天台實驗場 ~07092015

落足成日雨, 冇咩好做 ... 咁得閒, 不如睇返實驗場既失敗個案啦~

秋冬既粗苔芥蘭



45度角睇係咪特別靚仔先, 我簡直好似返返去中學生既感覺囉 ~
但個結果係:  老到阿媽都唔認得 !!!!!!! 尤其是條菜梗, 硬到咬崩牙咁滯

與此同時, 新一批芥蘭苗苗長成了, 立刻再定植, 等到抽花而未開花即收割,


結果: 都係又老又硬

基於 a little bit of 刁蠻, 晌一月尾係都要再種多一次, 呢次一裝到芝麻咁大既花蕾即刻收割...
結果 : 外子既評語由 "徹底失敗" 上調至 "唔太差"

我決定同芥蘭分手, 因為我已經好攰... 好攰... 同埋好...攰...喇... ))))))))




happyjoyjoy <<<, 反正秋冬大把菜可以種,  我放棄左佢喇 ...
junemak <<< 應該唔關事, 係我種得唔好啫 ~

幾日大雨後終於出太陽喇....

落雨天通菜最開心, 生到傻左咁, 加埋後面一些意生, 用腐乳炒好好味 ~


30日菜心 - day 22既情況, 仲有 8 日可唔可以衝到線呢 ?


收左入室內既 minibel 開始轉紅 ...


一早俾我五花大綁搬唔郁既街市茄, 收到兩個, 仲有少少豆


聖女茄俾風雨打甩左好多花, 仲斷左幾條橫椏 , 唯有修剪一下, 希望快快復原啦 ...

請問你d莧 菜係直播嗎？

去年第一 次種 marrow, 因白粉病全期 2 棵只收 5 隻小瓜.
今年再種, 從三塊葉開始定期噴依天得/綠油油預防, 落幾日雨咋, 前功盡廢 ...



呢棵係之前出孖瓜既, 剪到咁...


另一棵, 只留幾塊比較好既葉做光合, 唔知仲成唔成到瓜....



大陸翠玉瓜既抗病能力好少少, 擴散得慢d, 但授粉後反應緩慢, 右上果隻應該唔掂...


翠玉 + marrow 全數 6 棵, 現時只得一隻瓜 ...





happyjoyjoy << 多謝你既溫馨提示 ~ 剛剛做完苦力, 搬左一些農作物入室內... 你上落天台都要小心呀  ^^

我舊年種咗2次翠玉瓜都失敗，天氣熱加一埸雨，幾日後再見已經霉哂。

種得很好

白粉病可到超市買梳打粉開水噴噴

想請教樓主, 你係用咩泥架? 好羡慕你種的果菜, 種得咁靚呵~~~

另外, 翠肉瓜, 你用既多寸的盤呢?

junemak  容易種嗎？我又想試下  <<<

種就好容易種, 大得好快, 1個月左右就出花. 但之後就幾多功夫囉, 要一早起身幫花囡授粉, 之後 body check, 定時噴藥預防白粉病, 水多會黃, 水少囡花會乾癟 ...
呢 d 可能係我既情況啫, 你絕對可以試下呀 ~ 其實我自己好中意種翠玉, 覺得佢地株型好靚, 用黎觀賞都已經好正, 我係一定會再種的.

mikecho 發表於 2012-4-25 03:22
白粉病可到超市買梳打粉開水噴噴

晌用藥前已經試過好多方法 :

1. 清水: 每日四次, 用清水噴全株, 直至滴哂水為止 << 對荷蘭豆好有效, 幾日就好好多, 但對翠玉唔得, 翠玉怕多水, 噴幾日成棵黃哂, 而且實行起來有困難, 除非全職務農.
2. 小梳打粉水 : 稀釋噴全株 << 早晚噴, 有少少效, 可以拖延一下, 但日日咁用怕唔怕先 ? 試過停兩日即刻返哂黎...
3. 白醋: 稀釋噴哂全株 << 噴左一兩日就驚驚, d 泥會唔會好酸 ? 而且白醋好似殺唔到真菌, 除非好大劑量.

