熱度 8
今日公司有個客嚟咗,話請我哋飲下午茶,臨走之前放低咗D錢比個太子仔。
直到4:30PM,太子仔都冇提起呢件事。
我明知太子仔係咩野人,
我就問 : 我哋今日飲唔飲下午茶?
太子仔 : 唔飲啦。
之後又冇咗件事。
到咗 5:15PM,我見D同事坐哂喺位,
我就特登講 : 呀張先生話請我哋飲下午茶,之後我就指住太子仔(即係話D錢喺佢度)。
同事問 : 張先生比咗幾多錢請飲下午茶?
太子仔 : 佰幾囉…
我就話 : 聽日食午餐都得喎…
太子仔冇出聲,就攞住個公文袋走出門口。
跟住我問呀姐 : 睇唔睇到張先生比咗幾多錢太子仔?
呀姐話 : HK$500呀,太子仔仲摺埋張錢紙放咗入錢包添…..
我即時登大對眼,諗住個客最多比HK$200啫,點知會比HK$500咁多…
最離譜係個太子仔,咁貪心,唔出聲想獨吞…
跟住我哋幾個就諗計,聽日要太子仔嘔番哂D錢出嚟…
待續….
8月24日 (星期三) 晴天
今日一早同呀姐諗定點講野, 因為太子仔10:00am先返工, 太子仔一返嚟冇幾耐,
呀姐就問佢 : 呀張生都幾闊佬喎, 比成HK$500我哋飲下午茶,
我就扮唔知, 即時望住太子仔話 : 你又話佰幾蚊? 係HK$500喎..
太子仔話 : 我記錯咗..(仲面都黑哂)
呀姐 : 食下午茶都食唔哂啦...
我咪話 : 成HK$500蚊, 公平D分咗佢囉...(每人HK$100)
太子仔仲冇行動, 唔出聲, 全程面黑..
之後呀呀姐要去銀行, 太子仔就攞咗張HK$500, 叫呀姐換5張HK$100...
呀姐返咗嚟比番5張HK$100太子仔喇...
同事出嚟問我叫嘜野食, 太子仔都未有行動, 之後比老闆叫落街買野,
就無端端行嚟同我講, 尋日張先生比嘅, 就放低HK$400喺我枱喇.....
何苦呢...
cookie20002005: 佢洗唔洗咁衰呀,d錢都唔係佢嘅,大家一齊開心食未仲好,點解佢老豆會教個咁嘅仔出嚟架,做男人做到佢咁小家真係好失敗呀 ...
celiaw: 佢老豆點會唔知個仔係咩野人喎, 成日同我講太子仔d錢有入冇出, 未請過父母飲一餐茶...
celiaw: 呢d人真係唔會改架喇...
celiaw: 我就係知佢個人又孤寒又計較, 所以咪出聲囉...
Powered by Discuz! X3.5 © 2001-2013 Discuz Team.