今日一早起左身, 打算安坐家中等飯食, 食完午餐先出門, 點知一通電話就要變, 因為公公出得院, 咁大件事唔等得, 飯都唔食就出門, 點知搭到半路時, 婆婆打來叫停我, 因為白車送返家, 突變兩頭唔到岸.. 最後決定先回家. 食過飯後去粉嶺~ 突然醒起個賤呢, 賤呢姑姐要小苗, 又要急急拎比佢.. 2點幾先入到去, 3點幾就已走得, 等車無聊周圍影, 影下影下車就到~
跟住企足個幾鐘, 出去太子買束花(母親節嘛~), 花墟人多車又多, 行下睇下就5點, 本想等巴返家去, 但點耐耐都冇車, 最後都係地鐵去..
返到去就本來想將d花包得靚靚地先再拎出去酒樓, 點知啊妹又話包得唔靚唔好拎, 咁又要剪一剪佢插起佢.. 搞好晒時電話又響, 今次係家姐打黎叫我拿拿聲去酒樓拎左位先, 咁又我拿拿聲咁吹我啊妹一齊出門, 點知一出門, 家姐又打黎話叫我拿拿聲去找啊爸去酒樓食飯, 到找到佢時佢又發晒皮四話唔食, 咁我call家姐叫佢自己同佢講, 點知都係冇咩用, 咁我地唔理佢走人啦, 行到半路就轉左去接啊媽收工去食飯, 個電話就係咁吹我地去=.=..
一到酒樓就黎餸, 一枱十六人真係好鬼嘈, 想話唔理繼續食, 點知d餸係咁黎, 夾都未夾就要等, 想話開動夾餸時, 賤呢姑姐就出聲, 串我針我扮唔知, 好在電視講四川, 話題一轉就搞點, 7點半就食鬼晒, 以為埋單就走得, 點知突然有蛋糕, 又係賤呢搞搞震, 變成今晚既主角, 又影又切又晒命, 次次食飯都玩野, 不料今次有新招, 唔明點解食蛋糕, 不過免錢就算數, 其實我地都預左, 不知下月有咩招, 唔諗咁多閃回家, 路過百佳去拓米, 出汗出力完一天 xd"