天台實驗場 ~07092015

又裂 !!!!! 我開始懷疑有冇機會食到熟透透既茄茄 ...





肚臍 & scar 係呢個品種既標記 -- 我很醜但我很好味












芫茜太狂野喇... 兩棵椒唔夠爭食, 打唔到果, 一於剪哂 d葉煮芫茜皮蛋湯...

呢隻唔知係娃娃菜還是黃芽白, 但包裝話可以做快菜...
day 33 收割, 剩返 3 棵睇下種到乜出來~






我的種子盆栽: 甜瓜 & 粟米





連貓貓都好滿意喎 ~

kkhope  Yellow Pear 幾時可以摘啊？仲會大粒嗎 ?
<<< 我估... 黃左就摘得呱...都有幾粒大d架, 圓碌碌咁但未轉色. 上面仲有d ...


kkhope  妳嘅芫茜真係好得，我嘅種o黎種去都係得幾條仔
<<< 痴左線咁呀, 剪葉出黎有d 成呎長, 唔怪得椒b 都掛唔穩...

happyjoyjoy  樓主!你的小盤栽好可愛! very like!
<<< 謝謝欣賞 ~ 你又玩下啦, 好好玩架

<<<<< 多謝 20 小姐, 一返黎見到咁多分, 嚇親 tim

好正啊。。。终于可以回复大家了。。。

BanbieChan 發表於 2012-3-22 07:58
xx_Luca~

歡迎加入種毒樂園~

种晒毒辣。。。。

xx_Luca 發表於 2012-12-14 00:14
又裂 !!!!! 我開始懷疑有冇機會食到熟透透既茄茄 ...

種得好靚呀~

出幾日太陽既分別有幾大 ?? 有圖有真相...

post #203 四日前


昨日影:


另一盆, 成盆花咁...


post #203 四日前


今朝影


post #203 一直打唔到果的甜椒, 芫茜剪葉 + 曬幾日太陽後:


=====================================
豆苗早幾日就該收, 不過幾日唔煮飯, 恐怕有點老了...








我的種子盆栽: 昨日與今日






joyjoy <<< 淘回來的, for水培的豌豆種子, 我貪得意灑落泥種啫 ~
kkhope <<< 手上既係 SM 呀, 汁多但肉薄, 而且酸甜味各半, 唔怪得話用來做 paste ... 一直有園友話 YP 唔好食, 所以黃左幾日都冇心急想摘, 不過食落又覺得幾好喎, 夠甜味一d都唔酸仲幾好肉呀, 暫時 SM 包尾啦 .... 種子盆栽係"銀合歡樹", 生菜未得閒食 , 娃娃菜俾蝸牛咬架, 搵左兩日未搵到兇手, 等陣帶電筒上去突擊...

多謝公主欣賞 ~~

hugopoodle  <<< 仲好容易打理   ~ 你又玩下啦 ~

收菜喇 ~










這是孝敬阿娘的 ...


前日食左...




今晚食埋 ...

一些花花




最近讓我非常沉迷的小攪作:
















祝各位聖誕快樂 ~

昨日早上, 收左一隻大蕃茄, 究竟有幾大, 可否超越 363g 既第一茄呢 ?




刷新紀錄 --- 19 oz !!

椰菜


唔識長大的士多, 隔離係菠菜...








仲未識包心的娃娃 ...


呢隻係 salad mix 走出來的, 看包裝說明應該係 Radicchio, 俾我種到唔知似乜, 一直唔肯包心...

摘葉食又嫌苦, 拔左佢又覺得唔抵喎, 種左兩個幾月喇 ...

Oregon Spring 開花了 ~


我的種子盆栽
柚子終於出來了 ~


扁柏 & 換左盆的火龍果






tt28 <<< 謝謝欣賞 ^^ 近日天氣寒冷, 落田要小心保暖啊 ~
kkhope <<< 我話俾老公聽個茄 19oz, 佢仲話我係咪痴線 XDDDD ... Oregon Spring 我係苗盆再定植, 定植後長得好快, 俾d 耐性啦, 可能天氣唔好啫 ^^ 俾返 d 包裝你睇丫, 現在睇返娃娃可能係 "紹菜" ? 我都唔識分喇 ... ><"

睇你個帖真係好開心, 種得又靚, 影得又靚
好有興趣知道你用樽仔堆肥的方法
可以分享一下嗎?
Thanks~

新年快樂2013年好過2012年

tt28 <<< 謝謝欣賞 ^^ 近日天氣寒冷, 落田要小心保暖啊 ~

多謝關心,新年快樂！

hugopoodle 發表於 2013-1-1 01:08
睇你個帖真係好開心, 種得又靚, 影得又靚
好有興趣知道你用樽仔堆肥的方法
可以分享一下嗎?

謝謝賞圖 ~ 新年快樂 ~
關於樽仔堆肥, 我還在邊做邊學既階段, 唔敢講咩分享, 大家交流下

容器:
就是利用一些原本要丟棄既防水容器, 最緊要有蓋防蟲.
呢隻水樽幾好用, 因為佢本身個設計, 稍為修剪下就可以套返個原裝樽底, 好 fit...



