magichand 發表於 2011-11-4 23:56
你會否吃過"青肉", 種錯呢?
我也留了很多自種夕張種籽, 如果你有興趣, 可以分享給你...下年種.. ...
謝謝分享。
其實我食過一次青肉蜜瓜, 之後都有留種。不過係分開咗唔同時段留, 調亂機會不大。而且呢個瓜個質感似夕張, 多過似我有留種的青肉。
另外有一樣野, 我覺得好奇怪。我淨係食過網紋蜜瓜, 唔知點解, 我其中一棵 (種咗4棵), 結咗出嚟係個冇紋蜜瓜。
初初結果時, 好似節瓜咁長毛 (下圖); 大大吓就變到成個冬瓜咁深綠色冇毛, 瓜形就同蜜瓜一樣; 不過就冇長網紋 (冇影相留底)。
因為屋企從來都冇食過其他瓜, 所以一定唔會同其他瓜撈亂。
後來, 呢個瓜又係響未熟嘅時候, 俾我兩隻狗撞跌咗, 切開嚟食, 係蜜瓜味唔係冬瓜。
BTW, 之前上網睇台灣啲人話實生水蜜桃(種籽發芽長大)結出嘅果未必會係水蜜桃。因為水蜜桃係唔知配種結果, 所以唔會長翻同一個種。
|