我的空中蓮園

這一盆聖女, 一開始是養在很漂亮的紫色瓷盆裡, 被我不小心打爛了, 臨時在街上買了地盤用的泥斗, 拆咗提手, 唔怕跌, 唔怕曬, 用來種碗蓮真是太好了, 5蚊一個, 要買多幾個!

托係手度影一張， 大家就知呢個盆有幾大啦。 咁先係碗蓮吖嘛


霸著松樹的位置先! 旁邊是由金剛兄屋企打劫來的射干, 依家生長良好


這是江南春的蓮蓬

聖女的蓮蓬

Z133Z133  點解越睇越中毒架...有種子先...會否分享或出售 ?
=========================================


碗蓮結子好難， 睇來好哋哋， 過二日會冇端端枯萎。所以我依家都唔知會結到幾多蓮子，但親戚朋友話要嘅已經排哂隊。所以到11 月我睇下有幾多蓮子， 再決定會唔會攞出來分享。

Woooo, so nice...

唉吔

好毒呀

我毒發添

有冇人有碗蓮分享, 救我呀

雀梅老漢  呵呵， 冇得救啦你！飲美沙酮頂住先啦 ！  發表於 3 分鐘前

唯有買舊煲湯嘅蓮藕頂住先囉

我的碗蓮現在才發芽, 會否趕及今年開花呢 請問樓主是一棵一盤還是數棵一盤呢, 因為我有三棵, 要是一棵一盤, 我就要去搶泥斗啦...

回覆點評:

雀梅老漢  正常來講, 從蓮子發芽到開花, 要60多天, 如果北方可能來唔切, 但香港夏天長, 應該冇問題. 當然要你種得好先. 一棵一盆好一些, 二棵一盆的話, 盆要很大
謝謝指導, 現在浸緊泥, 過二天可以移種, 希望種得好, 今年有花睇啦!

昨晚打開膠水桶竟發現兩隻斑腿泛樹蛙,見到大嗰隻脹起肚揹住隻小蛙好溫馨,嗰刻好想拍下來,可惜相機正在充電中~~

原本打算今早再打開嗰膠水桶拍照,點知竟變成咁 " 斑腿泛樹蛙的卵 "  師兄^^好快我就有很多樹蛙蝌蚪,haha

回覆點評

雀梅老漢  哇, 真係不可思議 , 我從未見過 ! 我先同你預訂一些蝌蚪。



相片中的斑腿泛樹蛙是我上年養的

蝌蚪食紅蟲,枯葉,死蝦,水草等,幼蛙可餵食蟻,果蠅和蟀毛等,成蛙

以昆蟲包括蟋蟀、甲蟲及蒼蠅為主食。蟀毛是蟋蟀剛孵化出來的形態, 又叫針頭蟀. 其實小樹蛙

會叫吃所有比牠細小的昆蟲, 毛可以在這水族店買得到, 食物供應較隱定.

http://www.froghome.cc/(蛙友交流網)

