大家有冇骨科西醫介紹?

出浴缸踏上地布時以右腳為重心轉了180度成個人坐係地= ="，扭傷時左腳屈膝並膝蓋骨向左移位，當時為了起身出浴室，就那樣按回膝蓋骨，翌日去了醫院睇急症，照了X-ray骨無事的，只比止痛片及類似壓力套的"cool"著膝部，政府骨科排期…排到09年7月…

我扭傷膝蓋2個幾星期了(6月25日晚到現在)，睇了6次趺打了(醫師說是傷了滑膜及韌帶，有出血及關節滑液積聚)，前日星期六覆診前走路時痛是不大痛了，站著伸直腳時關節還有點痛，左膝內側仍然腫脹，膝蓋內側腫脹位按著只有近膝蓋骨旁仍有小小痛，不過…自第4次覆診後，膝蓋較位緊左，第4次去睇趺打時膝部還可以用人手掘曲90度的，到現在只能大概掘曲30度左右，明顯感覺到膝蓋骨至較位仍然有滑液積聚"穀"住，感覺上好像比先前積聚得多左(因為比前幾日更掘不曲了)，前日星期六睇第六次趺打，醫師同我用玻璃瓶拔住罐來圍住膝蓋骨推了一陣，現在膝部內外側(較位兩邊)都有些黑黑腫腫，膝部又隱隱痛了…

現在想去看看私家骨科西醫，大家有冇D骨科西醫介紹?
(同事話同冰袋"呼"住膝蓋先消消腫，是正確做法嗎？)

[ 本帖最後由 JenniferC 於 2008-7-14 15:19 編輯 ]

你應該先睇GP, 由佢 refer 你去睇 有關專科

GP 對骨科的認識應該比在這裏問更合適
二來如果要 claim medical 都要求 GP 的 referral

原帖由 Peter 於 2008-7-14 15:19 發表
你應該先睇GP, 由佢 refer 你去睇 有關專科

GP 對骨科的認識應該比在這裏問更合適
二來如果要 claim medical 都要求 GP 的 referral

即係先去一般西醫診所？
(因為北區醫院已經將我轉介左去政府醫院的骨科，不過等到09年太耐了)

[ 本帖最後由 JenniferC 於 2008-7-14 15:47 編輯 ]

請收 PM.

試下問北區醫院可否補寫一份 推介信給你作 索償之用.

原帖由 JenniferC 於 2008-7-14 15:14 發表
出浴缸踏上地布時以右腳為重心轉了180度成個人坐係地= ="，扭傷時左腳屈膝並膝蓋骨向左移位，當時為了起身出浴室，就那樣按回膝蓋骨，翌日去了醫院睇急症，照了X-ray骨無事的，只比止痛片及類似壓力套的"cool"著膝部，政府骨科排期 ...

你個趺打醫師有冇幫你復位, 玻璃瓶拔罐似乎對骨傷冇咩幫助, 較位緊左似有異位積血及發炎現象. 睇西醫唔係唔好, 不過佢地方法不外乎熱"呼"冰"呼", 食消炎藥係關節用針抽積水等等. 我會建議你轉睇第二個醫師要會復位同針灸既幫助可能更大.

原帖由 JenniferC 於 14/7/2008 15:46 發表


即係先去一般西醫診所？
(因為北區醫院已經將我轉介左去政府醫院的骨科，不過等到09年太耐了)

吾好再拖,立即先去上水或粉嶺的一般西醫診所求診,再要求轉介去骨科專科.
另外不要隨便給跌打醫師移動妳的膝蓋骨關節,因技術不好的話會很長手尾.
希望妳能早日康復.
KUNO

我就絶對唔建議睇跌打, 總是覺得冇乜科學根據

如果冇醫保就自己去是但一個骨科睇,照x光睇下咩問題先

我前幾年曾經試過櫈親條尾龍骨，攪到有成半年都行唔到~行兩三步就要坐一坐~當中睇過骨科西醫、物理治療、趺打、脊醫，全部都幫唔到我，我以為我以後要坐輪椅add8icon ，之後有人介紹一位在太子的針灸醫師比我，針灸左兩三個月就行得laadd6icon 而家除左返風落雨有少少痛，平時都好正常，無晒事add7icon 如果有需要睇針灸，可以pm我比地址你

我睇開一個骨科醫生,唔知好唔好,但現在我全家及親戚都睇佢,有d換骹,切除脊骨內腫瘤,切除脊骨移位軟骨,重有d發炎及舊患.
醫生名稱及地址pm比你參考.
我都試過唔知點解喉沙咗個幾月,政府專科要排年幾,後尾都自己好番.

終於走去見睇開的西醫(GP)，初步check過韌帶冇事，不過因為仲腫，比左d藥膏消炎藥抗炎藥，醫生話消左腫再轉介去骨科。
多謝大家的介紹及關心

希望妳能早日康復

我都希望妳早日康復