峄迴路轉, 又有新進展

        26-07 已買了部新單車了, 因有HK的朋友來探我, 所以就在星期一 11-08-2008 我們兩個女子, 踏單車去市中心, 去影下相, CHECK 下火車班次及價錢, 因想去遠些玩. 朋友看著兩部單車, 我就入去問野, 之後, 我們坐在火車站對面的長椅, 頭DUP DUP 看下資料, 討論下火車班次的問題, 正當我好隨意地枱高頭時, 即見到當日的偷車賊, 在我眼前, 從右至左, 慢慢駛過, 我即時同朋友講, 就是這個傻老偷了我部…………佢踩緊部車是我架 ! 即時把火車資料掉晒落背襄, 看著賊人方向, 朋友開鎖取單車, 我們兩個女子, 朋友只是第三天到步, 找尋他的去向, 原來他入了候車月台, 似等火車, 我叫朋友不要看他, 不要東張西望, 因我怕我未行埋他身邊, 被他發現, 認得我, 又逃掉了,  我們好似好隨意地, 接近了他, 在一條粗柱後面, 放下了我現有的單車, 我即一撲而上, 雙手爪緊實我的單車, 大叫, 救命呀, 救命呀, 呢個人偷了我的單車, 這是我的單車, 快幫我報警, 唔該, 唔該幫我呀, 佢偷了我部單車, 我向車站內每個人所接觸的眼神, 發出了可憐的求救呼叫, 賊人與我也是爪著我部單車, 我也提防他可能會突然打我, 我用盡氣力大聲求救, 他開始指著我來罵, 他真是好惡, 我知他是傻的, 懶得理佢, 由佢鬧, 我就猛向週圍的人高呼求援, 好快有車站人員來到, 又有其他人報了警, 場面終於控制下來, 但我仍爪緊我的單車, 因我不想再次失去他 !

賊人樣子放大圖, 去歐洲的朋友要小心 ! (他咩著的紅色背襄, 與當日偷車時一模一樣)

我部好可憐的單車, 嗚....嗚......比個傻佬刮到花晒, (刮走了單車的牌子) 鳴....鳴....影返張花面貓相先.

 

雖然佢刮花成咁, 又舊了好多, 但我已好開心, 好開心, 可找回部單車, 而且是自己親手找到的, 可能, 這就是機緣際遇, 上天憐憫我, 所以比個咁神奇的機會我見到個賊, 又比我找回部單車

 

 

 

 

車頭大燈及速度計也被柝了.

 

 

車尾燈也被柝了, 好彩個籃仍然係到 !

 

一切也象冥冥之中註定的, 

 

1)     如朋友無來探我, 我就不會在火車站出現.

   2) 我本想在市中心參觀下先, 等朋友可影下相先, 但朋友想 CHECK了火車票先, 回頭再參觀.

   3)我們頭DUP DUP 睇資料, 只是一個好隨意的抬頭, 他就在我眼前經過.

 

一切, 一切, 我覺得真是冥冥中註定. 今天找回部單車的經過與當日被偷車的經過, 同樣咁戲劇, 好似拍戲的橋段, 但又是千真萬確的.

 

 

最後要多謝, BanbieChan, maymay靚, 磨菇, ChrisTsui, mandm, 小寶, nuage, 及 chudaicheung. 當日大家給了很多的安慰及支持, 多謝晒大家 !