|
琴日我男友放假
, 原先是一早約左個舊朋友同佢踏單車及一齊食晚飯(十下十下),點知俾人放飛機,仲要講我地冇call佢…激到佢死…所以佢叫我唔好聽果個人電話…這個所謂[朋友]是有前科的,所以再經過今次之後,我都唔會再理佢的了…咁琴日又咁啱世伯都放假,咁佢地一老一嫩去左踏單車了,唔知點解…我覺得佢地這個年紀一齊踏單車…是一個幾[特別]的組合…之後到我放工,又回了他家一齊食飯,佢煮飯時我又手多多開了他的袋望左一眼(我知這個行為不對…但當時我同佢有點口角…所以想整鬼佢先開來睇),俾我見到有份有關結婚的單張!!我當時個心都好驚喜!!因為佢唔係會做這種事的人,咁我又諗多左,又諗佢琴日是不是用世伯一齊拎單張呢??之後食完飯,我同佢的口角都暫暫平息了,我地就趕去睇”變種特工”了!!真的好好睇~我都幾喜歡這套劇的拍攝手法~唔錯~!!
之後睇完都晚上12點,又夠鐘回家再睇”陀鎗師姐3”(琴日冇行街都好似幾忙咁~)之後睇睇下佢就係佢手袋拎左以下單張出來,果時佢自己一個睇,我就扮哂嘢問是什麼??是不是又係保險的廣告??之後佢睇完一張就俾一張我睇,我問佢做乜會拎這些回來??佢就不好意思講不是佢拎的…是人地派的…佢都唔係好承認是佢拎的…乜真係好難為情咩??不過見到佢個咁既樣,真的好可愛~哈哈哈哈~~
但佢冇講佢拎回來有咩用,只說睇下而已……搞到我仲以為佢提早結婚,個心開心左一陣….不過見佢有這個心,我真的好滿足了!!
Powered by Discuz! X3.5 © 2001-2013 Discuz Team.