又發現驚人資料!我係咪開始種嘢開始得太倉卒呢......
hellohello︰收到種子第一時間用水和棉花浸! 應該係18/4 開始浸 約十二粒。於24/4 開始出芽,我在27/4(星期日)放落D泥入面,當時约有5粒發芽,都接近百分之50。
[乜唔係豆至要浸咋咩?究竟種茄子係咪要浸到粒種子發芽至放入泥ga?咁我咪錯晒?有無人會喺啲泥度種種吓至攞返出尼浸水ga?
]
NaNa︰開始是慢D,你可試分盆,定植後真大得快。定植時,我在盆裡加了約四分一的花生芙做基肥,不用很大的盆,約l吋
[即係要喺啲泥入面落1吋厚ge基肥?(其實我都仲未知咩係基肥同追肥!) 1吋即係2.54cm喎!咁厚?
]
蘑菇︰之前淨係落液肥,開到花結唔到果,經花友當頭棒喝之後先知要落骨粉先夠肥
[骨粉係咩物料做的?個名聽落好似有機咁!可以自家製嗎?
]
貓貓︰我上次都係種得唔係幾好,睇左好多書,有本「蔬菜施肥手冊」睇到:原來
茄子對氮、鉀的吸收量從採果初期到盛期是直線上升過程,對鈣需求量也很大,反而原來磷的吸收量最低。吸收量依次為 K : N : Ca : Mg : P = 10 : 7 : 5 : 3 : 2 ,所以開花後要大量增肥,特別是鉀、氮、鈣肥,直至盛果期。同時避免
茄子缺水,引起落花落蕾現象,另外要盡量移到全日照地方曬太陽。鉀肥可以用草木灰,唔方便的話就用海藻水,巳經有埋微量元素,好方便。貝殼類的殼磨碎 / dup 碎之後含鈣量極高。以前都有人教我用蜆仔連蜆肉一齊 dup 碎,深埋入泥做花肥,不過小心野螞蟻。都唔錯嫁,蜆殼有鈣,蜆肉就有氮。所以我而家第二次種都幾好,每棵最少結了兩個果,仍然繼續開花,可能還能結更多果。
[嘩!真係學到嘢呀!等我仲一路計劃好慳咁自製豆渣有機液肥,如果淨係用佢相信茄茄出到芽都會營養不良!
]