葉底紫色有無問題㗎？(加咗圖片）

我係種av既新手，買咗盆迷你種，由最初５塊葉仔種咗半年變咗成２０幾塊葉，變咗擠迫戶，都唔長花（因為只係見＄５咁平，買嚟玩吓，一直無理佢，有次仲一個星期無淋水），最近落咗花肥，好多花苞標緊出嚟，仲剪咗１２塊葉出嚟（第１次剪８塊，噚晚又剪咗４塊），噚晚先發現有d葉底綠色，有d係紫色，有無問題㗎？

剪咗十二塊葉之後,仍然好迫


出緊花苞


剪出嚟既葉,唔知有幾多可以生到根呢?

無問題, 紫色葉底, 通常花會深色點, 綠色底的會淺....我種的就係, 唔知對不對

以我所知係無問題，但原因等其他人答。
但你一次修一半葉會唔會太多？

弘安你好，花無貴賤，五元也好，五百元也好，我們亦一視同仁。

花友們已答道若花色為深色花，則葉底為深色，反之亦然，但深色花在幼嫩未成熟時，所長出之葉子仍會較淺色。另外，如本為淺色葉底的品種，遇到不利生長環境，如過光、過肥等，也會產生變異，長出較深色的葉子，此時就是植株向你發出的警號了。希望能釋你所疑。

佐治

太好了，我既花係深紫色的，咁應該係正常了，多謝版主指點
本來都無諗住理佢，種咗半年開始同佢發生感情，為咗佢又睇書又上網，又施肥又剪葉，感覺開始中毒了
而家d花出緊嚟，超期待，聽日同佢拍番輯寫真先

您得閒上黎多D同花友交换種花的樂趣，睇多D 靓花好快中毒架

剪咗12塊葉,但係之前4塊放1隻杯,其中1塊葉有問題,變咗啡色,結果另外3塊都受感染

saolan 發表於 2012-4-13 12:55
您得閒上黎多D同花友交换種花的樂趣，睇多D 靓花好快中毒架

我己經中咗毒la

之前見佢勁多葉,同佢換咗個大盆,後來先知av要用細盆種, 我發現d花苞好似一直都唔大,想換返個細盆,但係出緊花苞又唔敢郁佢, 而家出緊花苞可唔可以同佢換盆呢

今日又死咗塊葉, 12塊已經死咗5塊, 因咩解究死亡率咁高呢? 浸水的杯仔同較剪都有消毒, 幾日換一次水, 有d擔心網友比我的211修葉會唔會比我害死, 畢竟經驗不足...

你修葉出來 有沒有 待20分鐘 才放入水   我全部 修葉出來的都沒事 我大約有20盆都是這樣種出來的

我有用 hi-fresh 点一点葉尾的   

hi-fresh係咪是旦一間花店都會有？我第一次整，唔知要等２０分鐘，剪咗就直接放入水，我下次會小心的

弘安 發表於 2012-4-22 11:45
hi-fresh係咪是旦一間花店都會有？我第一次整，唔知要等２０分鐘，剪咗就直接放入水，我下次會小心的 ...

Hi-fresh 係花墟花x 有售

另外純粹分享一下我自己插葉嫁做法
1. 將修葉清潔消毒 （如果從花友分享得來）
2. 留下葉莖大約2cm 然後用鋒利嫁 cutter 打斜切下(Cutter 要用酒精預先消毒)
3. 等20-30分鐘讓切口風乾
4. 塗上Hi-Fresh (如果有)
5. 隨後插葉片入泥~

如有任何錯誤，還望各前輩改正~ 謝謝~

jurassic  我自己做法是 1. 剪葉 有消毒 但沒特別用cutte 留2cm 2. 待20分鈡, 3. 用 hi fresh 4. 直接入泥. 多年都是這樣做, 因我有很多朋友要我的花  發表於 22 分鐘前

多謝分享您寶貴嫁經驗~

Breeze 發表於 2012-4-22 13:23
Hi-fresh 係花墟花x 有售

另外純粹分享一下我自己插葉嫁做法

1.將成塊葉消毒？成塊浸漂白水？
我嫁做法係浸(1:99)漂白水消毒

2.浸水用的杯仔同剪刀都有消毒
非常好~

3.唔知要風乾，唔通係咁所以唔得
如果唔風乾傷口, 傷口較容易受感染~

4.無用到
HI-Fresh 唔一定要用~ 只不過用左生根會快少少~ 有花友都唔用HI-Fresh插葉繁殖, 一樣兒孫滿堂~

5.我係用水浸出根後先放入泥
都無問題~ 各施各法~
但留意水浸出的根是水根, 當再入泥時根部要重新適應~

我見你寫"有次仲一個星期無淋水"……其實AV唔駛成日淋水, 一般黎講, 7 至10日淋一次已經夠架喇播, 你平時幾耐淋一次水架?

弘安，葉插法偶爾會爛葉，實屬正常，
參考各花友的經驗和意見，可減低腐爛機會，
但邇來天氣陰晴不定，濕度高低忽然，對敏感非常的非洲堇，至為挑戰。

用泥插代替水浸，可增加小苗存活率；
葉柄可稍為剪短，縮短營養運送路徑，可加快出苗時間；
太大的葉子可剪去頂部四份一，令母葉停止繼續生長，亦能加快出苗時間；
切口四十五度角朝天，使小苗可朝天長出；
落泥前傷口稍作風乾或輕塗Hi-Fresh，可避免葉子受感染，
落泥後置於多光處，見小苗長出就稍為減光，使小苗葉柄稍長，方便分苗及定植。

小小心得，希望幫到你！

幾時淋一次水係睇環境架！
個盆輕感覺泥開始乾先淋水。
唔同植料吸水量不同。
我係公司三日要淋水一次，我係屋企大約一星期淋水一次。天氣乾，天氣濕，淋水次數亦不一。

多謝大家的經驗分享, 受益良多, 我之前嗰d留葉柄仲留到有咁長得咁長, 仲要切口向下...
前兩日剪了一塊葉直接插泥, 但係呢兩日塊葉軟軟地,不過無變啡色,要觀察多幾日

多謝大家的經驗分享, 受益良多, 我之前嗰d留葉柄仲留到有咁長得咁長, 仲要切口向下...
前兩日剪了一塊葉直接插泥, 但係呢兩日塊葉軟軟地,不過無變啡色,要觀察多幾日

我細個o個陣(好似仲係讀緊初中?),有人俾左棵非洲紫羅蘭我屋企,我又唔知o係邊聽人講剪D葉出唻就可以生另一棵,就自己玩分株...
o個陣屋企又冇電腦,又懶得查書...亂咁唻又俾我"成功"左!!

"成功"ge意思只係佢冇死...但係D莖就係咁愈生愈長...D葉愈唻愈大塊...仲異常茂盛!!就係冇花......
最後...佢變成近似"lan騰"ge生物......

而家見到咁多位ge分享,令我好想再次挑戰~