可用母乳做初生bb的乳霜嗎？

bb臉敏感，紅哂，想問可以用母乳製乳霜比他用嗎？配方是與成人一樣？

無話唔得，但保存係問題，一次不能做太多，易壞，未用時要放入雪櫃，用時先抺一些lotion 在自己手，令lotion 暖了再塗落ｂｂ皮膚．
一個月內要用完．

咁配方同做成人lotion一樣？
如果做成冬天用的乳液可以嗎？配方是14ml油+ 6g乳化蠟 同86ml水嗎？

kawayi6_6 發表於 2013-10-5 16:34
咁配方同做成人lotion一樣？
如果做成冬天用的乳液可以嗎？配方是14ml油+ 6g乳化蠟 同86ml水嗎？
...

乳化蠟好多時係敏感原之一

我細仔係敏感皮膚，出世開始間中會有濕疹响面珠同腳仔摺位，佢第一隻lotion係用施巴，我覺得有香料，用一排皮膚都keep住有濕疹，跟住睇醫生時開左隻cream比佢，我一路用到上個月佢15個月大先停，之前有濕疹時都係要用類固醇先好。上個月開始我diy lotion比佢用，暫時都ok所以都會繼續，可以分享下我嘅配方睇下你啱唔啱用~ p.s. 我係新手呀，如果高手們發現不當麻煩請更正

第一次整嘅配方：
EV Olive Oil 15g
植物乳化蠟 5g
菜瓜水 80g
複方抗菌劑 0.3g
薰衣草精油 3滴

第二次整嘅配方：
有機甜杏油 16g
植物乳化蠟 6g
有機羅馬洋甘菊花水 39g
純水 39g
複方抗菌劑 0.3g

siuho331 發表於 2013-10-7 20:56
我細仔係敏感皮膚，出世開始間中會有濕疹响面珠同腳仔摺位，佢第一隻lotion係用施巴，我覺得有香料，用一排 ...

其實小孩的皮膚病, 特別係濕疹問題, 全因情緒影響, 父母特別是母親在懷bb時一直有焦慮的話, 出世的bb 會較易有濕疹問題, 要切底治療bb的皮膚病, 不是要找什麼特別的膏葯, 是先治療好父母自己的情緒問題.

這些都有醫學根據, 但呢d 原因不能patent, 大葯廠和商家不會拿這個真正原因做賣點去治療皮膚病的.

bb 的情緒全受父母情緒影響, 就算父母不出聲, 他們製造出來的氛圍也能直接影響小孩情緒, 繼而生濕疹, 即係話, 濕疹等等的皮膚病其實是壓力指標, 見到濕疹就即係身心正面對壓力. 若果不治好根源 -- 父母特別是母親的情緒問題, 任你用什麼名葯或diy 膏藥, bb的皮膚病是很難痊癒的.

愛自己小孩, 先要懂得愛自己, 充滿愛心的小豪(浩?) 媽媽, 祝福你幸福快樂, 身體健康.

jellyfishy 發表於 2013-10-8 09:25
其實小孩的皮膚病, 特別係濕疹問題, 全因情緒影響, 父母特別是母親在懷bb時一直有焦慮的話, 出世的bb 會 ...

我細仔而家16個月大了，touchwood d濕疹都叫好哂冇發幾個月。可能正如你所講的陀bb時情緒問題可能影响到細佬濕疹，因為要陀住b還要照顧大仔，好不容易，不止濕疹更有氣管敏感，基本上細仔是個敏感人但大仔並就冇，為了減輕病情同避免番發，唯有加陪悉心照顧同避開致敏源，致敏源可能係化學劑、塵蟎、食物等等……，樓主想用母乳整lotion，其實我個人覺得飲落肚更好，起碼吸收得更全面而且有抗體，況且母乳易壞，萬一壞左而唔察覺，搽落bb面上身上更唔好。其實我diy比仔仔並唔係話想醫好乜野，只係能力範圍內都想比較好的，好老寰我都唔知自己整嘅手工皂同lotion係咪更適合仔仔用，用多一排睇睇啦~~

siuho331 發表於 2013-10-8 10:29
我細仔而家16個月大了，touchwood d濕疹都叫好哂冇發幾個月。可能正如你所講的陀bb時情緒問題可能影响到 ...

咁啱我身邊有朋友跟你有類似情況, 我們呢一代做媽咪多左生2個甚至3個, 女人又要顧工作又要照顧家人, 生第二個時會有種分身不下的壓力.

