天台實驗場 ~07092015

xx_Luca 發表於 2012-5-3 22:17
玲瓏一號．花皮一串鈴

出左四個花囡,

玲瓏一號都幾大喎！唔知甜唔甜呢！
白掌好多花好燦爛，我d粉紅拿又唔靚又冇花，請指教！

happyjoyjoy 發表於 2012-5-3 23:30
玲瓏一號都幾大喎！唔知甜唔甜呢！
白掌好多花好燦爛，我d粉紅拿又唔靚又冇花，請指教！ ...

白掌係好多年前晌花墟買既, 細細盆有幾朵花果種, 開完後都有幾年冇再開過花呀.
換泥施肥制水多水乜都攪佢唔掂, 咪當觀葉種囉, 幾年間分左 n 盆, 分佈全屋各個位置.
好奇怪前年忽然再開花, 但每盆只有一兩朵. 去到舊年就幾好勒, 今年更好.
我都係施下肥, 鬆下土, 換下盆, 修下舊葉咁啦, 冇咩特別咋 ....

收倒！我又試下先！thx!

白粉問題似乎稍有改善, 又有新問題出現喇

囡花一日一日咁大, 但唔識開花 !!!!!! 圈住果朵已經谷左 4 日, 最終枯黃 ....


呢隻大到咁都唔肯開花, 今朝俾我霸王硬上, 總好過坐以待斃


係咪真係要清走你地呀, 生性d 啦唔該 )))))))))


happyjoyjoy <<< try 左都係失敗,  叫做盡哂人事啦 ...

xx_Luca 發表於 2012-5-5 11:44
白粉問題似乎稍有改善, 又有新問題出現喇

囡花一日一日咁大, 但唔識開花 !!!!!! 圈住果朵已經谷左 4 日 ...

我上年種翠玉瓜，情況都同你一樣，花就好多，但我從未見過佢開

但...我呀雞媽日日六點起身，佢就話朝朝都見有花開
而我就9點起身，從未見過佢開囉 卒之有一日，
我早咗起身，真係見到佢開花

呀雞老豆 發表於 2012-5-6 21:52
我上年種翠玉瓜，情況都同你一樣，花就好多，但我從未見過佢開

但...我呀雞媽日日六點起身，佢就話朝 ...

為左呢幾棵野, 有時我都要較鬧鐘起身的 ....

玲瓏一號

收成前


收左, 順手收埋一隻青瓜仔 ...



因為包裝上話要用西葫蘆雄花授粉 , 之前一直思疑佢係白肉的某種蔓性 zucchini, 原來真係南瓜來的 .... ( 真相係d 雄花發展極慢, 雖然第一第二朵花都係雄花, 但到左收成前兩日先開花)




食落係淡淡既南瓜味, 質地介乎冬瓜與栗子南瓜之間, 都幾好食
今朝幫另一個授粉, 成功的話好快又有一餐食了



<< 多謝 jeffrey & 20 小姐加分

xx_Luca 發表於 2012-4-19 10:21
落大雨喇, 繼續收收收收....

原來真係要追肥的, 紅莧菜前後8日的分別 :

想問下d菜種咁密你係點施肥呢？是液肥還是固體肥？我都係用盆種追肥都好難（冇位）唔蓋返泥上面又野蚊滋！

Joe仔 發表於 2012-5-7 20:13
想問下d菜種咁密你係點施肥呢？是液肥還是固體肥？我都係用盆種追肥都好難（冇位）唔蓋返泥上面又野蚊滋 ...

液肥還是固體肥 <-- 兩樣都會啊...

有時間/心情 = 開 d 夫水淋下囉
冇時間/心情 = 求其灑一些雞屎肥
我又未密到見唔到泥咁誇張, 撥開 d 菜有位就放落去囉

至於昆蟲, 好好彩又冇蚊喎 ... 小黑飛一定會有, 都習慣哂, 太多就周圍放 d黃紙, 有效呀 ...
可能我種天台, 就算有昆蟲都唔會好影響日常生活啦

剪哂頂摘除哂新花既聖女茄, 真係大粒左 d   太熱喇, 又住晌病壞街市茄隔離, 聖女都頂唔住了...


小青瓜終於俾果蠅釘左, 不能再心存僥倖, 唯有漏夜包返好哂 ...


