整第1支潤唇膏(失敗左)

睇左咁耐胆粗粗買晒d料,諗住聽日試下整潤唇膏,會用以下配方,請比比意見

蜂蠟        30g
乳木果脂    30g
玫瑰浸泡油  20g
雛菊浸泡油  20g
再加數滴精油

想請教下;
1) 咁既份量,軟硬度是否適合?
2) 想加入不同味的精油,可以點分
3) 想加入蜂蜜,是否係以上材料混合之後離火才加入

製法,如果有錯請話我知呀
用蠟燭煲溶蜂蠟及孔木果脂,離火加係玫瑰浸泡油及雛菊浸泡油混合之後再加入精油.

請問咁樣整有無問題呢

浸泡油, 即是甚麼油？　不同油造出的唇膏有不同硬度的，所以一定要知你用甚麼油．

１．你鍾意潤唇膏是甚麼質地？　軟硬度是很個人化的，軟ｄ？硬ｄ？驚唔驚易溶？　
２．不同味的精油？不如你講講你想要點既味啦？精油千變萬化，很難就咁講喎．
３．入honey的話，要注意倒最後個支筒時，會有honey無法固體化而漏出～

座溶的wax和油要相約溫度，不能太低，冷油倒入熱油時，會立刻固體化，無法入唇膏筒，到時又要再座溶才能入筒．

有機玫瑰浸泡油 Rose Blossoms (in Sweet Almond Oil) &
有機雛菊浸泡油 ( 含維生素E )Daisy (in Sunflow, er Oil + Tocopherol)
佢咁寫架

1. 我只係想同出面買果d差唔多就得,因為我都係用唇膏筒,我唔想一開黎搽就爛
2. 我諗住做幾支玫瑰味,幾支水仙花味,幾支白蓮花呢囉
3. 如果咁樣,我都係唔落喇,多謝你提醒

咁我係咪最好係連埋d浸泡油一齊溶會好d,即係蠟,脂,同油一齊溶,之後先離火落精油?

水母,多謝你答我呀

一次整咁大份量,未入晒唇膏筒已凝固了

每次總重約30g即可以
已經係10支3g筒,有排用啦~

建議你第一次做, 選定一個配方和味道, 這樣比較易控制, 不會到時拿手唔成世.
你用個d油, 除了shea butter, 全是比較軟的油, esp. sunflower oil, 建議 bee wax 比例高少少, 唇膏會硬淨少少. 如果係我用你呢種油, 會做到bee wax : oil = 1:2 to 2.5.

僅供參考咋.   

呢個份量可以整到幾十支喎...你用唔用得晒咁多架？不要忘記無落抗菌劑好易變壞的...
我自己就每次都係整12g總重量, 可以整到3支, 都用到幾個月啦~

失敗左喇

果份量雖然我已經減左一半,但因為我買磅既時候無留意到個受重量呀,所以磅唔到呢少g數既野,幾樣都係大約份量攪到明明50g既野,做左出黎係20支5g既潤唇膏囉.又因為份量唔啱,所以落精油都唔啱,出黎既係完全無精油既香味,得乳木果脂既味道,好難頂呀

挖晒佢出黎，溶番佢，重新再加過精油(唔好落咁多呀..藥黎架)...
再入番唇膏管就OK....唇膏失敗唔怕架....可以補救既...

要多謝菲媽提醒你減份量...唔係你要做多一倍功夫呀....

吳好放棄, 再試過啦....加油丫, 成功左又有多既咪送枝俾我囉...., 講笑乍...

fanhoiyiu 發表於 2012-9-10 16:05
失敗左喇

果份量雖然我已經減左一半,但因為我買磅既時候無留意到個受重量呀,所以磅唔到呢少g數既野,幾 ...

唔算失敗啦，幾好呀，支支完整．
我覺得唔關磅事，你可能係當左 1 gram = 1 ml (volume) 咁睇． 油和水的1g ，兩者volume是不同的．水 1g = 1ml, 但油輕過水，油 1g 大過 1ml的體積架．不同油種重量不同，假設平均每種油1g = 1.5ml，你預 50g 油，即係等於75ml的容量，再加埋手殘滴多幾滴，beewax的1g 又係遠遠大過水 1g的體積，最後才會整多左一倍潤唇膏．

無乜味係正常架，eo唔係香精呀，用在唇上，唇陪係敏感位，eo 1%不能再多了，再多的話，好多人搽左唔舒服，或喉嚨想咳的．你可能在油太熱時下eo，eo未入管已經受熱揮發晒，建議油不要太熱時下eo，但點為之不太熱呢... 其實好難架，因為你有sheabutter，唔夠熱的話，sheabutter很快固體化．

話時話，我的朋友，除了有用開eo的朋友，其餘人唔鍾意我整的潤唇膏下eo，一面倒鍾意無乜味的潤唇膏，佢地聞到sheabutter or cocobutter or olive oil, 已經感到好夠香了．

經過水母既分析又真係講得好啱,因為個磅1格仔等如10g,我可能唔係企同一個位睇,所以有差別,而又有水母講既d既不同所以由50g既整左100g出黎,又加上我第1次整未入晒筒已經凝固,所以又坐返熱,可能就係咁無晒d香味.
不過我咁辛苦整出黎緊係唔會浪費啦,已經散晒出去比朋友用,自己留左支試,潤就好潤,但好唔鍾意乳木果脂果陣味呀
我會再試架

另外我想問下你地整會唔會有中間果個窿架,點先可以無呀?

油品冷縮咪有個窿囉~
唔好再加野上去啦,會越加越肉酸架~

fanhoiyiu 發表於 2012-9-11 16:37
經過水母既分析又真係講得好啱,因為個磅1格仔等如10g,我可能唔係企同一個位睇,所以有差別,而又有水母講既d ...

你個磅用格仔計算, 似乎真係太粗略喇. 快d 搵diy 姐姐買番個細電子磅啦，又平又好用的．

其實我都唔鍾意shea butter的味，我通常用cocoa butter~ 有少少朱古力味，夠大眾化～　

有方法填孔的，而且可以填得靚靚，但一定要手快手定和時間配合得好，新手不宜，但歡迎一試．
唇管排好後，倒油時，要盡量對正管內中間支桿，倒九分滿，每倒五支左右，立即番轉頭，對準中間倒滿佢，咁就可以填得靚．

嗱，我做過幾百支，都唔係支支做得靚，手工麻，通常十支梗有一半有孔，費事煩番轉頭，阿Q諗法，有個孔幾好啦，自然美~~~