過年前老闆出雙糧兼調整人工, 但佢個加人工準則係令人摸不著頭腦
同我同級既人人加一樣咁多銀碼, 但雖然同級0者, 但人人個人工都唔同架喎, 咁即係人人個加幅都唔一樣啦
更奇既係, 比我低級既, 竟然有人同我加一樣咁多銀碼, 仲有人竟然加得多過我!! 咁佢地個加薪百分比咪好大???
閂埋門計一計, 我只係加左3.x%, 但低級既同事竟然加左16%!!!!!!!! 無野呀?????
新正頭, 唔想為左錢同老闆嘈; 更何況, 如果講銀碼, 根本就係講緊好少錢; 但~~~~ 氣難下!!!!!!!!!!!!
終於等過新十五, 可以殺入佢間房揪佢條tie!!!
好明顯佢一早有準備, 因為我個面口都黑左好耐, 黑足成個新年!! 咁係呀嘛, d細既仲加得多過我, 我以後企去邊!!
其實個心都十五十六, 呢個面究竟要反幾大, 佢衰起黎企硬我係唔係辭工呢???
但真係唔諗得咁多, 條氣頂住頂住, 正所謂: 士可殺, 不可辱!!! 講左先算!!
好彩, 佢都衰唔哂; 一早已經有哂offer 等我殺入去!! 見佢咁好態度, 我都即轉一轉策略, 以柔制剛!!
就係咁, 革命成功, 可以繼續開開心心返工做賤婢啦 (即係服侍賤人既婢女)!!!!