昨晚放工趕巴士入機場, 當我離開巴士站還有50米, 見到有架機場巴士(城巴)快到巴士站, 當時馬路冇車, 於是我行出馬路迎住架巴士跑去, 一邊跑一邊舉手示意, 架巴士到站我還有10米路程, 架巴士居然開離站.
係, 我係未到巴士站, 佢係有權唔等我, 但係我在巴士司機面前十米, 還在跑, 還有機場巴士疏, miss一班最少等15分鐘, 佢等我十秒鐘唔會死呀? 我在佢面前十米, 佢唔好話睇我唔到, 如果咁都睇唔到, 就唔好駕車嘞, 唔好害人呀.
我點? 我緊係打電話投訴啦, 今時今日咁嘅服務態度係唔夠嘅.
當我打電話時, 有架九巴車(不是我要坐的路線)停在面前, 個司機閃燈, 我明白佢意思係見我低頭打電話, 怕我睇佢唔到, 問我要唔要上車. 呢d先係服務態度嘛.
單睇呢兩個司機, 九巴服務態度真係好過城巴好好多.
|