天台實驗場 ~07092015

晌烈風下棚哥堅守崗位直至晚上 11時, 今朝再見佢, 當然已經 ... 粉身碎骨 ....
責落尼既屍骨 + 瓜滕, 溝埋下面d 豆 & 菜, 都睇唔到邊樣打邊樣 lu


最誇張係棵巨塔, 吹到斷哂 ...

斷枝訓哂晌附近 ...

其實都冇壞喎, 種晌同一個箱既絲瓜苗一直奀之之咁, 大修下棵九層塔可能仲有利絲瓜生長, 係我一直落唔到手啫 ~

唯一的節瓜仔完好

剪掉既瓜滕中發現瓜 b, 午餐有餸加


掌心大雷公鑿無恙

長茄b 繼續 "掉掉 fing"


南瓜吹到成箸梅菜咁 ...

剪哂 d 爛葉後發覺亞七 吹甩左, 其餘安好 ... 不過得返一塊葉咁得唔得架


熱鬥小馬 - 紅莧 & 通菜, 昨晚見佢地晌水中盪漾, 今朝一水退就冇事發生過一樣 ...


絲瓜苗 x 3 << 半條瓜命, 應該可以繼續.
普通青瓜苗 x 2 <<  搶救中
小青瓜苗 x 2 <<  送往停屍間
甜椒苗、白茄苗 <<  安好

報告完畢

--------------------------------------------------------------------------------
多謝蛙哥鼓勵 ~

kkhope  <<  多謝 ~ 昨夜凌晨聽到出面勁惡劣, 心諗都應該全部冇哂 ... 最擔心個棚飛落街整到人, 真係訓唔著 ... 今朝起身要成個鐘先鼓起勇氣上去, 點知又比想像中好, 起碼個棚俾繩纏住哂冇事, 感恩呀 ~
KATY <<< 想留多塊都冇, 全部折斷, 勉強留低盞吽爛吽病 ...
noel_tt  <<< 多謝你 ~ 我好中意食呢隻南瓜, 冇哂葉都唔知仲得唔得呢 ...
TWcat <<< 謝謝 ~
WinG09123  <<< 冇計呀, d 葉爛哂 ><

嘩, 你種咗好多瓜瓜菜菜喎
圓圓的是南瓜嗎?
盆種就可能了嗎?

暇大盆即係幾多寸盆呀?
你啲菜瓜全部用盆種?

吾怕!! 雨後就陽光啦

noel_tt  你棵南瓜有冇摘心, ｌ棵有７個南瓜? 用幾大盆種. 你好勁. 可能遲Ｄ出返Ｄ葉, 不要放棄  
========================================================

hi noel_tt, 我一d都唔勁, 亂咁來的, 大家交流下 ...

有冇摘心 <<< 原本計劃 "主蔓生產" 方法, 但上一次打風打斷頂芽, 改留一條強壯側蔓, 主蔓一瓜, 側蔓三瓜後剪頂. 後來又出側蔓, 仲一出就有囡花, 貪心又好奇越留越多, 留左 7 個, 最後一個明顯長唔大, 今次打風甩埋.
1棵有７個南瓜? <<< 圖中係兩棵來的 ... 用吉吉12號盆的一棵, 只養到一個小瓜 (圖右邊第3個)
用幾大盆種 <<<  種樹仔果種盆 ,直徑 38cm 高 40cm.

你種蜜瓜就真係勁啊, 我今年種兩棵, 大概施肥失誤半生不死咁, 其中一棵已拔除. 明年再種一定要搵你指導下  

xx_Luca 發表於 2012-5-5 11:44
白粉問題似乎稍有改善, 又有新問題出現喇

囡花一日一日咁大, 但唔識開花 !!!!!! 圈住果朵已經谷左 4 日 ...

我都遇同樣問題 ,

翠玉瓜 baby 好大都唔開花 ,

想問下你夾硬剪開朵雌花人工授粉最後成功嗎 ?

d 雌好大朵花谷到黃晒都唔開 ,

真係好可惜呀 !

xx_Luca 發表於 2012-7-25 14:13
noel_tt  你棵南瓜有冇摘心, ｌ棵有７個南瓜? 用幾大盆種. 你好勁. 可能遲Ｄ出返Ｄ葉, 不要放棄  
======== ...

