|
昨天, 剛寫了個無飯的團年飯日誌, 星期日提早慶祝, 因星期一, 要返工, 林住唔搞野啦, 點知放工18:00 點幾, 回到家, 竟然大舊整肉醬意粉, 重就快整好, 一入門口, 已臭到香味四溢, 時間arm arm 好, 我除下大褸, 手套….等等. 入到廚房, 見他就快整好啦, 重開左紅酒添, 咁豐富既 ! 入到飯廳 ! 吓! ! ! ! ! ! ! ! 不得了, 我 呆了………吓 !........一盆吉 ! ? 重吊著兩個利事封 ! 好意外, 好開心, 大舊…他竟然送我一盆吉. 實在太意外開心了.
其實我都種左一盆吉三年了, 都好大盆吓架啦, 不過, 就因天氣關係, 總是在春天時開花, 夏天時結果, 他竟然再買多一盆比我過年, 細細盆, 不過, 就有51隻果. 勁開心 ! J
至於, 佢整的肉醬意粉, 更是好好好味啦, 不過, 太開心, 又飲了兩支紅酒, 唔記得影相, 不過, 就仍識得打字上網, 他意外地答應, 如在這遍日誌內, 有人想與他對話, 他會親自回覆的. 以前, 叫了他好多次寫下野比網上的朋友們啦, 他總是推推搪搪, 不過, 今次, 他話新年賣大飽, 答應了我 ! (又可能是飲了兩支紅酒的關係啦 ! )
Powered by Discuz! X3.5 © 2001-2013 Discuz Team.