日誌
真係個個星期都比人話先舒服的!!
熱度 10
又再一次講大話!! 今日見細佬去左補習咁耐都未返黎找我, 我就過去睇下佢啦, 點知去到竟然唔見佢, 打比佢又唔聽!! 到6點45分佢先走返黎找我, 我問佢去左邊, 佢竟然同我講剛補完回來, 我真係發嬲啦, 我同佢講我頭先去過唔見你喎, 佢先講話同人去左傾計, 哩刻重要比我聞到佢有煙味, 即係又去找果班人啦, 真係令我發癲了!! 又講大話, 又唔守承諾!!
哩排既不滿終於都爆發了@@" 係咁捉住話/問佢, 問佢去左邊, 係咪想我講比其他人知, 係咪想比人罵, 係咪想以後一D自由都冇!! 人地比煙佢就食, 咁比丸仔係咪又食!? 還好佢話唔會@@" 一輪機關槍後, 同佢講我好擔心佢時, 搞到自己都差點流淚.. (我講話絕對唔惡的..)
氣氛一放鬆, 佢就係到鬆毛鬆翼=.=.. 問佢係咪想我以後都唔理佢, 佢又好快咁答我唔想 (如果佢答我想既話就好lu~ 唔駛我咁辛苦=.=..), 我同佢講我唔似佢地咁, 咩都管制住, 我只係要佢去邊都要講底, 唔好要人擔心, 重要佢第三次承諾唔好再食煙同講大話.. 而我都話今日既事我同佢知就算, 唔打算同佢地講了。
ps. 都唔知係咪我欠左佢的.. 現在我重係好興呀!!!
ps2. 今日所有長輩都唔係香港.. 如果唔係佢真死定的..
ps3. 有時我係到諗.. 我係咪太好人, 所以佢當我冇到..
ps4. 今日興到火屎咁.. 好多野都冇問佢.. 看來要明天先問到啦@@"
ps5. 搞到我連種花都沒興趣了..
發表評論 評論 (21 個評論)
- 回復 luludog
- 係, 你係好人, 我都未見過有咁好既阿哥
好人難做, 咁唔代表要放棄做好人既, 可能要轉吓方式去做啦...
食煙上左癮將來就好難戒, 只是忠言逆耳, 唔容易聽進去啫,
你唔管佢好易學壞架, 可能要管番嚴少少嘞... 佢好似試緊你既底線,
他該聽過 "狼來了" 的故事吧, 你要提醒佢, 不要濫用別人對自己的信任,
佢係第三次承諾唔食煙同講大話, 你下次一定要講出黎, 不用再心軟了,
不能再姑息, 要他學懂責任感, 你心軟也不要被他看出來, 以為有靠山...
ps. 純屬個人愚見, 或可參考, 未必啱聽, 請勿見怪, 加油 !
- 回復 Tony
- 你呢個哥哥真係好好~
上面花友個回覆都講咗,食煙食上癮係好難戒,比多D時間添啦,但佢如果又去搵嗰斑人又真係難戒D,但呢D野冇絕對ge,可能佢慢慢咁食少咗呢
我都有同學係食煙架,但好彩都冇叫我食
而家除咗等佢自己知錯,你都真係要對佢嚴D~真係唔好心軟呀!
一心軟佢又會有下次架喇
加油呀!
- 回復 nwss54510
- luludog: 係, 你係好人, 我都未見過有咁好既阿哥多謝你先丫~ 如果沒你地既支持, 我諗我真係發癲了啦..
好人難做, 咁唔代表要放棄做好人既, 可能要轉吓方式去做啦...
食煙上左癮將來就好難戒, 只是忠言逆耳, 唔容易聽進
做好人原來咁辛苦@@" 我之前一路都唔想用到罵既程度的, 我怕我一鬧起上來會控制唔到自己@@" 所以我才用溫和d既語氣.. 但昨天其實我惡左好多的了, 希望佢知道佢開始踩到我既底線啦..
上次佢話戒煙要時間, 咁我都原諒左佢, 但估唔到咁快又比我捉到佢食煙.. 唔守承諾我就最火的了@@"
我唔係唔想管, 但我講極佢都係唔聽, 一比返少少自由佢就作反..
我今日就會同佢講, 今次係最後一次機會來, 再有下次我就真係唔鬼再理佢.. 不過我真係好心軟的.. 見到佢個垂頭喪氣樣就會心軟..
- 回復 nwss54510
- Tony: 你呢個哥哥真係好好~多謝你先^^
上面花友個回覆都講咗,食煙食上癮係好難戒,比多D時間添啦,但佢如果又去搵嗰斑人又真係難戒D,但呢D野冇絕對ge,可能佢慢慢咁食少咗呢
我都有
其實我唔係咁覺佢真係上癮的, 成個星期唔食佢都冇事的=.=.. 但一見返果班人就一定會食喎, 我真係比佢吹脹..
如果你d fd叫你食, 你估你會唔會食呀
現在佢真係迫我發惡, 再有下次我真係鬧到佢死都似~"~
- 回復 nwss54510
- Evalam: 唔好咁激氣啦...好難唔激氣.. 現在一諗起就火都黎=.=..
你可能真係太好人...不過要咁做..如果個個都鬧..無一個人幫佢..可能會有反效果..
努力d
我就係知如果個個都鬧佢的話, 係好慘的, 但現在佢係到踩我既底線, 就連我自己都知我開始有點失控了, 希望短期內唔好有下次, 如果唔係..
- 回復 Tony
- nwss54510: 多謝你先^^加油呀~你得ge~
其實我唔係咁覺佢真係上癮的, 成個星期唔食佢都冇事的=.=.. 但一見返果班人就一定會食喎, 我真係比佢吹脹..
如果你d fd叫你食, 你估你會唔會食呀[em:
咁姐係仲有得救啦~唔好放棄呀!
唔會
唔好心軟就得喇,睇返你之前ge日誌,你都係比較易心軟
- 回復 Evalam
- nwss54510: 好難唔激氣.. 現在一諗起就火都黎=.=..
我就係知如果個個都鬧佢的話, 係好慘的, 但現在佢係到踩我既底線, 就連我自己都知我開始有點失控了, 希望短期內唔好有下
都應該激氣嘅..講完一次又一次大話...
不過盡量控制一下自己...如果唔係激c自己
- 回復 nwss54510
- Tony: 加油呀~你得ge~我都希望得丫~ 不過今日好好多了~
咁姐係仲有得救啦~唔好放棄呀!
唔會
唔好心軟就得喇,睇返你之前ge日誌,你都係比較易心軟
係呀~ 不過今日問佢食左幾多支時, 真係想殺左佢的@@"
係咁真係唔會
係呀~"~ 我個心對佢硬不起來@@" 一見到佢個可憐樣就=口="
