大岩桐播種方法

1、選疏鬆、保濕、透氣無肥既播種土並消毒
2、用寬同薄既容器裝土，容器要紮㝫，土既厚度2厘米左右，將土弄濕、整平
3、將細小既種子撒響白瓷碗或白紙上，用牙簽沾上種子，點播響土表面（將牙簽弄濕之後可沾上種子）
   點播間距2-3厘米，不覆土不淋水不噴水，以免沖散種子
4、蓋上保鮮膜或透明蓋子，保鮮膜或蓋子要紮幾個㝫，放光亮無陽光地方，挨晚時揭膜或蓋透氣半小時
  泥幹佐要用浸盆法再弄濕盤土
5、大岩桐發芽要7-15日左右，種子出芽取決於種子既新鮮度同溫度，兩者越高發芽越快

大岩桐小苗期系最難養護既階段
1、保持空氣濕度，如空氣濕度小於70%，就要加保鮮膜保濕，但又唔可以包得好嚴實，要半開半閉
2、泥不可以太濕，幹D唔打緊，有助發根，大岩桐比較耐旱
3、逐漸增加光照，早晚陽光最好
4、如果岩桐葉片挺立，顔色翠綠，證明生長良好；如果葉片下包，顔色暗綠，證明根系發育唔好，就唔好再澆水，
   要松泥（即松土，把泥土弄蔬松），噴水，放陰涼既地方
5、小苗會生長得好慢，要比多D心機照顧
上面既資料收集自幾位花友同我自己的小小經驗，希望對各位有幫助

多謝您分享心得~

多謝分享！

Breeze 發表於 2012-7-27 15:10
多謝您分享心得~

我上兩日都播佐兩大盤岩桐種子，我見依家好似好多人都開始播，咪手㾗㾗發下上黎咯，如有錯漏，希望各位指正，大家齊齊開心種植

thank you小卡

多謝分享,頭先用呢個方法播種了

好詳細、好有用呀，多謝小卡!
想請問吓"小苗生長"嗰part用於av小苗生長可以嗎?

Juna  唔好意思，松泥係咩泥？  發表於 2 小時前
即系用工具將泥土撹松（把土弄松）

用手卒落盆算啦, 夠大再定植好過, 咁細粒用牙簽點播不必要

avery 發表於 2012-7-28 21:27
用手卒落盆算啦, 夠大再定植好過, 咁細粒用牙簽點播不必要

種子數量小同有心機就可以點播，我依家播都系卒落盤度，等出芽之後如果邊度密就再用牙簽挑開佢地，間次苗，剛出既小苗仲未出根，點移都唔怕，整好佢地既間距，到時大D移苗就好移好多。

Starry  請問 點消毒? 仲有 幾時可以落肥?  
泥消毒可以用多菌靈個D殺菌藥響播種前一晚泡浸，濃度無乜所謂，到播種時再用清水澆透D泥，即系淋到D泥有水流出黎，如果你用既消毒水濃度唔高可以直程播種，唔使用清水澆透。我覺得種子都最好消下毒先播，以我既經驗種子都消過毒之後先播出芽率會高D，特別系依家既天氣噤熱，好易發毛。
落肥最好等到有5、6片真葉時先好落，仲有天氣太熱同太凍都唔好落，理論上系噤，但我鍾意小苗一有真葉就落好淡好淡既液肥，我平時經常噴水，照頭噴，如果我唔懶既話基本上每次噴都落小小液肥。

小卡 發表於 2012-8-4 10:51
Starry  請問 點消毒? 仲有 幾時可以落肥?  
泥消毒可以用多菌靈個D殺菌藥響播種前一晚泡浸，濃度無乜所謂 ...

  明白 thx~

  依照你的方法,我d種子發芽了,好開心呀

小卡  恭喜曬喔，我26號播既個兩種都出佐幾日嘞，一齊比D心機湊大佢地啦，一定要保好濕，濕度高會長得好快
多謝你呀,一齊努力!

我想問下幾時先算夠大可以俾佢地一棵一盆?
同埋佢地應該用幾大個盆?

Katie 發表於 2012-8-7 21:43
我想問下幾時先算夠大可以俾佢地一棵一盆?
同埋佢地應該用幾大個盆?

一般有兩片真葉個時就可以移盆，移苗有助生長。移苗前先將集中苗既泥澆到好濕，噤樣易起苗，之後用牙簽將成棵苗挑起，放響要移到既泥面，用牙簽壓根入泥裏面扶正棵苗就得，跟住就系保溫保濕同埋曬太陽嘞。
其實岩桐用好似紙杯噤大既容器黎種都得，用小盆黎種反而仲快開花。

問多句:http://hkplants.com/thread-97594-1-1.html 呢個算係"真葉"未?
你系咪指你個架上面個D花吖？其實真葉就系出既第二對葉咯，發芽出黎既系子葉，之後出既就系真葉嘞。

謝謝分享，講得好詳細哦~