意大利生菜問題

講問生菜格離有顆細細既，深綠色既植物係咪野生既？因為佢係最近呢2日突然爆出黎，然後生長得幾快。我怕會係野草吸曬生菜d養份。但佢個樣又5肯定係咪野草？
想請問下有無人知係咩黎？如果5係生菜既1部份，甘我係咪可以整走佢？  感謝回答。

另外想問，生菜係10月尾發芽。到琴日20/12 生得圖片甘多，請問係進入左休眠期而生長緩慢？定係佢5夠養份，需要施肥而生得慢？定其實係正常還是其他問題？   

感謝回答

意生約兩個月就到收成期，這是日照嚴重不足。
生菜要很多陽光，配合肥水，冬春很合適。
試試重新播種，放全屋最曬位置？

xx_Luca 發表於 2014-12-21 12:05
意生約兩個月就到收成期，這是日照嚴重不足。
生菜要很多陽光，配合肥水，冬春很合適。
試試重新播種，放全 ...

已經放係全曬既位 T^T 因為屋企向西。夏天會日照多d，10月尾秋天，比較少。 重新種既意思係呢盆扔左佢？⊙_⊙

另外請問 格離果個係咪野草？

買種子之前一定要考慮自家環境，光照，通風都好重要，
蔬果一般都需要強光，係要直照而唔係明亮咁簡單。
你同一季節放返相同位置，出黎都係徒長。
當有足夠光照後就要足肥水。

moon7489 發表於 2014-12-21 16:40
已經放係全曬既位 T^T 因為屋企向西。夏天會日照多d，10月尾秋天，比較少。 重新種既意思係呢盆扔左佢？ ...

格離果個係咪野草？ <<  係

再播種，重頭再開始種。
泥裡要有基肥，放有直照地方( 唔係隔住玻璃，如放窗台要開窗直曬住個盆 )。
唔夠日照的話追肥都冇用。
原先果盆種左兩個月，已經係積弱既老菜，救黎都冇前途。
唔捨得扔可以而家食左佢，或者繼續種黎玩。

生菜易發芽，早期生得慢，生多幾塊葉又生快，不關肥料事。

ae86hkplants 發表於 2014-12-21 20:21
買種子之前一定要考慮自家環境，光照，通風都好重要，
蔬果一般都需要強光，係要直照而唔係明亮咁簡單。
你 ...

香港既環境 好難屋企有勁光照同通風ToT  城市有幾多屋企有窗台 T_T

xx_Luca 發表於 2014-12-21 23:58
格離果個係咪野草？

想問下基肥要用咩？ 如果用顆粒肥 慢釋放呢d 得5得？

lordtolord 發表於 2014-12-22 08:58
生菜易發芽，早期生得慢，生多幾塊葉又生快，不關肥料事。

我5捨得扔左佢 T_T 佢雖然生得慢，但見佢仲標緊新菜出黎，佢5夠日照都活下去 生新菜，我點捨得扔左佢 T_T

moon7489 發表於 2014-12-22 18:01
香港既環境 好難屋企有勁光照同通風ToT  城市有幾多屋企有窗台 T_T

所以咪話選植物黎種好緊要，如果提供唔到陽光，
寧願種d陰性或 耐陰性植物，而唔係見人種生菜簡單喎，好食喎，就走去種。
你再種落去都無問題，不過一定係瘦過有陽光既生菜，一樣都食得。

moon7489 發表於 2014-12-22 18:03
想問下基肥要用咩？ 如果用顆粒肥 慢釋放呢d 得5得？

你講既呢種緩釋粒肥係化肥。
如果只係求種出一棵生菜，都冇話唔得的。