畫花難？養花更難？

今日畫到好頭暈！櫻花，樹枝，畫到唔知自己去左邊！不停修正又修正！進度非常緩慢！

繪畫可以令人高度集中，全情投入！但有些時候，又好易容迷失方向！所以係適當時候要自我抽離一下，認清方向，繼續前進！
之前覺得自己混色準確很差，有好多顏色都掌握唔到！但今堂發覺自己有進步，開始掌握少少！再加上老師嘅肯定"呢個顏色溝到好接近"或者 "冇錯啦，就係呢個色啦"都增加了不少自信心！鼓勵對小雷子非常受用……哈哈！
第2層底色，亦做好…………老師真係要求好高，呢堂仍然係底色咋…………仲未入正題的！還有漫漫長路…………我要繼續加油啦！

Tongbbmuimui 發表於 2018-5-18 22:25
用色好舒服，大雷子係咪心情好relax?

今日心情麻麻地！老師叫我畫<海浪中的一舊石頭>！我拒絕了！我怕畫下畫下……自己遇溺！
都係畫花草樹木relax啲！

小雷子 發表於 2018-5-18 21:32
今日諗左好耐，畫咩好呢？最后選了一幅嘅畫！畫嘅時候，好像自己進入畫內空間，正好是我想要的，在一個寧静 ...

用色好舒服，大雷子係咪心情好relax?

今日諗左好耐，畫咩好呢？最后選了一幅<花徑小路>嘅畫！畫嘅時候，好像自己進入畫內空間，正好是我想要的，在一個寧静時空，可以一個人獨自地散吓步，欣賞沿途花花草草！路嘅盡頭有一扇打開的鐵門，陽光直透！仿如另一個世外桃源正等着我去窺探！
老師給我5分鐘起草稿，然後進入鋪底色階段！
最初階段完成……好似小學生塗鴉！(待續……)

畫得好靚呀~
我呢個會考修過ART的都很佩服﹗
我只是貪ART唔洗讀書先讀，都有十幾年冇揸過畫筆了。
平時都係用電腦繪圖~

小雷子為天下的媽媽送上無限嘅祝福！
媽咪: 我真係……好愛，好愛，好愛你！母親節快樂！

今日訂下的目標終於完成！超興奮！呢D咁寫實，又細緻嘅畫，冇諗過小雷子可以做到！有個好老師，真係好重要！呢幅畫自己都覺得好滿意呀！嘻嘻！又比老師及同學讚有天份，有點難為情呢！
<萍果與啤梨>完成

小雷子 發表於 2018-4-28 10:01
原來幅畫係咁細架！真係要高度集中先得啦！你用超細畫筆，隻手都畫到硬晒！有冇手震呢？
之前玩過一排， ...

第一次畫真係有手震, 因為實在太細
復活節正式去學畫時第一件事就係學岩執筆,
渣好筆畫左咁多日隻手都唔會攰
只係得幾日假...難得還到好老師, 要好好珍惜
唔畫盡D都唔知幾時再有機會再去學畫...

數字畫都好得意~~塗得唔錯~

Scar 發表於 2018-4-28 08:04
上次去印度就鍾意左細密畫, 欣賞佢地既精細同繽紛既色彩、係伊朗既時候都無留意到, 可能係緣份啦…
呢幅s ...

原來幅畫係咁細架！真係要高度集中先得啦！你用超細畫筆，隻手都畫到硬晒！有冇手震呢？
之前玩過一排，數字油畫，我同你一樣，畫到天昏地暗，畫到眼痛！但完成后超有滿足感！

小雷子 發表於 2018-4-27 21:54
嘩！好強勁嘅耐性！畫到眼盲<span class="emoji emoji1f631"></span>
一幅畫要畫幾耐？點解咁鐘情印度畫嘅？<span class="emoji emoji1f605[/e ...

上次去印度就鍾意左細密畫, 欣賞佢地既精細同繽紛既色彩、係伊朗既時候都無留意到, 可能係緣份啦…
呢幅size係 21.5x 15.5, 係同老師一齊構思的第二幅畫
用左五個鐘黎畫d樹, 畫完真係覺得自己盲左
係果邊每日朝十晚五咁不停畫..真係連廁所都無去過, 食飯只係被老師父母捉先捨得離開工作枱, 快快食完又畫過...
連續畫左6日, 畫左3幅, 每幅都要畫兩日, 畫到第六日都真係有d攰...

小雷子 發表於 2018-4-27 21:50
侵佔任務未完成，仍須努力！

嘩,  侵佔, 驚驚, 你都係侵佔第二個星球啦, 唔好搞人地啦

Tongbbmuimui 發表於 2018-4-27 21:34
園藝館真係臥虎藏龍，好有驚喜<span class="emoji emoji1f44f"></span><span class="emoji emoji1f3fb"></span>

我未睇過你D傑作喎！有時間，放D畫上黎交流，交流！

Scar 發表於 2018-4-27 19:06
小雷子好有畫畫天份....我從小就羡慕會畫畫的人...自問是畫畫白痴...但當遇到只須耐性便可以的印度畫便難以 ...

嘩！好強勁嘅耐性！畫到眼盲
一幅畫要畫幾耐？點解咁鐘情印度畫嘅？
呢幅畫，畫得好靚！

powergun 發表於 2018-4-27 17:27
所以就黎左地球, 是否覺得我地的地球好多野玩, 唔捨得返火星?

侵佔任務未完成，仍須努力！

園藝館真係臥虎藏龍，好有驚喜

小雷子好有畫畫天份....我從小就羡慕會畫畫的人...自問是畫畫白痴...但當遇到只須耐性便可以的印度畫便難以自拔...為瘋癲的生命減減壓、期待你完全的油畫...借位分享下我的耐性結晶品

所以就黎左地球, 是否覺得我地的地球好多野玩, 唔捨得返火星?

曾幾何時，因為自視過高，以為自己可以輕易做到放下，一時衝動，妄作决定，好讓自己默然抽身離去！
承諾作出後，方知道內心有幾多的不捨得，難過及失落……淚水如決堤一般，一發不可收拾，彷如一對熱戀中的愛侶被迫分手一樣！

這段日子……放低了畫筆……放低了自我……放低了夢想……不知不覺變成一個沒有靈魂的木頭公仔，一條發呆中的鹹魚 …………
沉悶的日子，一天一天的過去，今天鼓起勇氣，不再自我逃避……正視及接納內心真實的感受……
請願諒我吧！小雷子真的……真的……很熱愛畫畫，真的很喜歡這個<畫花難？養花更難？>的帖子！希望大家能多多包容及支持……小雷子能從新出發！

油畫第一課 <蘋果與啤梨>
看似容易……其實要畫得好及真實，一點也不易！這幅畫從萍果開始……每畫一筆，都是帶着顫顫驚驚的心情……為要提升自己畫工，更换了另一位更嚴格更有才華的老師去學……
這幅畫雖然只完成一半…………但內心的火熱又一點一點地燃燒起來！

現今的社會充滿着壓力，要揾到一個舒服，能令人感覺放鬆的位置，原來不是容易的！
有時只想簡簡單單做回自己，原來巳經是一件非常奢侈的事情！或許是時候要放下！
小雷子為大家送上最后一幅畫！
<懶洋洋的貓貓>
多謝各位花友在這一年裡愛護及支持！謝謝！