做油膏

上星期有同事話手爆得好利害，去睇醫生只會開類固醇，越搞越差。

我聽見就介紹佢用黃金乳木果擦。但佢唔識。

回到王府同王妃講，佢就做咗種油膏，叫我俾同事試一下。

椰子油 : 黃金乳木果脂 ：橄欖油 : 甜杏仁油 ( 蜂蠟 3-4g) 成品約20g
2:2:1:5

唔知幫唔幫到佢。

wow 王爺換了咁IN的頭像,,,,,,,,,,,,,,,,,,,,,,,

王爺：當然ok啦，加d eo仲好添

好流質喎~ 多少少蠟會唔會好搽d呀?

手爆係咪即係爆拆呀?

爆拆既話，如果厚硬皮唔多既話，可以試下紫雲油啦...幾好架...

又係講估仔既時間︰

話說我媽之前冬天晚晚勁搽橄欖油都止唔到痕，於是我用紫雲油做膽整左隻油比佢搽。
佢搽左話好得，咁佢上大陸按摩時，拎埋上去，做按摩用。
佢有其他朋友皮膚有幾種唔同既問題，都用果隻油攪惦左，我媽就當左佢係神油。
佢有一個相熟既按摩師，兩姐弟都係埋同一個場度做按摩。兩姐弟反鄉下老家(北方)，塊面就開始爆拆，番到深圳好耐都唔好，搽左好多種藥膏都唔得。
咁我媽媽就分左少少油比佢，佢兩姐弟搽左，就好番晒，連依兩姐弟都當D油係神油，我媽D油放到益左，話要掉左佢，兩姐弟都話唔好，要留黎攞番去鄉下添。

所以我都叫老公嘴爆拆時，搽紫雲膏，老公話好正架。

但如果有厚硬皮既話，最好先浸軟皮膚，再搽野會比較吸收架。

八王爺  佢唔系爆拆。佢話初期因做家務，有少少似主婦手，看醫生給她類固醇咁就搞衰咗双手。用咗油膏後也是當神油。紫雲膏好，但味不好，OFFICE用唔得。

佢咁情況...其實整隻DIY潤手霜過佢就得囉....求其一隻野都好過佢之前果D