回覆點評

Z133Z133  好可愛...但會不會整天/晚上 ..叫不停

不會!因為仍很細隻....相片中嘅小蛙是斑腿泛樹蛙嚟,牠原本的尾部脫變成雙腿後,就開始不留在水裡,跳到水缸上,

起初由蝌蚪養起時,我是買紅蟲(急凍的,香港不可出售新鮮)給牠們吃,但由於牠已變成小蛙,

我未能提供這些食物(餵食蟻,果蠅和蟀毛)...所以就放到生態農場裡,

因為生態農場需要多樣性生物  #該農場採用生態種植,即利用各類生物平衡共存,不用農藥,

連有機農藥也不用...透過生物鏈達至共存的種植方法


mingfunming  好聽話喎...影相時識唔識擺post

拍照後,我已很快就放回魚缸裡,因為牠會跳走


雀梅老漢  好可愛！ 但一年都係咁細吖？ 我養過角蛙，餵細蟀，都有少少經驗。但蟀毛就唔知。

當然不是咁細隻,相中的是幼蛙階段,因變成小蛙後不熟水性,有一些跌回水中浸死了



斑腿泛樹蛙是中型蛙種

雄蛙約50毫米，體型略大的雌蛙可達70毫米。背腹扁平，呈淺褐色，體色可稍為改變以配合周

圍環境，皮膚光滑，有零星小疣粒，背部或有交叉形花紋。大眼睛，鼓膜明顯，後肢有半蹼趾

端吸盤發達。 ~~被捕捉或受驚時會即時排尿。

生活習性

斑腿泛樹蛙可適應不同海拔的各種生境中，常見棲息於淡水沼澤、池塘和樹叢間。

蝌蚪為雜食性，但以水生植物等為主食；成蛙以昆蟲包括蟋蟀、甲蟲及蒼蠅為主食。

師兄 喺你嗰度養,會唔會變成空中飛蛙...





================================

回覆點評

esmonhk  佢地唱歌嗎?一齊唱都好熱鬧  

呵呵^^夜晚我會聽到大自然大合唱,真係好熱閙

不過!依架個場斑腿泛樹蛙喺佔少數目.....中秋節你哋過來賞月,兼一齊和唱都好喎


雀梅老漢  培養出飛蛙就好啦, 生物界大發現吖, 就怕由18樓飛出去, 飛蛙變扁蛙 ! 係咪要好大嘅空間吖? 要有一個大玻璃箱先養到 ?  

大自然才是牠們理想的家,可以自由往返,隨處覓食

老漢兄...請問它是蓮嗎?

mingfunming 發表於 2012-6-17 19:12
老漢兄...請問它是蓮嗎?

剛買回來 (因為中毒太深), 個盆要多大?

尋晚風大雨大, 我將盆聖女搬到床頭, 與她同眠。或者因為荷香的緣故， 我尋晚夢見自己撞到李白啦！
佢猛咁讚我盆聖女靚， 話要分D蓮子---佢自號青蓮居士， 要種幾盆咁嘅蓮先可以名符其實，咁話噃。我話，分俾你都得， 咁我有乜著數先？佢話咁你想要乜著數吖？
我話： 我知你都好窮， 又冇乜本事， 除著車大炮， 就係寫詩叻，你寫首詩俾我啦！
佢話：寫詩吖嘛， 好易啫，係咪寫乜都得？ 我即刻吟一首讚呢盆聖女。。。。
我話：唓， 讚蓮花即係讚你自己啫， 咁我又冇乜著數，唔得！ 你要寫一首讚我靚仔嘅！
佢話：咁你即係唔想俾我啫， 不如我寫一首讚天下太平嘅，對我來講已經好違心啦，好唔好？
我話：緊係唔得啦，天下太平同我有乜關係？ 天下又幾時太平過吖？ 要讚我靚仔， 冇得傾 ！
佢話：咁你即係有意難為我啫，我如果吟著呢首嘢，後人會鬧我無恥吖！
我話：咁我分種藕俾你，你寫唔寫吖？
佢咬牙切齒：好啦， 死就死啦，成交！
我話：寫首詩讚我啫，好難為你咩，要死要活咁嘅死人樣！我同你講，你唔可以交行貨，俾心機寫，就算比唔上靜夜思咁流行，至少要入到唐詩三百首，如果唔係我唔收貨吖。
佢話：喂，你咁即係打橫來講啫， 唐詩三百首又唔係我編嘅，我點保證一定入選！蘅塘退士孫洙呢個清朝茂李根本就唔識嘢，佢自己有冇寫一二首似樣嘅傳世吖？ 自己都唔點， 憑乜野做評判？
我話：你冇理，總之佢嘅書流行，流行就大哂，我等呢個世紀嘅人淨係信服一個真理： 邊個出名，邊個就偉大！我為咗出名, 都想出街裸跑!
佢話: ....... 我依家有少少懷疑你呢度D人同我到底係咪同文同種 ? 我等唐人冇理由有你等咁白痴嘅後人!
我話:我就肯定係漢族,你呢我就唔知啦, 有人話你有胡人血統噃。冇講咁多，你有乜理由話姓孫嘅選得唔好，我等都係通過佢嘅書先知道你嘅詩咋，你要多謝佢知唔知吖? 不知感恩，你仲叫居士， 居乜野士吖你！居屎啦 !
佢話：佢緊係唔識嘢啦，三百首入邊，有乜理由杜甫同王維都多過我吖？ 王維多我二首就算啦，杜甫一個後生仔，選咗成38首，比我足足多11首，真係荒天下之大謬 ！你依度俾唔俾人講粗口吖，我。。。。
我話：唔講得，罰款吖！你原來係因為呢樣心理不平衡！好啦，總之我呢首你盡量努力啦，寫得好嘅, 話唔定都入選到三百首，你咩又多一首！你多一首，分分鐘王維又要減一首，咁你就同佢併列亞軍囉，銀牌都唔錯啦。
佢話：我好希罕咩！我李白係屈居人下嘅人咩? 同你講,你都唔明嗰啦。 其實你唔使咁執著， 一首詩可以留係全唐詩入邊，都算係可以傳世啦。
我話：喂，你有冇常識吖？冇常識都要睇電視啦！全唐詩，五萬幾首，邊個睇吖？依家除咗傻佬同黐線佬，邊個會去一首一首睇完五萬首先？咁又邊個會知道我靚仔？冇得傾，入選唔到三百首，蓮子同種藕你就唔使旨意啦，我俾塊荷葉你頂係頭度當草帽，都好符合你青蓮居士呢個雅號。
佢話：唉，怕咗你啦，我返去度一度，聽晚再過來搵你。
。。。。。。。




