第一粒授粉既蕃茄仔經過1個多月終於開始變紅，

好似少女面珠紅紅地，好靚。

其他果仔應該會陸續轉紅，到時一定好靚，紅紅錄綠襯哂聖誕。

 

好大期望既一束茄仔又大左，加油呀。

上星期 

    

今星期                                                                                                  

        

11月25日唔小心整斷左既蕃茄枝，見佢有花唔捨得掉，

隨手插入泥依家竟然結果喎。

 

 

大蕃茄都開始出花。

 

 

今個星期四終於開始有太陽，種左成個月既生菜終於明顯大左，

但佢哋仲係一路生一路瞓低，要培泥扶翻正佢哋先得。

 

 

三棵甜椒因為大得慢，兩棵種響中間一棵喺角位，

好少見到佢哋所以疏忽左，定植左成個月先幾得影佢哋，有花冧喇。

定植時 

   

 今星期

    

兩星期前播種既娃娃菜出左一對真葉，

咁陰天竟然無追光徒長，意料之外。

 

上星期播左啲意大利生菜種子，出得幾棵仔，又播多啲。

移植埋響盆仔幾棵羅馬生菜，幫徒長既蘿蔔培泥(兩星期播種出苗都係徒長)，

欣賞吓唯一一棵種得好健康既芥菜，星期六下畫就係咁過左，好滿足。