睇到周倪結婚消息,真係好驚訝,又令我諗起前幾日某論壇既一個網友私信俾我既內容.
嗰位X太太,同佢現任老公(她和前任老公已有一囡)七年.兩年前開始無性生活,原因係他倆有一個囡,而家五歳半,最初因為個囡細時要媽媽同佢一齊瞓,所以兩公婆分床瞓.之後個囡大啲可以唔同媽咪一齊瞓,但因經濟問題搬咗細屋,間房只可放張上下格床,所以二人都係分開瞓.佢地關係日差,男既成日好惡咁同女既講嘢,X太太亦都好就佢老公,選擇忍讓.
但最近X太太發現老公NOTEBOOK內有好多女人既私處同祼照,更離譜既係有佢同其他女人床上照.
X太太問我可以點做,我初時回覆問佢,仲愛唔愛佢老公,叫佢坐底問佢老公傾.X太太又回咗MAIL俾我,話已經傾過,嗰個賤男話而家只係當她係囡囡媽咪,女方話要離婚,男方又話想睇住個囡成長,但他又成日唔返屋企.
我同佢講,既然係咁就離婚啦!雖然教人離婚唔係咁好,但我覺得個男人真係好唔要得!
今日X太太都有E-MAIL俾我,內容大致係話知道賤男個女朋友搬咗去佢地屋企附近.雖然已無以前咁鐘意佢,但佢唔返嚟瞓個心都會有啲唔舒服,唔知點樣放鬆自己,唔想留喺屋企,但佢出咗街個女又好似無人照理咁.
我仲未回呢封E-MAIL,我都唔知點答佢好,因為聽佢語氣,好似如果要佢日日收工返屋企湊囡,佢怕無晒啲朋友咁,其實我都係過來人,離婚後,自己照顧個囝,無晒啲朋友,又真係好悶同好慘.不過我比較幸運,我而家有一個好好既男朋友,六年嚟好o鍚我同個囝.