我的空中蓮園

[複製鏈接]
作者: 雀梅老漢 发表于 2012-4-27 17:53:48
29032 163
本帖最後由 雀梅老漢 於 2012-4-30 10:37 編輯

雖然注冊咗快三年了, 但我一向潛水唔出聲, 所以至今仲係屬於"初登記花友, 算係新人. 新來乍到,問聲大家好先!
之前一直都係中意玩盆景, 特別喜歡雀梅, 所以取咗個咁嘅名. 但後來發現我嘅天台太曬, 又唔係日日係屋企, 雀梅盆景時時因失水死亡, 傷心到要跳樓嘅例子數不勝數, 無謂多提了。
最近經多番考慮, 覺得我嘅天台應該適合種蓮, 理由如下:

第一,夠陽光,蓮花要開得好, 聽人講, 最好每日要有5至8個鐘頭的太陽
第二,天台風大,雖然18樓啫, 但掛風球時, 風聲如虎,葡萄鐵架呯呯作響,好似要凌空飛去, 嚇死人!我種嘅葡萄每年都係結子後被吹到成地都係! 白玉蘭都時時慘遭荼毒, 攔腰折斷都試過, 好得人驚!  但係, 蓮一般唔會生太高, 而且識搖擺卸力, 冇有怕;
第三, 只要我俾足水,就算離開去旅行十幾日, 都唔會有事, 唔困身。
第四,我種咗幾年睡蓮,效果唔錯,開好多花, 都間接證明種蓮是可行的.

下咗決心, 就四週圍搵蓮子,香港好似冇人賣荷花, 上淘寶網查,好似好多, 乜靚品種都有! 但經過幾次上當受騙, 先慢慢知道原來大多數都係騙人的。其中又以江蘇宿遷的店賣假種子的最多, 大家一定要小心。佢等大多用一般人食嘅蓮子來騙人。大家都知, 蓮大致可以分為藕蓮,子蓮,同埋花蓮。藕蓮,係主要産藕嘅, 一有花蕾, 都掐了它, 以保證藕的營養,所以花都唔會靚;子蓮,主要係為咗收蓮子, 所以品種要求蓮蓬特別大, 結子特別多嘅。只有花蓮, 先至係為了觀賞花而培養出來的。

今年好彩,經綱友介紹, 終於找到一家湖南的店,店中有一位全國著名的種蓮專家叫楊德高,因為培養新種,攞無數獎,全中國人都叫佢種蓮老楊。 向該店買了種藕同蓮子來, 前日先至空運到港 --- 用的是韻逹快遞, 路上竟然走了7天(上海停了4天),住宅仲要加收30元!  好彩店家的包裝好細心, 收到種藕還是鮮嫩的, 不然哭都冇淚!

以下我慢慢將種蓮的經過分享俾大家睇!與大家一起學習。

評分

2

查看全部評分

雀梅老漢 發表於 2012-4-27 17:56:41 |顯示全部樓層
本帖最後由 雀梅老漢 於 2012-4-27 18:19 編輯



這是我的天台,未貼過圖,我試下先!
雀梅老漢 發表於 2012-4-27 18:27:05 |顯示全部樓層
本帖最後由 雀梅老漢 於 2012-4-27 18:54 編輯




天台一角,幾個大缸, 加一些小的膠盆,準備全部種蓮, 那些膠盆當然是無孔的。
還有一個是蒸溜水桶, 我攔腰切開, 也想種碗蓮, 開花時再蓋好, 蓮在水桶裡!呵呵




這是種了三年多的睡蓮, 這二天開得很好, 但我不知品種。 有誰知道嗎?

評分

1

查看全部評分

雀梅老漢 發表於 2012-4-27 18:32:53 |顯示全部樓層
本帖最後由 雀梅老漢 於 2012-4-30 13:34 編輯



種藕一般要把藕尾露在水面,等長出葉子後就不用了。 我聽老楊師傅說, 露尾主要是針對北方天冷時說的, 香港天氣熱, 這一點不是太要緊。但我還是謹遵教人教誨。
這品種叫聖女


秋霜紅

左上呢種叫聖女,右邊係紫花梭魚草, 三粒紅色係魚糧,缸入邊養了一些小魚,防蚊

楚女

秋霜紅。 老楊好人送多幾棵, 所以有重複嘅

杏黃,藕就最大, 唔知花會唔會最大

楚女

這個品種叫春煙。

這個不是藕種, 是紫花梭魚草



江南春。 這是最貴的品種, 要重點保護

蓮子切了外皮, 在泡。 這個品種可能係洛神女。之所以說“可能係”, 因為蓮子的品種不是太能確定,只能知道她母本是洛神女, 但父本不是太確定。
大多数蓮花是異花授粉的,即使開花時套上網袋,可以防止蜂蝶傳粉, 也不是十分有把握, 因為還有風為媒 ! 所以買回來的蓮子只是知道她阿媽是什麼品種, 她自己是什麼, 開花時先至知 !

