由前晚佢主動同我傾之後,今日早上食早餐時都有再講起有關的事~
一講這些事就成個人都醒哂~
今日大家的話題都是定什麼日子呀,去邊旅行呀等等...
今日定左是去日本,(其實琴日去uwants睇,去日本是較平的蜜月遊!!)
而他定婚期的準則...真係大家聽到都覺得好笑...佢話要逗埋明年的利是先喎...
因為我想去滑雪,所以暫定是明年11月(過多幾個月咪又係新年...都要出血架啦....)
不過奇怪的是,佢仲未有準備同對方家長傾...佢只說不用咁早...其實我都只是想佢,
可以同相方家長傾下大家住的問題嘛...因為我們是打算頭1-2年都是各自住在自己家的...
等大家有多一點時間儲錢租屋/到時可能已經抽到樓/到時可能已經可以抽居屋呢~
最壞打算係..要搬去他家...但這個我真的唔想.....
今日我問佢...咁婚紗照呢??因為見佢都冇提起,所以好奇問下,佢就有點呆呆的答...係喎...
佢好似唔記得左咁...
我就說有幾個選擇既~1)深圳 2)澳門 3) 台灣 , 我諗...
這些都是比較平的選擇了吧??期間我有說有朋友是去澳洲影等等,佢就說,咁我們都去澳...
澳海城影囉~
之後再逐個mtr站影,咁最少都有30幾張的了....天呀....
大家有冇影婚紗相的好介紹??
miss左講,佢琴晚開始說不如買卡地亞的做我們的婚戎...我心諗邊有咁多錢...不過佢高興的我就夠佢上網找下睇下囉~!!