第一次去澳門食咁多嘢......
真的好鬼滿足...不過...
滿足不=美味,我地今次食左好多間所謂有名人介紹(稻稻/亞蘇/蔡蘭)
點知要排哂長龍...仲要唔好態度對待...由其食翅果間!!
排左唔係好耐,約15-30mins左右佢地叫4個人入去(即係我地)咁我地入啦,
點知係一張方形4人桌的其中2邊俾我地坐,咁都冇所謂,仲要得2張椅,叫左幾次要椅,
啲人應左唔理我,咁我地見到有2個位係別處,就說可以坐果邊,之後見到有4人位的,
友人們說想轉坐4人位,點知,有個亞姐大大聲說[又轉??你地轉左1次喇喎!!!]
我心諗,都唔係我們要分開坐的,而且我們都是好有禮的問吖!!我覺得她們不用這樣回應囉......
而且佢地啲翅真的麻麻地...我食的撈翅麵,要成58元,只是比湯麵多左一點唔知咩汁,就貴湯翅麵20元!!!
仲要啲翅唔係一條條,是一塊塊個樣似花膠,食落有點好似食到有骨咁....個湯係好淡...
叫好過飲水.....
第2間令我最差印象的...是義順...我地叫左熱雙樣奶,點知是微暖的,而且太甜...
仲點左一杯紅豆冰,紅豆是ok的,但佢個啲水又一個字....[水]....都唔知點解會咁水...
我說過唔會再去!!!又貴又難食!!!!其實今次來飲飲食食,都可以算是最失望的一次...可能原本好味的...
一旺左就求其左,服務差左...
不過今次都玩得好開心~
漁人碼頭~
水蟹粥麻麻地~
真係人頭湧湧架!!!
排左半個鐘得來的15元豬扒包
熊貓餐廳都ok既~