日誌
Last一日去花展!
||
今日Last day，去左花展 ，大部份花都好殘，而且仲人山人海，尤其多賓賓同印印，總之場面一片混亂，想搵個位定定咁幫花花影相都好困難。而且我覺得今年d花卉設計差左，無乜新意!
各類國蘭、洋蘭、香草、香樹大割價，我見到蘭花廿蚊盆，香草十蚊一大盆(細$10/3盆)，米蘭、桂花、白蘭$10~20，不過屋企無地方擺所以無買到。
同埋我覺得購物區設係場外好D，就算好似我呢D種毒太深的，或者好似D婆婆、媽媽咁見平忽然動心想買的都可以出去補充彈藥再去放血嘛，依家設係兩邊，攪到D人買到兩手都係野，但又係咁同人逼去影相，D花就算拎到返屋企都殘哂啦!
講返AV，經Carian指點，我入場好快搵到發叔個檔，我係檔前搵唔到十字仔，見發叔係檔後同人傾計我就知佢收埋d正野係後面。我原本睇中左$180的Ness' Peppermint Stick，不過見佢有塊葉的葉脈壓斷左無要到。最後買左盆$150 Ice Parde Sport(S650+)。
希望我呢個AV殺手唔好咁快整死佢，要緊記忍手忍手，等佢輕飄飄先好餵水。
齊齊加油啊! 我都係學緊種ａｖ...