水母工作的公司 A, 是一個非常大的公司, 有數十部門, 員工過千.
上兩個月, 一位高級行政人員過身, 他只有四十多歲, 效力全公司最有食力的 team M, 這條 team 約 8 人, 同事很熱愛工作, 不時工作到半夜, 星期六日都回公司工作...
有人過身, 大家對那卜文都不以為意.
今早, 又收到卜文, team M 的最高上級 S 辭世. ...
S 和水母有工作上的接觸, S 是工作狂, 為公司盡心盡力.
水母看到email, 嚇了一跳, 想起不久前還和 S 開會. 去問同事詳情, 才發現 S 一年前已得重病, 只是不肯放下工作...
---
真是人生無常. 同一條team 有2個高層辭世, 真有這麼巧合嗎? 一條 team 有25%死亡率, 不禁叫人打個冷震.
這件事警醒水母, 做人咪咁執著呀, 富貴名利, 浮雲也.
懶理別人笑水母無上進心, 工作係做唔晒架啦, 水母唔後生了, 點都唔會再為工作長期 ot.
鬧我, 歡迎, 水母裝左自動失憶系統.
公司的是非, 別人的事, 水母不管. 免得負能量上身.
真係要炒我? 無計啦, 到時先算.
但求日日開心快樂, 身體健康~ yeah~
---
在此也祝福 M team 同事開心快樂, 身體健康. 希望辭世同事親友能盡快放下悲傷, 努力生活下去.
|