e排都因為份工不太開心.

自問一直以來都有做好本分,年中有少少意外在所難免.其實做野梗有機會做錯,冇人係完美既.要數的話,個個同事都有本蝦碌事件薄.但係我其中一位boss就少少野都好唔滿意.我都唔明點解要針對我.近排appraisal,佢就將我做得唔夠好既芝麻綠豆小事翻出來扣分.我真係好唔忿氣,我全年做得咁辛苦你都唔appreciate下,反而用個別單一既事件去批判和否定我的表現.全年的勞苦就因為一些小事而不算數了.如果可以揀過, 我真係寧願冇入過e間公司.

我以前份工,工作更繁重,更複雜,要開ot,老細好煩,一樣係冇得升.但係果樹勝在有一班好同事,有support.有能力既會幫手,有心冇力既都會出口打氣,借出耳朵收苦水.宜家d同事個個口是心非,要親幫手就扮忙扮聽唔見扮唔知. 有事千其唔可以俾同事知,班友只會乘機踩多腳,將其他人既苦況當獨家,周圍唱.  其實大家的角色冇衝突,你踩人都唔會抬得高自己架啦,e個係人品既問題.日日面對一堆冇品既同事,真係人都癲!

真係好懷念以前份工既一班好同事.

個市快d好轉啦! 唔係我都唔知點轉工....