第一次認真做皂，各位多多指教

星期日晚試打，昨晚脫模（用豆腐膠模），看來還可以吧？

現在煩惱，如何切皂？
用菜刀怕家人責駡，沒有切皂器。。。

各位有何高見？

另請教：
１）其實多等幾天脫模有何影响呢？
２）脫模後兩天切皂對嘛？如要印皂章是否也在脫模後兩天，即切皂後做呢？
３）再多等幾天是否皂有機會太硬而不能進行以上第二項了？

感謝各位的時間。

丫。。。是否皂皂太難看，大家都不發聲了？sorry呢？

還是問的問題太低智了？

菜刀 - no problem 架～　記得搵２本厚身書頂住皂的２邊，是用來固定把刀可以”直角”不斜走地下刀．
解釋給家人知，你舊係已熟的手工皂，無毒害健康過市售清潔劑，所以用菜刀絶對無事，仲可以一併清潔菜刀添～

２）脫模後兩天切皂對嘛？如要印皂章是否也在脫模後兩天，即切皂後做呢？
----------你係乜野配方？　皂若太軟就要放多２日才好切．
----------要等到皂很硬才可以打印的．若你呢底係沖涼用的皂，最好等三四個星期後才打印了～太早打印，皂黏印，會把花紋糊掉的．

３）再多等幾天是否皂有機會太硬而不能進行以上第二項了？
----------看來你底皂仲幾軟．

你寫條方出黎睇下先啦

一舊舊黑色果啲嘢好似好硬咁，切得開咩？

支持支持... 第一次做皂好好喇....
努力呀!!
黑色一粒粒果d 係乜?  炭咁既?
用鋼刀切好na ... 唔好用陶瓷刀，

樓主, 你由皂皂入模到脫模, 就只有2天?

舊皂看上去唔算好硬, 可以切的了. 100%橄欖油皂好難會硬的. 放多十日都仲可以用刀切.

pH 雖然未跌到可以用來沖涼, 但用來洗東西是可以的.

我擔心黑色硬嘢切時壓爛新皂咯！

因為舊皂好硬，咁大切唔開，切開也會碎！
用豆腐模，看出黑皂唔細，之前你點樣切碎？

GloriaIp  即係唔好切咁細塊？ 黑色個d我搵一把普通刀仔切  發表於 8 分鐘前
----------
不如你今晚得閒就切左先啦, 皂皂唔係豬扒, 想d 皂切得靚, 最好係直角切, 一刀過由面切到底.
底皂本身軟, 配一些硬的皂粒在上, 要一刀過切靚佢就比較難, 因為用力切時, 會容易出現不平均力度的問題.

第一底皂算唔錯ga喇，仲玩埋加皂粒。見皂粒無沉底就知trace夠。其實可以(如果有多對手)，邊倒模邊落粒粒，咁整件皂就會有均勻的黑色，特別正方那個，粒粒集中再中心，所以王爺擔心會切碎。100%橄欖皂出模後仍軟(我是等三至四天才出模)，水母講的無錯ga。如果你明天要切，切之前最好用手輕按皂旁feel一feel硬度，如果仲軟就要等多一，兩天，穩陣d。

切完後是否繼續風乾六至八周呢？（不需保鮮紙吧？！）
再test pH right?

皂粒放表面都係一種設計,只是它如果和皂身軟硬相差大,切起上來難控制力度.
其實打皂有很多原則都係common sense.
放膽去玩打皂喇,最緊要enjoy.