老友呀 ..老友 , 你23號晚msn問侯我牙骹好番未 , 但我就一路流住眼淚打msn同你講 , 我有事 , 你會回來嗎 ? 你就好老實同我講你身在德國 , 要星期四早上到港 , 跟住要返回國內公司 , 繼續工作 . 但你這2天不停跟我msn , 24號晚仲同我msn 到零晨4點 , 我一路打字一路笑 .

今早11:00未夠 , 屋企電話響起 ... 喂 , 你條八婆仲未起身 ? 又唔開電話 , 我剛落機 , 你快D起身出來呀 .  而我就說 .. 頂 , 你條粉 腸 , 鬼知你回來會找我咩 , 你上機前又唔講 ? 咁點呀  , 12:30啦好嗎 ......

這位老友是我當年做旅行社當領隊時的同事Billy , 當然又成 10多年前的老友啦 , 今天我們就在旺角飲茶 .... 其實我們多年以來 , 只有我倆的飯局 , 酒局  , 都一定是暢所欲言咁傾心事 , 每次都是討論大家各自的問題 .  

今日是他叫點心 , 我沒有點過 , 但一上就2碟腸粉 , 真係嚇死我呀 .

Billy 話我叫了6碟點心, 仲怕唔夠添 ..... Billy 我邊有胃口呀 .

好開心呀 .... Billy 買了一罐我話想要的朱古力 , 就是莫札特朱古力啦 , 1月去歐洲時都買不到回來 , Billy 仲問我食了莫札特朱古力是否會識彈琴喎 , 我的回覆當然是 " 白痴 + 冇腦 "  .

Billy ... 多謝你 , 好多次的唔開心 , 你都有在我身邊 , 而你更用擾攘你當年的問題 , 去開解我及支持我 ,  然而你今天更放下你繁忙的工作 , 暪住女朋友  , 與我見面 , 我實實在在知道你的關心及友誼 , 你真是我 "紅顏知己"  . 我知你現時家有惡女 ...有咩事我會辦公時間找你的 .