我的空中蓮園

上年花友分享過一節藕,比我種死左,想再試。
想問一下,可唔可以用超級市場有賣的大大桶的洗衣粉桶種蓮花呀?
夏天有時花店有出售1棵棵的蓮花,d葉人成個人高。如果可以用洗衣粉桶種,我想再試下
我有種睡蓮,在種睡蓮的桶內放魚仔,我媽咪中意睇魚仔多過d睡蓮

這是一路都很健康的江南春, 長出立葉了, 終於成人啦, 唔係,成蓮啦 !

這是藕根最粗的杏黃, 也長出立葉了 ! 看來藕大的必然長得快.

看來快高長大

綠中帶紅的浮葉, 細細玩賞, 都唔會比花遜色幾多

初生的浮葉先有咁靚, 再大一點, 紅色會褪, 全部變成綠色

這片葉子上週還有少女的羞紅, 依家面皮厚咗

聖女也長立葉了, 她的花是純白的, 葉子也沒有紅色, 倒像是西瓜皮

這是蓮子發芽種下的, 現在也有點小浮葉了

秋霜紅。 看那葉子， 不知此名是否與葉色有關



大缸， 細看葉子，純綠的，帶片紅的，帶點紅的， 西瓜皮，有很多種。

小缸，紫花梭魚草長得很好，浮葉有點擠了，希望盡快生出立葉

小小缸

杏黃

聖女，不同角度。 可以看到帶刺的小立葉很健壯

不知品種的蓮子， 種在割開的蒸溜水桶裡

江南春，長得很好

蓮園

楚女

竹葉下的睡蓮 。 我一路都唔知呢個係咩品種， 四年前係花墟買嘅，鋪頭老闆都唔知 ！

怪不得自古文人雅士都頌讚蓮的可觀性...

畢竟西湖六月中  風光不與四時同
接天蓮葉無窮碧  映日荷花別樣紅

mrssiu 發表於 2012-5-10 13:29
怪不得自古文人雅士都頌讚蓮的可觀性...

畢竟西湖六月中  風光不與四時同

楊萬里的詩自然是好， 第三句尤其懾人心魄 ！ 我搵幾張圖來襯呢首詩：


呢張畫嘅李清照，人們一看，自然就會想起她的那闕如夢令。。。或者仲有武陵春



這個好像是紅樓夢裡的妙玉 ，以蓮花喻她，可謂人花相得益彰。 以上三幅是著名工筆畫家夫婦 趙國經王美芳的作品


以上幾幅畫或相，我以為都讓人有“接天蓮葉無窮碧”的感覺

妙哉! 妙哉! 好畫, 好句!

mrssiu 發表於 2012-5-11 14:06
妙哉! 妙哉! 好畫, 好句!

樓主文筆優雅, 廣歷詩畫, 佩服!

去年唔開花的種, 今年終於生出花蕾了! 都不枉我不離不棄一場 ！（專家話第一年唔開花嘅，就要淘汰！）

楚女之花蕾。 我知道碗蓮會早開花， 但沒想到立葉都未有， 就生出花蕾，仲要買一送一，我實在受寵若驚 ！
希望呢D都係正常嘅 ！

楚女, 竟然是這麼小的花蕾(我嘅尾頭一半大) ! 楚楚可憐, 這名字真是貼切 !

上個星期在金魚街買了幾隻青蛙放進缸裡，想享受下荷塘蛙聲咁美妙嘅事。 但二天後，生不見蛙，死不見屍，無影無蹤 ！  不知是跳缸越獄走咗， 抑或是潛入水底玩捉迷藏，依家唔知追唔追買好。

请问楼主用几深嘅泥？我刚刚淘宝败了几个迷你碗莲根块，响路上喇……准备挽起衫袖加入碗莲帮。。向楼主学习！

雀梅老漢  10~15cm ,小瓷盆大約10cm, 大膠盆就15cm。 歡迎加入碗蓮幫， 大家互相交流， 一起學習。  發表於 4 分鐘前

_________________无敌分割线____________________________

多谢！

師兄:你的紫花梭魚草,哪裡可以買到

回覆點評:

雀梅老漢  我是跟淘寶上的老楊買的 。

雀梅老漢 發表於 2012-5-10 13:17
竹葉下的睡蓮 。 我一路都唔知呢個係咩品種， 四年前係花墟買嘅，鋪頭老闆都唔知 ！ ...

尼個顏色好靚呀!
我d蓮花不見得人但今朝剛見到雨後有水珠結在葉上, 美極了

多謝juju0268嘅分享。 我都好中意蓮葉上的水珠， 經常用手特登潑的水上去荷葉度， 睇佢液體水晶般滾動的樣，美麗不可方物。有時我特登將荷葉按入泥水中， 冇幾耐，水就漸漸退去，葉就彈返起身，淨係葉心有一粒水珠， 真係好奇妙。聽講奈米科技入邊， 有一種叫“蓮葉效應”， 就係講蓮葉因為表面細胞的特殊凸起， 令到水冇辦法完全貼住葉面， 唯有不斷係上面滾動 。。。。。

周邦彦有一句詞：“葉上初陽乾宿雨，水面清圓， 一一風荷舉 ” 。睇嚟， 古人都與我們有同好 。

仲有， 我諗唔到餵豬嘅水浮蓮可以開出咁清雅嘅花 ！

juju0268 發表於 2012-5-14 18:24
尼個顏色好靚呀!
我d蓮花不見得人但今朝剛見到雨後有水珠結在葉上, 美極了

芋頭嘅葉子表面同蓮葉一樣可以防水


有納米功能的芋頭葉

哈哈， 道法自然， 果然如此！ 我等人類自以為係萬物之靈， 但係大自然面前， 都係小學生。

頭先落雨, 我坐係天臺睇書, 忍唔住影咗幾張








新芽和新蕾


楚女的花蕾又大了些， 我用二毫子硬幣比較下俾大家睇

大家留意下D水珠，好似懸在空氣中， 仲靚過珍珠 ！