所以, 初學者種蓮, 要想確實得到某一個種, 一定要買藕種,買蓮子始終會有意外。

點評

請問閣下的膠花盆,從那兒買到  發表於 2012-4-27 21:48

評分

1

查看全部評分

雀梅老漢 發表於 2012-4-27 21:44:42 |顯示全部樓層
剛才雷電交加, 天幕似墨, 暴兩如注, 蓮盆水位超出警戒線 ! 我在雷雨中, 在天臺上, 一手執傘,一手把一盆盆的積水倒掉, 把大缸裡的水抽出來..... 這樣的苦心, 老天都看在眼裡了吧?

歌曲蘭花草裡有一句: 朝朝頻顧惜, 夜夜勿相忘。這一句形容我現在種蓮的心情正好。其實我也有八九盆蘭花, 但我一向少理! 因為有人對我說: 蘭花是懶人種的花, 太認真養的, 多數會把蘭花種死 !這句話可能要得罪愛蘭一族。

睇天氣, 今晚半夜還會再落雨, 我要不要起床呢?

評分

1

查看全部評分

麥家俊會長 發表於 2012-4-27 22:05:05 |顯示全部樓層
又多一位愛蓮人,歡迎歡迎~
看您能夠有一個天台種蓮真是幸福~
可是其實荷花都不應該在當風處種植的,不過傷害不會太大的說~
"老楊"吧~我今年也買了幾款迷你碗蓮,來花時分享一下芳容~

評分

2

查看全部評分

雀梅老漢 發表於 2012-4-28 09:30:15 |顯示全部樓層
本帖最後由 雀梅老漢 於 2012-5-4 13:31 編輯
麥家俊會長 發表於 2012-4-27 22:05
又多一位愛蓮人,歡迎歡迎~
看您能夠有一個天台種蓮真是幸福~
可是其實荷花都不應該在當風處種植的,不過傷害 ...


會長講得啱, 但係冇辦法。 香港地, 陽光足, 又冇乜風嘅地方, 真係難搵! 天臺有 1米2嘅圍墻, 所以生得唔係太高嘅話, 應該可以捱到。
你都幫襯老楊啊? 真係太好啦, 大家多D交流下。 老楊話會過來睇我嘅貼, 如有問題會通知我。
雀梅老漢 發表於 2012-4-28 09:31:21 |顯示全部樓層
esmonhk兄, 你問嘅問題我已經留言答你。

點評

多謝分享資料,今日去花店了  發表於 2012-4-29 21:43
雀梅老漢 發表於 2012-4-28 09:35:47 |顯示全部樓層
今早起身幫蓮盆倒水, 見棵棵都挺拔有力, 明顯比啱啱種下時精神咗好多 ! 但係影出嚟大家未必感覺到, 所以就唔影住, 過幾日啦。
mrssiu 發表於 2012-4-29 10:49:57 |顯示全部樓層
多謝樓主的分享.  很羨慕您的空中花園, 希望常常看到您的更新, 讓小的沾上小小靈氣...
雀梅老漢 發表於 2012-4-29 15:06:05 |顯示全部樓層
mrssiu 發表於 2012-4-29 10:49
多謝樓主的分享.  很羨慕您的空中花園, 希望常常看到您的更新, 讓小的沾上小小靈氣... ...

多謝! 我會KEEP住直到開花結子。多謝關注!
soy 發表於 2012-4-30 00:08:05 |顯示全部樓層
其待更新
雀梅老漢 發表於 2012-4-30 09:10:33 |顯示全部樓層
本帖最後由 雀梅老漢 於 2012-4-30 09:23 編輯


