水母高雄墾丁大暴走~

很久沒在這兒說遊歷了~　

以前讀書，但番電波旅行，主腳都係呢幾件唔願長大的蛋散，合成無聊四人組，走過歐洲韓國蘇坑台北．．．　
十年相識，人口有點增長，但不願長大和愛玩的心還是熱火火的～

今次組團，一個帶老公，一個帶女友（終於搵到佢真正既初戀），成了無聊六人組，四日四晚自由行玩玩高雄墾丁！

第一天
搭晚機，不用請假，放工即跑往機場報到～　　
去到高雄已是半夜，幸好機場往市中心只需半小時車程，十分方便，我們可以快快休息．
為了慳錢，我們訂了一間有趣的民宿，它是房中房，分上下層，一個價錢兩個人分，為了保留一點privacy，可以睡覺流口水無人知～　



第二天　
早上（高雄）：駁二藝術區
原本上玩玩市政府提供的免費單車，但巴啦巴啦的下大雨，我們只好搭捷運，經美麗島站去駁二藝術區的館～　有留意台灣政經的人，應該會留意到美麗島站名字由來．大家想知的話，我再講故啦～　嘻～


那花玻璃藝術畫，很美啊～


站外有免費單車借用服務



唔洗十分鐘，就到駁二藝術區，區內有多個展區，詳細欣賞可留兩小時呢．
很好玩的牆畫和裝置，哈哈～




剛好有貓影展，很好看～





還有當紅男子組合五月天在演唱會用過的大大的機械人，很大啊～　



下午：取車前往墾丁

遊完藝術區，大家都肚子餓，理不得遲到租車，糊亂走入一間地道"快餐店"，點了些高雄人常吃的面和飯．唔知係咪肚餓呢，好好味，好醒胃，睇真ｄ，啊～　原來這間叫”越南黎氏二號老店”，台灣地道食品cross over 越南風味，面裡有檸檬清香，魯肉飯有清新的果香，實在很好味～





吃飽了，我們也遲到去租車，幸好租車公司哥仔好好人，居然來到市中心車我們到他在機場區的店子攪手續，途中還詳細介紹墾丁好玩地方，熱情十分．
攪好手續，八人車坐六人，舒舒服服向墾丁進發！　

２個多小時的車程，沿途風光明媚，還有幾個好看海灘和石灘．

選了"海角七號"主要取景的白沙灣，停車，去玩玩啊～
這個沙灣，感覺有少少似香港的淺水灣，但感覺好family，很親切．　
灣內提供便宜的露營設施和旅行車住宿，似乎很好玩啊～








