這2天我都已經扮冇事,冇再提及.....咁我都覺得佢好似(好似咋..)feel到我不是咁開心...
之後佢早上送了我返工之後走左去買左3隻蟹回他家,說琴晚等佢放工回來去他家食...(但佢放11點...)
咁ok啦,我都有照去,今次見到面時有拖手...不過我就有點累...事關琴日一大早我就上左廣州,
到晚上7點幾8點先回到港...咁我同佢好似平時咁傾下琴日的事呀等等......佢本身買左3隻蟹,
點知得返一隻食得,因為下午佢收到他媽媽打來說有2隻死左,臭哂了,要掉左佢...因為咁,琴晚1隻蟹3人份...
你媽媽沒有食,食完,又睇完[陀鎗師姐3]打算回家了,點知佢個初做理財顧問的細佬,又問我工作如何呀,
說要幫我做一個理財分析...我即說[又做??你問你哥吧...]佢就真的問佢哥了....佢問佢有什麼目標,我男友說,
要20萬,細佬要來做什麼?我男友竟然答[人地話要結婚喎~]我一聽到,簡直晴天"pig 力"...為什麼要咁講??
咁講不說=同全世界說[我女友迫我同佢結婚喎....],而且我好相信佢全家都聽到了....之後佢細佬一句撻埋哩說
[痴線!!20萬邊夠!!]之後又回望下我....我只能笑笑口...我都除即做口形說[不要再講了!!]但佢好似睇唔到咁...
繼續同佢講,佢明知我又要趕回家,又要同佢細佬傾咁耐,我只能不停做口形示意[我要回家了...]之後佢地傾哂...
佢細佬說要瞓了...我同我男友講,為什麼你可以唔理會我的感受當眾要講到我是迫婚??好啦!!!現在全世界都知我唔知醜咁迫你同我結婚了,你安樂啦!!!(我都只是好細細聲講...)佢仲要講[點都係要講架啦....]我第一個反應是
[你不是打算咁講=同你家人好好傾了吧??]之後佢就唔出聲...我真係火都來,我就直接唔再經大腦諗完就講
[你之前自己日日提要買卡地亞,乜你唔係=我可以同你傾.....]之後我的理事性又回來了...冇再講....
就咁...我再冇出聲,他送我回家...落到街,要我拖實佢...之後行到冇乜人的地方問我[點呀!!]我說[咩點....]
之後佢就好求其說[對唔住呀....]當時我係聽唔出佢講什麼,我說唔知佢講乜,佢就再一次講...我聽清楚後...
唔知為什麼...哭了出來...之後再行了一陣,我心情平伏了一點,佢又問,結婚點,真係要擺酒呀...這個問題,
問了我好多次了...我都係咁講,如果我退一步唔擺/日後補擺,我一家冇問題,最仲要係相方家長有冇意見,
如果老人家想擺,都要擺架啦...之後佢就發爛說[成日都話擺擺擺....]之後我地再冇出過聲了....
為什麼突然又變成咁...係唔係我錯??佢地2兄弟兜口兜面講,有冇諗過我會難堪??有冇諗過我感受??
為什麼要用這個形式同家人示意要同我結婚??同我結婚真的好難面對嗎??現在我個心只有一個想法.....
唔想結就唔好結...想安於現狀就什麼都唔變...繼續做情侶吧...不過...我的心真的傷透了....