今日第一次同一大班花友北上shopping,心情真係好興奮呢,一路都響度諗要買d乜野好,但係一去到果度,可能因為太多野,而且自己仲係一個新手,所以真係無從入手呢........

            又唔知買d乜野size既盆好,又唔知邊款花剪好用,又唔知邊d灑水器好用,又唔知邊d肥料好,搞到成日煩住其他花友,真係有d唔好意思呢,不過今日都有好豐富既收穫,就係買左十包泥,仲有其他既工具,等送左貨落黎再影d相比大家睇吓啦~~~

             不過今日真係好開心,又一大班志同道合既朋友一齊去shopping,又交流心得,真係學到唔少野,thank you 各位,又響你地身上偷左唔少師呢,哈哈......大家都買野買到d時間過哂龍,我地有一部份人先行番香港,而其他既花友就去左食飯,今日既聚會就完滿結束咯~~~

             我諗都係要等自己種定左d野,先會知自己到底需要d乜野,其實自己屋企真係乜野都冇,但又唔知到底需要d乜,真係心亂如麻,下次再上去shopping,一定要寫定自己想買d乜野先得,