其實, 我種蜜瓜一Ｄ都唔勁.  今次打風, 把我種各種蜜瓜, 蜜瓜苗都差唔多打死曬, 唔死都爛葉. 其實上年我有種南瓜, 有３個南瓜收成, 今年都有種, 但一路都唔成功, １係白粉, １係特然爛主徑, 今次打風打爛曬我Ｄ葉, 只淨主幹... , 我估佢會再發橫枝,       不過算啦, 當中學習好多

你多數落什麼肥??

我估你個盆好似發泡膠箱的size?

noel_tt 發表於 2012-7-25 14:53
其實, 我種蜜瓜一Ｄ都唔勁.  今次打風, 把我種各種蜜瓜, 蜜瓜苗都差唔多打死曬, 唔死都爛葉. 其實上年我 ...

有三個南瓜都好好啊 ~ 其實白粉病都已變成我天台既風土病, 或者呢個夏天太熱太曬幸運地沒有發生.
大盆既容量我估同發泡膠箱差不多, 之前 #117 有影到少少個盆, 可作參考.
至於施肥, 我用半熟廚餘 + 骨粉做基肥, 追肥就 雞屎肥/ 骨粉/ 鉀 /肉骨粉 / 海藻水 輪流乜都加 d (其實係未掌握到所以大包圍 ).
同樣既做法, 南瓜長得還好, 甜瓜就唔生唔死咁,  我都唔知做得岩唔岩呢 ....

打完風又幾日黃雨/長命雨, 忍唔住收左 3個比較早既南瓜落黎 ...


即晚食左細果兩個. 始終未足月, 唔夠栗   至於未收的 3個, 俾雨淋到咁樣 .... 係咪壞左呢 ?


苦瓜仔雖然幸保不失, 但打風後就冇長大過, 仔細檢查原來植株有多處摺傷 ...

丁c咁大點食好呢 >>> 一人午餐: 白十苦瓜拌手撕鹽焗雞飯



節瓜 x 3 兩棵有新芽, 一棵冇哂反應...


再戰甜瓜


幾盆矮牛唔死唔差幾, 勛章菊冇埋, 中國桔梗反而爆花.


重傷的普通青瓜 x 2 一死一復原; 茄子x 2 冇事但種得唔好, 順手殺埋   
今個夏天都係 ... 決定陸續收爐, 準備秋播算喇

嘩，好多南瓜呀，開心死呀(^^)／~~~

xx_Luca 發表於 2012-7-30 13:26
打完風又幾日黃雨/長命雨, 忍唔住收左 3個比較早既南瓜落黎 ...

原本我仲有一個節瓜仔生長中(打風前有食指咁長).
不過風後沒半點陽光, 仲日日大大雨, 昨天見黃左加勁萎縮, 死埋.
唯有再比d心機啦 ~

苦瓜越種越細隻, 今朝收既兩隻只比乒乓波大少少... 畢竟係自家種, 食落苦中帶甜


除了一些豆角, 實驗場基本冇咩收成, 所以就算 d 豆葉生病又多黑芽蟲, 都繼續留住先...

做酸豆角


甜瓜生長算快, 只係底部既葉 ... 檢查過唔係蟲害, 難道又係太熱 & 太曬 ?



甜椒苗頂唔住了, 已 c 掉一棵, 其餘出的新葉好醜樣, 睇黎偷步唔成功 ...


開心既事 : 第一隻絲瓜b 授粉成功


有趣既事 : 通菜出芽率得 5 成, 但盆中有大量金色馬齒莧湧出來. 諗返 d 泥之前種過佢, 自播得好誇張喎


sweet basil 長到好似之前棵巨塔咁, 又係時候做 pesto 喇 ... n 年前做過一次算係失敗, 上星期改改個 recipe 再做, 效果唔錯. 明天又做希望 ok 啦, 會影低做紀錄, wish me good luck ~


KATY <<< 咁你快 d 俾我果兩粒 auntie 睇下, 佢一定會好有成功感呀 ~   
Springonions <<< 謝謝. 真係似但檢查過唔係, 而且連青瓜苗、絲瓜都有咁情況, 我諗係基肥或 ph 出左問題.