已經納入有蓋位置既番荽都熱到黃哂, 趁仲食得整左薯仔蛋沙律



花墟買既勛章菊, 之前淋雨淋到霉左, 休養半月後又回來了 ... 不過花冠細左半碼, 花農賺你錢係賺得有道埋既....


聽日又 33 度, 真係唔想上去我個爆裂天台, 可以點 ??

又一隻青瓜中招 ...


唔夠不織布袋又未得閒去買, A4 紙都要頂住先 ...


5日大既玲瓏一號, 孖袋伺候 ~


翠玉 & zucchini 重新投產, 但瓜瓜大得好慢, 又細隻...



始終都係 "甜而不辣" 最生性, 不過椒椒開始三尖八角, 係咪要大補一次呢 ?



燈籠椒第二 round, 睇怕要等到 7 月先見到紅燈籠喇 ...


蕃茄收成期, 每日一兜仔, 攞返公司做下午茶點, 與同事一齊分享




farfeifar <<< 可以呀 ~ 不過呢批影相後攞返去送左俾同事了, 下次留隻老d既俾你啦
餓驚力  <<< 應該係好細隻未包袋時已經釘左, 我冇留意啫.

通菜收割前, 好似亂草一堆咁...


收完見返 d 泥喇, 俾 d夫水補補先 ...


Happy Sunday ~


比起上一隻重左 1.5 倍, 超開心呀 ~

小青瓜 ---- 感覺半日照仲長得好過全日照


用不織布袋睇得好清楚 ...


用紙包既每日逐個袋撥下, 有少少重量即係膨大緊 ...


避到果蠅避唔到毛毛蟲, 呢隻晌紙袋出來時仲有條毛蟲晌度刨緊皮 ....


用盆始終係 .... 瓜多都養唔起 ....


包紙袋既表皮會淺色 d, 食落冇乜分別 ; 細隻好食過大隻, 大隻開始有少少澀味.





<<< 謝謝 jeffrey & 小寶 ^^

請問"甜而不辣"种子係邊度有得買，我在花墟找不到。

神仙鱼 發表於 2012-5-17 13:48
請問"甜而不辣"种子係邊度有得買，我在花墟找不到。

多謝回复，的种子會不會太嫩呀？

xx_Luca 發表於 2012-3-24 15:41
星期一下午浸豆, 星期六早上收成.

點可以將芽菜做到咁白？
我賞試三次，都係些小小暗紫？

shrekkam 發表於 2012-5-21 13:18
點可以將芽菜做到咁白？
我賞試三次，都係些小小暗紫？

白天換水時個容器只打開一條縫入水出水, 動作要快 ...
晚上我就冇避忌的, 因為聽過照燈幾個鐘都比唔上曬太陽15mins, 所以隨便開蓋換水順便檢查進度.

建議用有原裝蓋既容器, 密封得完美 d.
有版友用水煲 / 湯煲, 係最傳統既做法, 效果好好的. 因我家人口少食唔到咁多, 只用一個 1L左右不銹鋼杯...
容器放弱光位置.
要夠水份. 做得到的話最好一天換3-4次水, 尤其是芽芽開始大時越換得多越好, 唔夠水豆芽會生銹 ...

中意幼幼長長的 << 少豆
中意肥肥短短的 << 多豆
豆芽生長最好係迫迫夾夾有d壓力咁先出得靚, 所以好多人會做壓豆既步驟,
我用既容器細, 好快就好迫, 唔洗做呢個動作 ...

暫時諗到咁多, 少少心得, 你又再試下啦 ~

xx_Luca 發表於 2012-5-22 00:21
白天換水時個容器只打開一條縫入水出水, 動作要快 ...
晚上我就冇避忌的, 因為聽過照燈幾個鐘都比唔上 ...

唔該，再試試先。

唔捨得丟棄一直種晌 5 吋盆的燈籠椒, 終於俾佢修成正果


為左湊大呢對孖寶兄弟, 後出既花果即使長到波子咁大粒都照跌, 後來索性停止開花 ... 當孖寶兄弟開始轉色, 植株馬上再開花, 又掛左兩個果果, 目前掛得幾穩定


過幾日收左兩個紅燈籠, 專心湊大呢兩粒先 ~

D椒好靚，我種地都冇咁大隻