千里淘熊記

最近瘋狂迷上左熊童子, 經四出張羅之後, 已經買到綠熊同黃熊,
獨餘白熊遍尋不獲, 沒辦法之下只有去淘, 但本人唔識淘宝, 好彩有男友幫手打點一切.
結果過程一波三折, 勞心勞力, 勞民傷財, 累我男友要走上深圳兩趟.
白熊真係非常柔弱, 風險極高, 所以都係勸大家唔好淘.

訂貨後本來店主聯絡左快遞直送香港, 點知中途話檢測到有水份打回頭, 再商量後轉寄深圳.
可能因為焗多左一日又運來運去, 星期五晚上深圳收貨時打開成棵散哂, 心情即時跌落谷底.
於是第二天發相通知店主, 店主肯免費補寄一棵, 但又要再上深圳取貨,
幸好今次收的貨總算滿意, 不過都蝕左車費.
今次多謝男友咁幫手才可淘得心頭好, 累佢走左兩趟我都有ｄ內咎
見到ｄ爪仔有粉紅指甲都覺得值嘅
去相
第一棵

第二棵
有上次一晚吹乾左白熊的慘痛經驗, 所今次用膠杯笠住先, 總算冇事.

看不到相

1. 如果泥土時常保持濕透，水份多熊童子就好大機會甩葉，咁同你用唔用牙籤托住佢幫助不大！反而你應該考慮疏氣既泥土咁就冇咁易積水引致爛根或水份過多而甩葉！

2. 如果你用罩罩住熊童子，咁樣會令空氣唔流通，有機會罩內聚成一層蒸氣變成保濕室，咁樣令熊童子處保濕狀態有機會加速甩葉！

其實，你放佢起有陽光 & 通風地方，泥土夠疏氣！通常你可以考慮放起窗台下！

睇到相, 原來佢地就咁紥埋就寄落黎, 好牙煙

千里淘熊，淘了兩只北極熊

阿火 發表於 2013-11-19 23:42
1. 如果泥土時常保持濕透，水份多熊童子就好大機會甩葉，咁同你用唔用牙籤托住佢幫助不大！反而你應該考慮 ...

多謝火爺賜教   
第一棵白熊收貨時原本都幾硬淨, 呢幾日相對濕度得5x%, 白熊可熊皮簿一點,
放左一晚露台吹完風之後, 即時缺水軟到貼地咁滯, 笠左膠杯之後半天就有好轉,
如果濕度高返我會即時移開膠杯.
新手種植, 乜都唔識, 係緊張左ｄ架

你呢棵真係十分昂貴了!!

至於有水份打回頭? 很奇怪...

見你搞到咁複雜, 下次也許我幫你代收吧

紅寶石公主 發表於 2013-11-19 23:54
多謝火爺賜教   
第一棵白熊收貨時原本都幾硬淨, 呢幾日相對濕度得5x%, 白熊可熊皮簿一點,
放 ...

唔好放露台, 放係室內窗邊

哈里波波 發表於 2013-11-20 00:06
你呢棵真係十分昂貴了!!

至於有水份打回頭? 很奇怪...

THX a lot
白熊￥98, 但加埋運費和２次上深圳車資, 真係好貴

powergun 發表於 2013-11-20 00:07
唔好放露台, 放係室內窗邊

是我太疏忽, 以為多肉一定頂得住, 點知原來ｄ北風真係咁勁抽

紅寶石公主 發表於 2013-11-20 00:18
是我太疏忽, 以為多肉一定頂得住, 點知原來ｄ北風真係咁勁抽

如果係一般多肉應該無問題的, 但你見到棵熊錦咁細弱, 大風小小都成棵吹左去, 咁就唔應該放佢係戶外吹風啦

哈里波波 發表於 2013-11-20 00:06
你呢棵真係十分昂貴了!!

至於有水份打回頭? 很奇怪...

你第時淘開野, 通知一聲, 睇下大家有無野岩囉

powergun 發表於 2013-11-20 00:52
你第時淘開野, 通知一聲, 睇下大家有無野岩囉

  其實我代收就可以了, 可加不同的收貨地址.
因為淘植物好個人, 問來問去都幾麻煩, 所以如選中左, 覺得寄香港有麻煩或易爛 (例如這個case), 我可以代收再約交收.

不過呢類童熊子實在很脆弱, 被快遞扔爛風險很高

哈里波波 發表於 2013-11-20 09:20
其實我代收就可以了, 可加不同的收貨地址.
因為淘植物好個人, 問來問去都幾麻煩, 所以如選中左, 覺得 ...

我代各花友多謝你先, 但呢度可能有N咁多花友的, 數量重可能會係幾何級咁升的, 如果個個都話我要淘乜我要淘物, 全部都比你代收, 你都好煩的, 且對你都無著數, 所以我至提議你淘開邊間就放條 link 出黎睇下花友有無鍾意的, 咁就可以落多d order, 減低你的成本的

你個賣家真唔錯喇,願意補發給你,仲要壯過第一棵,唔知熊仔插葉得唔得呢,不過$98,都幾貴~

咁艱難先到手既小白熊, 一定已經成為你既至愛.
原先第一棵可能養養會好返, 到時有兩棵 攤返開就唔貴啦 ....

淘熊一定要買有根的，無根的已經極難養根，更何況要考慮連葉都甩埋，又無根又無葉就實死。

網上有關種植熊童子 & 熊童子白錦資料：
http://blog.sina.com.cn/s/blog_68c08bcf0102dz7h.html

他的包裝不太好
好像仙兄果啲比較好