做 pesto 嚕 ~ 下午茶點



明明係無架豆角, 卻纏左上去瓜棚度...
搬唔郁冇法用水槍射甩 d 芽蟲, 整整下攪到咁, 唯有噴噴噴!!!


大蔥插左差不多兩個月了, 連根拔還是當韭菜咁收好呢 ??


講開韭菜 ... 次次收完都有施肥 + 每日淋水, 但呢 round 好唔掂, 點解點解 ...


韭菜既鄰居


kaffir lime


加插表弟晌後院影到既蜂鳥, 超可愛呢




tt28 <<< 好簡單咋, 完成唔使半個鐘 : basil + 松子 + parmesan cheese + 鹽 + 蒜頭 + extra virgin olive oil ,  
                攪拌機打成茸, 攪掂
happyjoyjoy <<< 我都未嘗親眼見過呢   
LHS1 <<<  晌加州既後院拍的 ... 你岩呀香港係冇蜂鳥, 好似話香港既冬天佢地生存唔到.
kkhope <<< 蟻粉 vs 農作物, 要慎重考慮 ... 我個人會容忍, 直至成天台都係, 或落到去三樓

xx_Luca 發表於 2012-8-11 13:12
做 pesto 嚕 ~ 下午茶點

我以前種過豆角，情況像你的無架豆，仲有蟻添，相當恐怖
btw表弟好犀利，捕捉到精彩的一刻，幅相好靚

又 8 號 !!

今早收了第一隻, 亦係唯一一隻絲瓜 ... 仲有冇得繼續玩, 就要聽天由命喇 ~



"韋"風時得幾條毛既紅莧, 到今次"啟德" 剛好收成...


收得既全部收哂 ... 除左蕃薯葉, 真係好厭....


祝大家 & 大家的寶貝平平安安 ~

天台近況

絲瓜



"韋森特"後播的甜瓜



青瓜再起步, 希望有兩轉秋黃瓜食下 ...


西洋菜既宿根整個夏天唔生唔 c 咁, 近日忽然長起來, 似係時候秋播了....


kaffir lime 也突然標高 ...


11/ 8 下種全日照春菜


14/ 8 下種半日照春菜 ... 試下點照會好 dd


水尾無架豆角





joyjoy, tt28 << 謝謝, 係好開心呢 ~
noel << 謝謝評分 ~ 甜瓜有摘心啊. 主蔓4葉摘心, 子蔓 3或4 葉摘心, 不過佢生得好快, 我跟唔切亂哂籠, 而家係子蔓定孫蔓結瓜我都攪唔清楚 ...  西洋菜係插枝的. 去年插得太遲, 12月插要到 2 月先食到一餐. 當時我係連根拔除, 又處理過 d 泥, 咁都仲生存到, 真係一個意外....
kkhope << 到現在食左十幾隻喇, 仲一路出 b, 好開心冇諗過有咁多呀

絲瓜都幾好收成

今年秋冬主打: 幾款蕃茄與甜椒


兩盆春菜 22/ 25日



絲瓜出奇地順利. 除了一棵只出囝唔出囡已被處決外, 其餘兩棵結瓜不停...




最大的瓜 + 守瓜貓



10號風球後得返兩條滕既節瓜終於再出瓜, 等左超過 40日...



甜瓜 pat pat 裂左, 清除時好似剪自己兩忽肉咁, 痛痛痛痛痛



另一棵有個似模似樣的, 要快高長大啊 ~



tt28 << 曬多幾日就收喇
noel << 3 款蕃茄 cherokee purple, san marzano, yellow pear. 還有一款叫 oregon spring 要10月才有位試種...

絲瓜大過貓, 好犀利呀  !!!

甜椒也適合秋冬種植??? 以為只有夏季才啱key

xx_Luca 發表於 2012-9-6 10:51
今年秋冬主打: 幾款蕃茄與甜椒

我都有種甜瓜 ,
現在 BB 有手指咁大 ,
見你有兩個 BB  pat pat 裂左好可惜 ,
在網上搵到相關資料 ,
大家一齊努力呀 !