做母親用無條件的愛治好bb的皮膚病, 這份愛同時也治療了媽媽的壓力, 很感動呢~

謝謝大家幫忙，之前有朋友教我用母乳同佢搽面，而家塊面好返好多。

prodorothyhkg 發表於 2013-10-7 17:30
乳化蠟好多時係敏感原之一

咁有咩其他野可以代替？

BB皮膚其實水份好夠，隨著年齡增大，皮膚才會越來越少水份。所以我個人覺得，如果怕BB皮膚會乾，唔係保水份比佢，而係防止水份散失。
其實我覺得BB擦少少椰子油己經夠。BB皮膚組織仍然在建構中，椰子油有助BB建構皮膚組織，而且...不用加防腐劑....(乳液有水份，不加防腐劑不能保存)

其實,我見好多父母太疼愛BB，越攪得多，越影響BB建構防衛系統(包括呼吸道)，到後來少少問題變大問題....

尤其用消毒品，有媽咪BB未出世就全屋消毒，出世後所有物品都用消毒液天天抺，BB日日吸聞、吃入消毒液(咬玩具)。
建構抵抗菌毒既工作一開始就被消毒液停止(太少機會接觸細菌)，而且被消毒液攪到起敏感，腸胃益菌亦建構唔到(吃進肚的消毒液好菌壞菌照殺)，腸胃差皮膚會跟住差。呼吸道亦會受消毒液影響，變得敏感。

BB後來，又濕疹又哮喘，媽咪湊得好辛苦，但只能不停睇西醫餵BB食西藥。

另外，BB仔唔好一喊就抱，要比佢喊下，其實喊下可以加強肺部功能，而且...一喊就抱會養成習慣，好難湊。

我贊成居住環境不應過份消毒令小朋友無法接觸細菌，導致免疫力較差，但我自己覺得適當的消毒還是有必要的。分享一下我情況……我大仔讀的幼稚園全年不斷有小朋友染上手足口病或輪狀病毒，學校已規定學生要帶口罩上堂（慘）同定期消毒潔潔，我最怕大仔冇事但把病菌帶回家比細佬，不得不承認現今的病菌好惡（是人們濫用抗生素的後果嗎？），以前普遍傷風感冒會自然痊癒，但而家會睇兩次西醫都未斷尾。

香港人生活緊張，壓力大，即使如我做全職媽媽亦感到壓力，陀b要撲床位，返學要撲學位排長龍為拎一份表，出年就要為小學又撲過，可憐我住新界西的（幸好不是上水），深怕要同雙非拼一拼，如此壓力下特別生敏感b…這是現今一代父母的心聲。

至於bb會抱慣問題，我自己有一套特別見解可以同大家分享下~ 我同我老公好彩有共識，覺得小朋友唔怕多抱，通過身體接觸bb係特別感受得到父母嘅愛同有安全感，bb有安全感自然唔會成日哭鬧的，況且bb大得快，到佢歲幾識行又有返咁上下重量，想抱都好難，所以有得抱時我會盡情地抱~哈哈~~

抱BB依個睇法係因為學香薰堂時，講者係一位德國醫院既資深兒科護士，課堂中有父母就因為BB要抱住訓，一放低就喊，攪到兩公婆無覺好訓，而發問。
講者既回答就係唔好成日抱，因為BB發展緊肺功能，應該適度比佢練氣，唔好怕佢喊。
講者教學中都好注重能量交流，同埋情緒對健康既影響關係，所以我覺得好有說服力，所以佢絶對影響我既睇法。

但我強調，我自己無生細路，絶對無依方面既實戰經驗。

siuho331 發表於 2013-10-10 16:29
我贊成居住環境不應過份消毒令小朋友無法接觸細菌，導致免疫力較差，但我自己覺得適當的消毒還是有必要的。 ...

BB 個氣場根本係完全連結了父母的氣場, 父母唔洗出聲, 有乜壓力都會令bb完全受晒. 氣場是身體最外層的保護網, 氣場受壓, 久而久之就會令身體出現毛病.

想自己下一代不跟世俗一般成長, 父母的身心質素自然是關鍵了~

祝福各位父母開心快樂啊~


note: 氣場是科學野來的, 有科學研究有根有據, 又係個句, 無得用醫葯治療氣場, 所以唔會有大商業利益可途, 自然無葯廠sell 補氣場.