日誌
比我發洩一下
因我老公除了有自己一間Agent 之外 , 亦是一間大旅行社的職員 , 在上星期三 , 四 , 我老公 、多間旅行社及航空公司 已開始叫政府包機 , 但政府 因為包機的 "錢 " 要誰負責的問題 , 就冇了下文 , 作為一間香港人的航空公司 , 政府就要人哋出飛機 , 但燃油 , 保險 , 工作人員 , 泊位費 ...全部都是Airline 比錢 , 點解要用政府名義 , 人哋載番自己的工作人員及乘客 , 有咩問題呀 , 亦是by service 及 當廣告囉 !
今日一早 ( 12月2日 ) 有 某 Airline sales 來找我 visit , 大家一齊鬧政府 , 鬧了成2個鐘都到未停過 !
政府班人用 ... " 外交 " 兩個字 話包唔到機 ...... 諗解釋的人及 講出來的人都是白痴 , 又或者佢哋當香港D市民是白痴 , 乜航空公司D外交好過香港政府 , 所以CX 就可升降 , 一個政府的外交手法都及不上一間Airline ? 真係要檢討 ! 澳門都出到包機 , 大陸 3日走 3000人 , 起碼 3日有 8-10班機 , 咁點解人哋包機又會得 ?
星期一上中午宣佈車禍死一個人時 , 都話唔包機 , 但到下午 2-3點又突然話包機 ..... 原來死咗人先識做嘢 !
政府仲白痴話 政府包機要$1100 , 仲話冇錢唔緊要 , 返來香港先算 , 在咁混亂的環境下 , 你估下冇錢的人有冇機會上機先 ? 在當地航空公司櫃檯職員全是泰國當地人 , 班職員工作效率咁慢 , 轉數又低 , 仲要比難題D職員要衡量有冇錢上機的問題 , D 職員一定會有錢有得上機先 , 冇錢就等下先囉 !
" 立圾局 " 旅遊界議員 ...謝先生 ...你死去邊 .... 未出過嚟 ? 今次絕對是同旅遊有關 , 成日話旅遊業議會 "基金" 有幾億 , 要諗點處理好 . 今次件事 , 係未可以同旅遊業議會 , 政府 一齊商討攞基金去處理緊急事件或包機先 ? 而且基金的目的其中一個Term是用來處理緊急事件 , 如旅行團在外地發生意外 / 車禍等 . 攞去年農曆年個最貴的包機到泰國的價 $120萬一班國泰機以300位計 , 包夠 20班都是 2400萬 囉 ! 況且 D基金是旅客參加旅行團及 Package 時 由旅行社付的印花稅 , 就算用都是同旅客有關的事情 !
全部作者的其他最新日誌
發表評論 評論 (12 個評論)
- 回復 kobyip
- 我係一個市民仔...我唔識咁多野...
但我都睇得出...香港政府痴Q左線囉...眼見港人搭澳門包機返澳門過返港
港府都唔認真了解下有幾多人係果邊滯留
最好笑係有人屎左...佢先係咁易做下野...唉~~
- 回復 fianfumy
- llaus: 你識唔識 Ricky Tam 呀?香港有好多個國家的旅遊局喎 ....
我不是在香港旅發局 bor ....
我是D小規模架 , 大機構就邊得閒可以上網同你吹吹水
... 你睇番我個 BLOG啦 !
- 回復 fianfumy
- kobyip: 我係一個市民仔...我唔識咁多野...保護國民 ..是國家的責任 , 星期六中國都容許持特區護照的人士上中國的包機 , 已做到了國家的本份 !
但我都睇得出...香港政府痴Q左線囉...眼見港人搭澳門包機返澳門過返港
港府都唔認真了解下有幾多人係果邊滯留
最好笑係有人屎
- 回復 kobyip
- fianfumy: 保護國民 ..是國家的責任 , 星期六中國都容許持特區護照的人士上中國的包機 , 已做到了國家的本份 !咁就証明左港府有幾懶啦...
佢諗住國家都出手接埋D港人啦...佢駛乜鬼攞錢出黎
總之今次完全反影到港府既應變手法有幾懦弱啦...又怕麻煩, 又怕事, 最怕咩鑊!!
- 回復 bennyccm626
- 香港係個好地方
Ｄ官唔好 , 令到香港人冇歸屬感 .
- 回復 fianfumy
- bennyccm626: 香港係個好地方在世界各國上 , 香港比人的感覺是好有效率 , 乜嘢都要快 , 但總之每次有事 , 香港政府都是反應最差的一個 , 唔係佢哋唔知喎 , 而是 " 事不關己" 的態度喎 !
Ｄ官唔好 , 令到香港人冇歸屬感 .
今次事件中 , 我 分別有4位朋友在曼谷 , 其中一位朋友 好醒目 , 從冇聯絡及求助香港入境處 , 她直接聯絡中國大使館 , 所以她好快就被安排坐第2班包機回港 !
- 回復 bennyccm626
- fianfumy: 在世界各國上 , 香港比人的感覺是好有效率 , 乜嘢都要快 , 但總之每次有事 , 香港政府都是反應最差的一個 , 唔係佢哋唔知喎 , 而是 " 事不關己" 的態直接聯絡中國大使館
叻叻叻！