最後決定用藥預防, 無奈天氣唔好, 再次失敗 .....

你都種得好靚呀，加油呀~~~~~

霉菌病有了是很煩的，我也想要個良方！我种了好多次网纹瓜失販都是因為白粉病，网上介紹的都要給它吃雞尾酒一樣多的药！什麽內吸的外吸的我都不敢用！敢用也買不到！只知梳打是碱性的但不內吸，長在它体內的菌就無語了！

JJCC 發表於 2012-4-25 10:06
想請教樓主, 你係用咩泥架? 好羡慕你種的果菜, 種得咁靚呵~~~

另外, 翠肉瓜, 你用既多寸的盤呢?  ...

請問椰糠可以係邊到買呀???

椰糠現在惠x超市有售,細包650g賣10多元，話加水會脹成8公升左右

JJCC 發表於 2012-4-25 18:14
請問椰糠可以係邊到買呀???

不如考慮溝沙啦, 效果好好架 ... 我最初都係泥 +沙, 只因為手腕受傷未癒, 個盆太重會影響康復, 先轉用椰槺+珍珠岩, 仲貴好多 tim 呀 ....

nice nice, looks so yummy ah, congrats !

話說上次剪哂 d 病葉同黃左既囡花, 事隔幾日, 見到幾棵翠玉綠返少少... 雖然未算好返哂, 但白粉已經冇咁猖獗, 只有兩塊葉再起白粉... 今朝再清一次, 又打多一次藥, 俾個最後機會佢地, 再唔恢復生產就只有請佢地離場勒 ~

左邊隻瓜已經 6日大, 跟住果兩隻黃左, 剪得....


可見發病前 / 後授粉既分別有幾大 ...


不過, 人生係充滿希望既 ~ 最新出爐既有一串鈴南瓜 ~


講起就攪笑, 外子話呢款種子係店主"大力"推薦佢買既, 之後佢又執左幾包立雜, 埋單時發覺呢包野原來幾貴下, 又落左搭 tim ... 我話咩黎架, 未見過喎, 只好跟住包裝指示, 見步行步啦


青瓜開花喇 ~


"甜而不辣" 繼續大力生產 ...



minibel & 聖女茄 & 街市茄












toffeechu & luffy, 謝謝 ~ ^^

想問下係咪全部瓜都有分花仔同花女架？南瓜用不用人工受粉？我得一棵可以受粉嗎？

**唔該你呀！蛙哥^_^

**咁我就放心啦！如有果再和你分享，謝謝！

30日菜心

day 10


day 22


day 30


仲未有花, 但有少少退綠, 畢竟對上一次施肥已經係 8 日前 ...決定收咁少少大既, 再追肥 ...


疏苗疏得馬虎 = 菜奀 + 勁多蚜蟲, 睇睇 d 洗菜水


3 款蕃茄開始陸續收成 ~ 左上 minibel, 右上街市茄, 右下聖女茄 ~


街市茄第二 round 比第一 round 差少少, 呢隻已經係今次最大隻的 ~


唔知係晚疫定係惹到白粉, 棵街市茄已經唔多掂, 希望餘下既茄茄快 d 轉色, 收埋哂就要同佢 bye bye 了 ...


junemak << 係紅色架, 我諗住早少少摘,其餘果d 可能又會快 d 轉色囉, 放晌室內佢地會自然轉紅, 都好甜架 ~

玲瓏一號．花皮一串鈴

出左四個花囡,
一個未開花就俾我笠住膠袋焗到黃左 ,
兩個授粉後發育不良,
只剩下一個正常長大 ...




根據包裝指示, 要晌 8 - 10日內收採嫩瓜, 見佢圓碌碌咁可愛真係唔捨得摘呀 ~



白掌往年3月開花, 今年遲哂大到, 不過好多花啊 ~