尋日我地成班美女一齊聚會,真係開心到不得了呀!!!!!!!!

雖然大家響出發前都為左天氣既問題擔心.....好彩天公造美,尋日既天氣都算好好呢!!!!我地一大班花友響荔枝山莊門口集合,一見到面個個都雞啄唔斷,又交換種子,又分享小苗.........又交流心得,人齊時我地就入場咯~~~

我地成三十幾人一齊BBQ,交流心得,就過左一個好愉快既假期,填飽肚仔之後,我地當然週圍行吓,睇吓果樹同小動物啦~~~~

 

好多大樹菠蘿呀..........

又有蕉樹...........

蓮霧都結緊果果喇..........

哩棵木瓜樹好特別嫁,而且好高好粗壯呢..........

原來哩棵係浦桃樹,嘻嘻...........(多謝雄哥提點)

人參果都好大隻喇..........

其實仲有好多果樹,不過未有果果,就冇影到咯 ^0^

果度仲有牛拉車,可以比客人坐住兜一個圈呢.........

又可以餵食小羊..........

 

              真係玩到不亦樂乎..........

              到尾段雖然行左幾次雷,亦都開始落雨,不過都只係微微雨,反而可以降降溫,感覺清涼左好多添!!!!!

               之後我地去左花友NUAGE既會所度參觀,發現左果度既BALLROOM係一個比我地花友聚會既好地方,第日我地就可以拎住我地自己種出黎既果果燒野食又得,打邊爐都得,真係好開心呢~~~~

                跟住我地成班當然去左三兄度掃貨啦,再去左B仔記食糖水,仲去埋十蚊店掃貨呀!!!!!之後個個都攰了,就各自歸家喇,今日真係玩得好開心呢......真期待下次既聚會啊~~~