有d說話其實好想面對面咁同細佬講的, 但次次想講時, 腦同咀永遠都唔協調, 相信、支持同鼓勵說話真係開唔到口講..

 

細佬都可能有咁既問題, 所以佢先用sms同我道歉(我打死都唔信佢會當面同我咁講^^"), 所以早兩天我也用sms同佢講我想講的話, 雖然看不到他的反應, 看不到他的回覆, 之後亦都沒講過這個sms的事, 但這個方法對我倆來說會比較好, 大家都係愛面子既人^^" 當面講的話, 我諗我地都唔知比咩反應出來好, 最後可能會搞到自己想講既野傳達不到@@"

 

經歷過上星期三既事, 哩個星期總覺得細佬係乖左, 唔理佢點對其他人, 最少係我面前好左, 補習偷走前都會打電話來同我講聲先@@" 我自己都細路過, 明白放學再補習係辛苦的, 間唔中休一休都可以, 不過估唔到佢會copy我句話, 『你自己都細路過, 應該明白我』黎回應我^^"

 

發覺我講我自己既經歷比佢聽多過佢講比我聽@@" 之前係有點想追問的, 但現在佢唔想講比我知, 我都唔會多問, 因為佢重愛面子同好勝過我, 唔想講完令佢心靈受損, 所以我無意知道的事, 我都當唔知咁。

 

ps. 細佬講既野, 一路都比其他人覺得係大話, 我希望我既相任, 可以變成佢自律的動力

ps2. 見佢咁乖, 佢話想買game玩同睇戲, 咁我都答應佢