今日一早就要入醫院做檢查,所以超眼訓,響醫院真係好想訓覺,不過太過嘈,訓唔到,好慘...........8:00入到醫院,度高磅重留小便,就等醫生黎巡房,估唔到博愛醫院而家都幾有效率,8:45醫生就到左,佢話今日要做一個檢查,既程序就係一個鐘裡面要抽3次血,期間要不停打d藥水入個身度,聽到都有d暈暈地,自問自己都好忍得痛,而且抽血對我黎講已經習慣哂,不過今次比佢插住條喉響個手度成個幾鐘,又唔郁得,真係又痛,又痺...........

            12:00左右就抽哂3次血,今日既檢查總算大功告成,醫生話要5月尾覆診先有報告睇,希望冇乜野事啦,姑娘話落去埋左單就走我,咁我當然嗱嗱聲埋單番屋企訓覺啦~~~落去埋單真係有d激鬼氣,要成$150埋單喎,其實唔係話錢既問題,而係我只係響度訓左4個鐘,去到早餐又已經派左冇得食,走既時候lunch又未有得食,雖然醫院d野咁難食真係有冇都冇所謂,但就覺得自己應有既福利都冇享用過,就要比$150,真係有少少過份呀=.=不過係咪都要比,所以真係幾無奈............

            今日係我同男朋友仔既週年紀念,不過自己入完醫院好攰,而佢又發燒唔舒服,所以都係選擇左留響屋企過,聽日如果佢好番d先再出去慶祝啦~~~