乜都種吓嘅花園仔

原帖由 爬牆虎 於 2008-5-10 22:48 發表
簡直大開眼畀，感謝分享!
連魚池水都用埋黎淋花，真係環保，自給自足

都幾環保架, 自給自足就講唔上嘞, 幫補吓敢啦!

好似擒日整沙律就用咗自家嘅番茄仔, 小青瓜及木瓜嘞!

提起木瓜舊年共種咗三種 - 夏威夷木瓜, 矮種木瓜及馬來亞木瓜.

夏威夷木瓜好鬼死甜架, 矮種木瓜最好笑樹仔細細嗰條主幹都無手骨禁粗,

但掛果累累最大個成3-4磅重一樣甜到漏, 可惜同夏威夷木瓜一樣敵不過漫長嘅嚴冬....

現在剩低馬來亞木瓜給我滋潤咋, 呢棵嘢已食咗廿幾個囉, 重有好多呀雖然細少少,

前排以維會凍死, 點知睇清楚個蕊又開始爆花及有木瓜仔, 睇黎又試有排食咯!

矮種木瓜最好笑樹仔細細嗰條主幹都無手骨禁粗,

但掛果累累最大個成3-4磅重!

回#39 靚靚

唔使担心噃! 木瓜好中意嗰D環境架 -- 空爽光猛, 泥土質無所謂最緊要疏水力强....

加多D混合肥睇主幹半徑5/6吋位附近, 挖開表皮D泥2吋倒放完肥料再用泥冚翻就OK啦! (儲备基肥)

平時也要注意加肥架(水肥即食), 唔怕烏蠅嬲嘅話干脆將花生麩放體樹下淋上水就可以囉!(慢少少啦)

回#41 gtrnismo

我淋花及蔬果大部份用2個魚缸及魚池水, 也會利用每星期清洗過濾缸的C水來施肥(PRIME 30 加 FLUVAL FX5)

但主要施肥是採用花生麩及骨粉混和進行填埋, 花生麩浸水(三個月以上)稀釋後施放.


金魚交配把水搞得非常混淆不清, 嗰D布袋蓮根部都系已受精嘅魚卵, 將布袋蓮放去其他缸度好快就生滿魚仔囉!

原帖由 貓貓 於 2008-5-12 22:10 發表
我都好似你一樣，鍾意樣樣都種下試下。
不過你個 d 種得好過我喎！

我就覺得你嘅盆菜種得好成功噃!

原帖由 maymay靚 於 2008-5-12 22:40 發表


我最近用一粒粒黑色有機肥, 得嗎?? 不過有d臭

得架! 唔係臭丫, 好易發MO啫!

靚靚及大家好!

擒日買咗包2號麻石米用黎媾鬆D泥 - 種D要疏水性高嘅植物例如仙人掌類....

天光修剪咗提子棚

睇倒嗰D燈籠椒有花冧嗱!

原帖由 muitau 於 2008-5-14 12:18 發表
嘩, 好多木瓜, 好想整木瓜奶昔同煲魚湯....

啲魚養得好好呀!! 想問你個舊魚缸係點清潔架呢? 都無青苔既? 一個星期省一次同埋換水? 換半缸?

點解你咁勁,棵茄子咁細棵都已經開花既? ...

用百潔布一星期內外省省佢囉, 我換曬架, 因為買返黎5蚊包魚仔好細條, 養養吓好易適應啫!


適者生存! - 洗缸換水時將所有魚先移到泥個睡蓮缸度

原帖由 lammadick 於 2008-5-14 12:54 發表
睇完哂50個留言...真係樣樣都咁靚
無論觀賞o既...食得o既...一樣咁靚
我諗好多人都會以你的植物做目標呀

多謝囉! 我又覺得冇乜野噃!

你睇點解睡蓮盆有個鐵絲網嘅?

原帖由 maymay靚 於 2008-5-14 13:24 發表
花園仔: 水中係 乜東東??  前個星期o係家 旁之河面上 拾了一些回家, (見佢好靚,又唔駛錢 ) 放在一個盆上加些竹支 襯一襯 ....

水浮蓮

原帖由 muitau 於 2008-5-14 14:15 發表
係喎, 係咪連個底都圍埋架?
有無連埋個花盆放入水架?

等我估下先....
防止啲魚啄啲睡蓮既根?

係防止大金魚玩泥泥令池水混濁, 其次網眼可讓小金魚自由進出而受大魚騷擾:

原帖由 maymay靚 於 2008-5-15 00:03 發表
真係好靚.....

好夜嗱! 靚靚!

原帖由 carmen 於 2008-5-14 23:55 發表
好靚呀個池... 仲有蓮花添呀!

長方型邊度靚唧!

講晚安前請睇吓呢枝係乜野花!

原帖由 FD113 於 2008-5-15 00:24 發表
嘩! 花園仔，你個花園又大又靚喎，咩都有...

其實最多係花花呀! -- 不過真係好多嘢食架噃!

原帖由 maymay靚 於 2008-5-15 13:12 發表
係!! 好少咁夜, (夜瞓會唔靚 ) 因為昨晚發新帖, 又唔識喎, 整來整去.. 咪咁夜 lo ﹏﹏

我都係唔多識啫, 不過一樣中意靚嘢架!

西洋菜好靚架, 冇蟲嘅, 淥一淥食得....

原帖由 muitau 於 2008-5-15 23:58 發表
個盆咁淺都種得啲蘆薈咁好既? !
d rosemary都好健康, 佢同薄荷中間個盆係乜來?

我嘅蘆薈有用膠盆, 陶缸及種地都有, 最靚梗係種體地上其次係陶缸,

但用膠盆都唔失禮 - 肉厚色深綠廣受好朋友欣賞架!

我好中意種香草架, 喜歡煮意大利麵丫馬!

原帖由 muitau 於 2008-5-15 23:58 發表
個盆咁淺都種得啲蘆薈咁好既? !
d rosemary都好健康, 佢同薄荷中間個盆係乜來?

中間嗰盆好似話叫檸檬葉, 加上石黃皮煲水好止咳敢話喎, 未試過!

好好笑其實右上嗰D先至係檸檬葉呀

原帖由 maymay靚 於 2008-5-16 09:26 發表
你咁多好野食......我流晒口水 la.. >>>>>>  我好 (為食)

民以食為天呀, 為食好格!

睇吓摘落尼D西洋菜幾正!