日誌
留住男人心, 一定要fruit punch !
|
星期五放假, 一個人在家, 整天下著牛毛雨, 想落田, 又唔得, 想約朋友去caffee shop tea time 下, 又無心機渣車外出, 因灰濛濛, 長命雨又唔停.
唯有自己一個人食午餐, 一條友, 最緊要快, 靚, 正, 切了兩片厚肉片, 沾上蛋醬, 煎熱, 期間, 剪些西生菜, 莞茜, 蕃茄, 切細, 今次唔搞咁多野啦, 就咁落些黑椒粉, 鹽, 美極鮮醬油, 搞點 ! 又有個沙律伴蝶啦 ! 期間, 又把我的自家瓜瓜切厚片, 加入調味, 然後與肉片一齊煎, 好快咁就有得食啦, 加幾片新鮮莞茜伴蝶食, 正 ~! J
下午, 雨稍停, 即快手快腳收摘了些紅莓, 正林緊點食佢好, 突然靈機一觸, 可整 fruit punch, 等大舊得放工回家時, 有個意外驚喜都好喎 ! 咁就在雪櫃找出3個唔知是桃榑李定是水密桃的東西來, 切細粒, 紅莓洗淨, 全部倒入一個大器皿內.
倒入一支白酒, 略略攪拌, 蓋上保觧紙, 放入雪櫃, 大約一小時, (另水果的芬香有時間溶入白酒內)
臨食用前, 倒入一支已雪凍的香檳, 攪拌一下, 即可攤返柸啦, 我在花園剪了些香草薄荷葉, 色香味俱全, 正 !
剛巧, 大舊得回來時, 他的兩個同事也順路同車, 咁一齊邀請埋飲返柸, 慶祝週末的來臨啦 ! 4 個人飲, 有些少不夠喉添, 不過, 大家也盡興, 好一個意外驚喜, 大舊得的同事讚口不絕, 而他也沾沾自喜呢 !
有時在適當的時侯, 也要做個小女人, 住飯婆, 有心情的時侯, 也要製造些意外小驚喜, 咁樣生活才可細水長流, 不至於平淡, 所以要留住男人心, 一定要 fruit punch ! ! ! ! ! !
發表評論 評論 (28 個評論)
- 回復 BanbieChan
- 嘩！叮噹，你好勁呀！叻插花、種花、煑嘢食、調酒仲好有心思添^^
- 回復 Donder
- BanbieChan: 嘩！叮噹，你好勁呀！叻插花、種花、煑嘢食、調酒仲好有心思添^^嘻.......嘻.......咁讚我, 真是不好意思啦, 其實我唔叻, 只是有時間, 有心情時, 樣樣都試下整下咁啦, 遲些如我有時間, 我會開多一欄, 放我的小手工. 及大舊得的手作仔及他的畫. 希望好快可同大家見面 ! :-)
- 回復 Donder
- TUPLIP28: so clever做人, 一定要學做個精明而又賢淑, 的現代女性架, 否則........
好好充實自己, 佢就飛我唔起.
嘻......嘻......... ;-)
- 回復 BanbieChan
- 期待啊^^
- 回復 Donder
- 磨菇: 我又學到新野la!! 上次學浸生果酒，成日心思思想偷食tim...你有浸到呀 ! 我果 D 就快 3 個月啦, 就快可開黎飲啦, 來探我的朋友飲過我浸的紅莓甜酒, 西梅甜酒, 及其他水果酒, 她也話好好飲, 好好味, 我林, 提子甜酒, 一定一樣咁好味 !
- 回復 Donder
- 花草之家: 你個大舊得梗係好lum頂啦！好sweet呀！有時我 LUM 下佢, 有時佢又 LUM 下我咁啦 ! 做人要係咁架啦, 生活情趣麻, 如果唔係咁, 我就變成耕田婆架啦 ! :-)
- 回復 花草之家
- Donder: 有時我 LUM 下佢, 有時佢又 LUM 下我咁啦 ! 做人要係咁架啦, 生活情趣麻, 如果唔係咁, 我就變成耕田婆架啦 ! :-)讚成，其實花小小心思，能令對方開心，這種生活上的情趣，必不可少。
- 回復 Donder
- 花草之家: 讚成，其實花小小心思，能令對方開心，這種生活上的情趣，必不可少。係呀, 完全讚成, 好似上年11月咁, 我老板出左聖誕金比我, 有千幾歐羅, 我靜雞雞買了份小小禮物給他, 他既意外又開心, 到12月我生日, 他又靜雞雞送部車比我, 我開心到現在. (註, 我們不是好有錢可好隨便買多部車果隻) 所以特別珍貴及開心 !