自助BBQ店的BBQ桌，很方便啊～



到民宿後，又肚餓了，無諗咁多，斷估墾大街實有夜市．．．　果然，夜市都幾大，但大多都係無乜特色的junk food~  



個人覺得最好吃係呢個BBQ雞腿．


晚了．．．
第三四天活動更精彩，但家下眼訓，等下啦～

真吊癮

我玈遊都係鐘意住民宿，唔住酒店，你入住個間睇黎好cozy呀！租車自由自在又可以貼近當地人，咁容易租車睇睇吓都想去高雄墾丁。旅行車住宿都想試試，但要避開學校假期。

住民宿好，好有人情味。

訓醒，又訓醒，唔知下集大結局如何？

第三天　－　墾丁爬爬走
民宿Luna　別具設計特色，我們刻意在早上留在民宿，慢慢欣賞它的環境和美麗．

我一早走到樓下，一個人周圍行，在露天餐桌吃早點，啊．．．．　柔和的日光，還有涼風和海景伴隨，爽～　真爽～

good morning 啊～


涼風和海景，可見對面的海灣和風車發電站．


晚上在兒嘆啤酒，一流享受～


早餐位，清風送爽




bar枱～　cool~



不久，舊同學也下樓了，大家喧嘩了一陣，周圍攪，欣賞各自房間的特色～


這是其中一所最美的雙人房，有無敵海景和開放式浴室．






我也有個浪漫的白浴缸，呵呵～～～　（一早浸在這白缸，和陽光玩遊戲～）


無執床～　heheee~~~


頂樓俾我地租埋，屈左個最順得人的舊同學租住，然後我們攻佔天台玩玩～　




露天大浴缸！！！

噢 ~ 好似睇旅遊特咠咁 ~ 沙灘見到啦, 有冇美麗的日落呀 ~

正午了，拜拜門口的魚兒～～　我們準備上山，遊遊墾丁國家級森林公園～　（居然不是先跑進海！　我開始感到有種受騙感～）



森林公園前有個visitor centre, 裡面有很多可愛的印章供遊人打印留念～　見印章美美，水母忍唔住也印了些post card寄回香港～　回來發現可能寫錯某個地址，恐怕已寄失了~


入國家公園要俾TWD150，起初想，行森林點解要咁貴架？！　到了門口，原來有位叔叔做我們導遊，介紹墾丁動植物，叔叔很細心，也很好腳力，不知不覺，我們行了差不多三小時啊！



這是墾丁原生樹：棋盤腳的果～　好大個啊～


唔記得叫乜名～　climbing plants


好大個樹洞～


空氣乾淨，周圍的樹都長滿這些苔蘚～


估唔估到它是甚麼植物的花?


好大個鐘乳石洞～　入內走走很涼快啊～


行上觀景塔～　woh~ 360墾丁美景盡入眼簾～

遊完森林，開車沿海岸線欣賞海邊風景，在路邊找了個特色民宿餐廳休息和看看海．．．





水母問同學：你地會唔會去游水呀？


舊同學們：你唔係咁單純呀？　我地都唔識游水．．．嘻．．．．　（有人奸笑～）

水母：嗚～～～～　害我帶晒游泳裝備，你們騙我～～～～　好大個遺憾呀～～～～　


沒算盡時間，hea 下 hea 下，到了燈塔時，已經黃昏了．



同學E 堅持要等Magic hour，好啦好啦，反正無得游水，坐下海邊看日落浪漫下也好～


未見過圓 luk luk 個蛋黃慢慢沉入海平線上，很有趣～　又真係幾浪漫～　

夕陽下的輪廓, 是你嗎? 好有camera face. 攪到我好想去

連行行哥都入來看～～～　多謝行行賞面～～～　

原來大家都有睇，多謝啊～～～　咁我就有心機繼續講故仔 lu~

第三天　晚上

欣賞完那麼浪漫的日落，每人心裡都生了一團火，係時候找個地方出下火～　





天黑黑天黑黑，黑黑．．．．　這兒都幾黑喎～～～　





















































想緊乜呀?




























































其實係墾丁有個地方，有天然氣走過地面時，發生不規則的火火～　哈哈～～～

Perfect假期。Luna好舒服，墾丁好靚好有趣，真係越黎越想去

yukyo 發表於 2012-5-4 09:02
Perfect假期。Luna好舒服，墾丁好靚好有趣，真係越黎越想去

係呀，台灣的民宿好多都好有特色。我們選呢間都係鍾意佢間間房都獨特，係上樓個下危險d, 民宿只有一個轉轉樓梯。

好鐘意你地住果間有天台既民宿呀, 幾多錢一晚呀間天台房?

點評
jellyfishy  天台個間最貴: 平均好似TWD3600? 唔記得左~
可以住幾多人呀?

好有心機寫呀
Ｄ相影得好靚
搞到我心思思想去添

唔記得叫乜名～　climbing plants　　＜＜三星果藤　

個火堆呢～　其實我地唔啱架，原本唔應該入去火堆玩，天然氣可能突然爆出來，太危險了，會燒到～　所以大家有機會去出火，記得咪行入欄去玩火～　

睇下今日有無時間講埋下半部先～　會有更精彩更靚的景色～　大家咪錯過～　

黃色那朵應該是仙人掌的花。

jellyfishy 發表於 2012-5-7 02:11
個火堆呢～　其實我地唔啱架，原本唔應該入去火堆玩，天然氣可能突然爆出來，太危險了，會燒到～　所以大家 ...

哈哈....多謝獎賞。

下次要加深題目難度。