尋日比個衰佬掉左我d苗苗後,都冇覺好訓,訓左幾個鐘又起左身喇,當然就係照顧左我d菜菜先啦~~~

              今日又落左d種子,比佢掉左d羅馬生菜同沙律生菜,今日就趕埋尾水種多次先,而且發現有包baby carrot 既種子,就試下種啦,唔知到底有幾baby呢?如果有花友種過既麻煩分享吓心得教吓我哩個新手~~~

               而且再種左向日葵,因為個衰佬話鍾意喎,不過佢都唔知我落左種,到時呃佢話係第二d野,等開花時比佢一個驚喜先                因為都冇出街,所以都仲未得閒去車個防蟲網呢,但見d菜心開始大,天氣又回暖,怕會有蚜蟲,所以就剪左一塊防蟲網遮住先,唔知咁樣得唔得呢?但側邊都仲有好多隙縫,唔知d蟲蟲會唔會響果度入去食我d菜菜,因為我係用發保膠箱種既,咁我就剪左一塊好大既網,之後諗住用繩綁住個箱身,就可以完全密封哂啦,不過原來係唔得既,條繩根本就好難紮到貼住哂個箱,我諗要用好似橡皮筋咁既野先可以密封哂,邊度有d咁大既橡筋買呢?真係頭痛呀                 

                  希望我同埋d花友既菜菜都快高長大,而d種子就快d發芽啦~~~