======================================================
mingfunming  咁早就放毒? 後面嗰盆一串心好靚喎... 另外問一問, 我盆花如要加泥, 是否只加 '唐泥'?
係，淨係塘泥就得。加D雞屎肥係下邊做基肥，再加滿水

細細盆,好方便呀!年年夏天去花墟都溫唔到碗蓮買,只可以睇你地d相

補張相你看看




另外...你要開頁新板, 看你寫小說.

我頭先冒住變豬頭（雖然依家已經幾似）的危險，係天臺度影低呢幾張楚女嘅相，希望各位今日開心 ！

聖女同楚女， 分唔分辨到吖 ？ 俾大家講下，講得最好嘅，有獎！獎品----------------------------------------保密！
=====================================================
覆:
Z133Z133  睇完白明,,,犯人做咩要穿黑白間條衫,,,,,你睇下個採花賊
------------原來源自於此, 今日先知! 諗諗下, 我衣櫃入邊, 間條T恤都好多.......

點評
雀梅老漢  哈，原來係淺藍色。 你都係要換盆。 這一朵係之前淨低嘅， 你唔換盆，就好難有新花啦。嗯，橫風橫雨，講下笑逗大家開心！  發表於 9 分鐘前

換了個 30cm 盆, 用住先. 今天原本想去元朗買泥及肥料, 但是好大雨

mingfunming 發表於 2012-6-18 09:50
補張相你看看

Z133Z133  花墟 38蚊 貨 ?  發表於 4 分鐘前

元朗買, $45

枕頭上的蓮花夢
北方人識剪紙， 將心中的美好事物剪好貼係床邊的窗上。睡眼惺忪時，灰白窗口上的剪影會帶你入一個美好的夢鄉。我等南方人冇呢個手藝， 唯有在窗口種幾盆好花，祈求淡綠色的， 粉紅色的剪影也能為我們帶來好夢



=======================================
覆評:

malike  意境高呀... 老漢兄!
==========
影靚相, 我比金剛兄差幾條街! 要吸引人睇，就要兵行險著, 影D冇人影嘅， 呵呵。 呢幾張逆光相， 係我枕頭望上去嘅角度---朝早眼一睜開， 就見到咁嘅天空， 咁嘅剪影， 好催眠，令人唔想起身。聽朝早如果掛8 號， 就啱哂啦 ！

麥家俊會長  玩兩日快啲放返去天台了,佢地唔鍾意室內,好快您就會發現開花嘅生理時鐘亂咗,然後睇住啲荷葉邊緣慢慢變黃~
===========================
明白，風球一除就會放出去。多謝提醒！

mingfunming 發表於 2012-6-17 19:12
老漢兄...請問它是蓮嗎?

金剛  ~~你又變大户人家

???