新手種鬱金香

大家好 我朋友係荷蘭寄左D鬱金香種子比我 我想知點種 同埋我唔知D種子有冇雪過 希望大家可以教下我

首先要更正一樣,這些應該是鬱金香的鱗莖,而不是一片片小小的種子.

處理方法可以先用百菌清將鱗莖浸泡再晾乾,之後再用報紙包裹放在恆溫為維持大約攝氏2度的雪櫃生果格內大約3個月,令其進行低溫分化花芽及幫助打破休眠期.
之後就可以進行種植,建議使用疏水良好的植料,將鱗莖埋藏在植料中約兩倍鱗莖的高度之下,又或者埋藏在約10cm下深度就可以.

基本上大部份的球根花卉也可以這樣處理.

KUNO 發表於 2014-9-27 23:50
首先要更正一樣,這些應該是鬱金香的鱗莖,而不是一片片小小的種子.

處理方法可以先用百菌清將鱗莖浸泡再晾 ...

謝謝解答 唔浸OK MA?

kinkinwai 發表於 2014-9-28 13:07
謝謝解答 唔浸OK MA?

唔浸都可以,只係浸咗之後可以減少受真菌感染病變的問題.

kuno 版主，想請教我幾天前在森X 買咗8個鬱金香花頭，因第一次種，想在出年新年19/2/2015開花，剛剛1/10放咗入生果格，應該雪到幾時種，及要種幾多個月先開花，老闆娘話2-3個月，真係唔知點計時間?  如果我到落泥才浸百菌清可以嗎?

joeychan 發表於 2014-10-2 12:28
kuno 版主，想請教我幾天前在森X 買咗8個鬱金香花頭，因第一次種，想在出年新年19/2/2015開花，剛剛1/10放 ...

大約種植一個多月就會開花,但要視乎溫度,暖的話就會比較早開花.

浸泡了百菌清才冷藏比較安全.

KUNO 發表於 2014-10-4 00:37
大約種植一個多月就會開花,但要視乎溫度,暖的話就會比較早開花.

浸泡了百菌清才冷藏比較安全. ...

謝謝你回覆，咁浸百菌清時要唔要去除啡色外衣呢? 定係種時先除去，及有啲唔明多數的資料都話雪 4-6 weeks ，是否時間許可最好雪足3個月呢? 咁我係12中種可以嗎?

joeychan 發表於 2014-10-4 12:44
謝謝你回覆，咁浸百菌清時要唔要去除啡色外衣呢? 定係種時先除去，及有啲唔明多數的資料都話雪 4-6 weeks ...

如果希望更加深入了解的話大可以自己進入實驗,可以分組處理及種植.

第1組: 不冷藏馬上種植
第2組: 冷藏4星期再種植
第3組: 冷藏6星期再種植
第4組: 冷藏3個月再種植
第5至8組: 則如同上述方法但加入百菌清浸泡處理

得出結果之後可以自己判斷那一種方法適合自己而且有效.

沒有一種方法是絕對成功,只有不斷學習,實驗,嘗試,改善,才會獲得屬於自己的經驗.

KUNO 發表於 2014-10-4 22:48
如果希望更加深入了解的話大可以自己進入實驗,可以分組處理及種植.

第1組: 不冷藏馬上種植

係噃! 謝謝提醒，一於好似浸水仙咁分幾次種，大包圍實有一盆得!

joeychan 發表於 2014-10-2 12:28
kuno 版主，想請教我幾天前在森X 買咗8個鬱金香花頭，因第一次種，想在出年新年19/2/2015開花，剛剛1/10放 ...

上年我係森x買過鬱金香，佢已經雪左，唔洗再雪

通常本地買到的球根都已經雪過…我上星期喺繽繽都買左球根（屈金香、洋水仙同風信子），純粹想新年多幾盆花睇吓，買完至發覺好似早得濟

我上年年尾係森x買咗洋水仙球根，佢話唔洗雪…點知種唔出花，只係出過吓葉。
養咗成年球，上兩星期剛掘番出嚟入雪櫃，又唔覺佢有大到，只係多咗兩粒五毫子咁大嘅子球囉

我之前都有去木木木記買球根，當時個姐姐仔都同我講唔需要冷藏的，後來我買左番屋企真係就咁種，點知種極都種唔出花，所以勸各位花友，買左d球根番去最好冷藏至少一個月先好種，因為你根本唔知人地冷藏左幾耐，可能只係一兩個星期，甚至幾日。

lfleung 發表於 2014-11-10 18:48
我上年年尾係森x買咗洋水仙球根，佢話唔洗雪…點知種唔出花，只係出過吓葉。
養咗成年球，上兩星期 ...

好養功，我之前種那些，有沒有花未到夏天已經變成肥料，你那些無變，還有子球。

請教各位前輩，日後當花謝後多久可以掘出來，是否要放入雪櫃渡過夏天? (我未種過，最近在bunbun買了一包試種!)

我剛買左些鬱金香和百金花球，我把它們放一雪櫃，請問雪一個月夠不夠，還是要二個月？

bonbon1 發表於 2014-11-19 20:20
我剛買左些鬱金香和百金花球，我把它們放一雪櫃，請問雪一個月夠不夠，還是要二個月？ ...

我個人經驗要雪不少於個半月(6星期）,
到時大家一起賞花吧

Tommy1314 發表於 2014-11-20 17:19
我個人經驗要雪不少於個半月(6星期）,
到時大家一起賞花吧

咁我雪到一月初才拿出來種。thank you

可唔可以用化學泥種 花墟D人話OK