人話其實皂化後都會破壞左油的成分, 所以唔駛用咁靚的油整~

但又有人話唔同的油打出來個效果係會有唔同~~~


有人可解答嗎？謝謝!

係營養價值上係有分別，但如果做皂我唔會用所謂靚油（高檔次），皂主力係清潔皮膚，唔係潤膚，無謂浪費啲靚油，靚油留返食落肚或做護膚品。
洗感我答唔到你，一開始我就無諗過用貴（靚）油做皂，而且亦要睇每個人對東西的敏感度。
咁當然每個人都有自己的偏好打皂，如果新手我覺得你先試用普通油少量打，成功了再同一配方用靚油打，咁你自己可以感受有無分別。
其實也建議你爬下這裡cklife前輩的新手扎記，好有用，尤其對新人來講

dogo 發表於 2015-11-16 16:46
係營養價值上係有分別，但如果做皂我唔會用所謂靚油（高檔次），皂主力係清潔皮膚，唔係潤膚，無謂浪費啲靚 ...

謝謝解答！咁我試下用普通的做一次, 感覺下效果先

我個人覺得貴同便宜冇乜分別，反而之前最cheap 油加奶粉的皂最好用！

馬賽皂....你意思係橄欖油?  

我覺得做皂用橄欖油唔洗咁靚，因為營養上黎講，正如你所講，經強鹼之後，營養會剩番幾多呢?
再者，皂留係皮膚時間咁少，可以比到幾多滋養佢呢?
係打皂方面，我自已經驗，用EVO打皂時間比起用Pomace oil既時間要用多好多。
我比較懶，多數用Pomace oil ，省好多時間。最近搵唔到Pomace oil，買左EVO打，打左半日打到手軟，真係想死。

洗感方面，單單貴價橄欖油同平價橄欖油，唔係覺得分別咁大。反而一塊馬賽皂，放三個月同放九個月，皂既質感同洗感都有好大提升。尤其係香港咁潮濕既地方，放耐左既馬賽皂，質感會扎實好多。

另外，比BB用既話，建議用最簡單既野，而且....唔好每次沖涼都落皂。
BB既皮脂分泌無成人咁多，而且BB皮膚仲係發育緊，佢既皮脂好寶貴，係一度保護牆。天然生成既薄膜，任何人工產品都模彷唔到。你無強行洗走佢，就無需塗太多雜七雜八。BB就無咁易養成敏感膚質。
可以試下用無患子、鮮奶、米水等等...唔一定要用皂架....




jellyfishy
早晨CK~ 很久沒見你來了~~~ 掛念啊~  

Angus 係我blog度話有人掛住我，咪過黎睇下囉~~~

cklife 發表於 2015-11-18 08:46
馬賽皂....你意思係橄欖油?  

我覺得做皂用橄欖油唔洗咁靚，因為營養上黎講，正如你所講，經強鹼之後，營 ...

謝謝你!!

其實我都係打算BB 3個月或之後先用~因為都知開頭唔駛加咁多野~~

所以打算生之前打左先, 又可以自己同老公試左, 到時先俾BB用~~

又想請教一下,

如果個配方係80%橄欖油, 然後棕櫚油同椰子油各10%咁樣O唔OK呢..~?

本身想加甜杏仁..因為見到話BB會0岩用, 但又見到有書話其實好多人都會對甜杏仁油敏感~