聖女, 第一片葉嫩黃, 中間是一抹胭脂紅,我對將來的花色很期待!旁邊的紫花梭魚草也脫去嫩黃,展出新綠了。

春煙

秋霜紅

杏黃, 那麼粗的藕, 本應長得快點才是, 現在一比, 好似仲慢一些 。

楚女

秋霜紅

楚女

江南春, 生長得很好

聖女

評分

1

查看全部評分

雀梅老漢 發表於 2012-4-30 10:26:11 |顯示全部樓層


蓮子也發芽了! 由左至右, 依次是玉杯,洛神女,一捧雪。 當然只不過是“可能係”。蓮子也漲大了一半

點評

嘩, 真係好有趣~  發表於 2012-5-3 21:39
好利害!請多多指教,我剛開始學種  發表於 2012-4-30 13:20
大開眼界!  發表於 2012-4-30 11:36
雀梅老漢 發表於 2012-4-30 13:26:42 |顯示全部樓層
本帖最後由 雀梅老漢 於 2012-4-30 13:29 編輯
雀梅老漢 發表於 2012-4-30 10:26
蓮子也發芽了! 由左至右, 依次是玉杯,洛神女,一捧雪。 當然只不過是“可能係”。蓮子也漲大了一半 ...

點評








esmonhk  好利害!請多多指教,我剛開始學種  發表於 6 分鐘前




mrssiu  大開眼界!  發表於 1 小時前

-------------------------------------------------------------------
指教唔敢當, 大家一起學,有咩問題大家討論下,呢度應該有好多前輩高手。再唔係,我就上網問老楊 !
香港種蓮好吖, 得天獨厚,氣候溫暖,陽光充足。我的睡蓮年頭開到年尾,冇停過,1月2月過年時,出太陽就有花! 真係著住大褸睇睡蓮 --呢D嘢,北方人好難想像嘅 !
雀梅老漢 發表於 2012-5-2 09:12:47 |顯示全部樓層
本帖最後由 雀梅老漢 於 2012-5-4 18:28 編輯



芽有三吋长了 ! 浸蓮子我係朝晚換二次水 , 直接用水喉水衝。

點評

看過圖,我剛放左三粒種子落水試下成唔成功  發表於 2012-5-2 22:12

評分

1

查看全部評分

dick168 發表於 2012-5-3 14:09:21 |顯示全部樓層

可以

本帖最後由 dick168 於 2012-5-11 10:31 編輯

下次去湖南都要買的蓮子番嚟學吓種蓮花,我曾經有一棵白色蓮花很靚,後來因冇時間打理c鳥,遲的補張照片睇吓請教是甚麽品種?

終於温番張相喇。

白色蓮花

白色蓮花

點評

可唔可以幫我順便買埋?我都想種唔同嘅蓮花~~THANKS  發表於 2012-5-4 14:29
雀梅老漢 發表於 2012-5-4 11:36:12 |顯示全部樓層
本帖最後由 雀梅老漢 於 2012-5-4 13:00 編輯


以前受騙留低的品種, 唔知乜種, 都唔知今年開唔會開花

開始生根了, 過二日就落盆種了

以前嘅死剩種, 今年再唔開花, 我就連葉帶藕煮咗來食 !

楚女

聖女

混合品種,左上的是聖女, 中間的紫花梭魚草已經成個少女款啦

雜種, 到開花時先知. 右下角是春煙. 仲有一隻蠑螈游緊水,眼利嘅人可以睇到 !

杏黃

秋霜紅,目前為止,此盆生長最慢, 可能係我將佢擺係另一盆紅楊的下邊, 遮了唔少陽光,所以先至咁. 今日調佢出去


楚女

秋霜紅

江南春, 最貴的品種, 但不嬌生慣養, 最健康,簡直係每個鐘頭都唔同 !
mrssiu 發表於 2012-5-4 12:34:12 |顯示全部樓層
蓮葉大得好快! 其實D 水要幾耐換一次?

隻蠑螈在四點鐘位置? 希望老花眼冇睇錯!

點評

冇錯,你真係犀利。 換水? 冇換過吖。 呢排雨水多,有時水太多,就倒一D出來,但就冇換過。  發表於 2012-5-4 12:59
dick168 發表於 2012-5-4 16:26:13 |顯示全部樓層
dick168 發表於 2012-5-3 14:09
下次去湖南都要買的蓮子番嚟學吓種蓮花,我曾經有一棵白色蓮花很靚,後來因冇時間打理c鳥,遲的補張照片睇 ...

可以。

點評

期待  發表於 2012-5-4 17:09
您需要登錄後才可以回帖 登錄 | 註冊

本版積分規則

一級花友
  • 8

    主題

  • 208

    貼文

  • 0

    FANS

花友的新貼文

聯絡園藝館|手機版|HKplants

Powered by Discuz! X3.4  © 2001-2013 Comsenz Inc.