呢款原本貪個樽夠大, 但要搵個"蓋"唔容易, 於是反轉用. 結果入口太細, 塞廚餘好唔方便, 準備退役 ...


呢款容量大, 但又係"修"唔到個原裝蓋, 用貓罐"級"住, 咁肉酸一般都唔俾出鏡, 費事影響大家食唔落飯...


呢款係我用過最好用的 ~
我本身不喜零食, 而妹妹次次黎玩都投訴冇零食招呼佢, 於是我買定幾筒放晌度, 佢入黎食完我就用來堆肥 ...剪左個底插入泥就用得, 個蓋好方便, 就係唔透明, 下下要打開先見到腐化成點...


箱裡面係食左3轉的翡翠豆苗, 準備翻盆做綠肥...

內容:
廚餘、果皮、茶葉、天台既殘花 ... 有時會放骨粉, 等佢濕濕地漚住先, 到做基肥時慳返d分解既時間.

使用:
翻盆後插入(插深少少,避免淺根接觸到), 然後播種或定植. 隨植物長大, d根自己中意追過去又好, 嫌太肥避開又好, 相信植物會有自己去適應既能力. 如果植物已經長大才插入就危險d, 肥水滲入 d根硬食可能真係會燒根...
再翻盆時將樽內物資全部埋泥底, 蓋泥後從新再做過, 攪掂 ~  

<<< 以上只是個人淺薄既經驗, 太多不足之處, 並且跟隨個人生活情況/ 懶惰程度一路微調 ... 如有任何意見, 請勿吝賜教, 謝謝.



謝謝評分.
之前有師兄師姐們既分享, 我晌度學到好多野. 不過自己半桶水都冇,唔係問起, 我都唔敢亂發表呀...

kkhope << 蕃茄係可以直接晌堆肥上生長的, 咁我諗樽仔堆肥唔會好大問題呱, 畢竟肥水唔係開水喉咁, 只係慢慢好少好少咁滲入泥土 ... 可以先觀察, 如果受得會大得好快, 主幹會好粗壯架

以你的經驗, 通常堆肥需要多少時間才會被分解或者開始分解?
因為有些菜類可能2,3個月就有收成
時間上怎樣配合比較好呢?

hugopoodle 發表於 2013-1-1 22:40
以你的經驗, 通常堆肥需要多少時間才會被分解或者開始分解?
因為有些菜類可能2,3個月就有收成
時間上怎樣配 ...

夏天時會化得好快, 快到幾日就"座"低一半, 有時一個星期就唔見哂, 得返d爛泥咁野晌樽底 (同時會見到植物生得勁快)...
現在天氣冷會慢d, 但唔需要等佢化哂的, 只要之前d座低左, 有空位就可以再加廚餘.
如果翻盆時樽內仲有大部分未分解 (我以"黑左未"做準則), 我會劃開果隻角唔做野, 其餘位置照翻. 如果成樽黑哂爛哂, 就倒出來放泥深處做基肥, 所以快菜慢菜都一樣的.

因為可以不停咁塞塞塞, 我覺得好方便, 每收集幾天就可以上去餵樽仔   相反我的廚餘箱, 一次過打爆哂之後就要放幾個月, 反而仲慢過樽仔堆肥呢...


少少補充:
開始做堆肥時既諗法主要係"減排" 和 嘗試"廢物利用", 而產生既堆肥可以填補部分自然流失左既泥土, 晌呢幾方面確實係達到左, 成績令我好滿意.
至於肥效, 樽仔堆肥既材料絕大部分係廚餘(氮??), 所以並不完全. 最初有用過兩棵蕃茄做比較, 的確有樽仔的比冇樽仔的長得好, 但我仍有正常施肥, 亦唔相信一、兩枝樽仔堆肥可以應付植物的全期需要.
使用期間亦留意到某些植物特別喜歡 (蕃茄、翠玉瓜等), 有些冇咩反應或不喜歡 (甜瓜、甜椒等), 所以唔希望寫完後令樽仔堆肥過份"神化"...
如果以肥效為第一目標, 我既愚見係買包雞屎肥更加實際, 多謝花老師既推介 ~



kkhope <<< 整多d整多d ~ 泥貴呀 !!!
joyjoy <<< 謝謝 ~ 喜歡就好
hugopoodle  <<< 海帶同蕉皮好野黎呀, 我多數會放堆肥箱或直接入泥囉~
tom <<< 謝謝鼓勵 ~

生到好大 ...

開始包心喇 ...


雀雀來開餐, 掛左 cd 都冇用, 唯有 ...


菠菜發芽低, 移埋得半箱, 仲要同雀雀爭食...



椰菜準備食苗, 只留一棵試下種大佢 ~


4個月大的士多. 每見有條野走出來我就剪左去, 諗返轉頭會唔會係剪走哂d 花呢


又係 salad mix 走出來的, 只吃心葉, 大左既好硬...


食得又睇得 ~


不過都係比唔上我既至愛 ...


種蔥最抵啦, 一粒蔥頭出到咁大叢



kaffir lime 係為舅舅而種的. 佢冬天中意自己煮羊腩煲, 煮好叫齊幾家人一齊食.
我唔想佢老人家為幾塊檸檬葉天寒地凍走幾條街, 所以, 今冬既檸檬葉係由我獨家代理...

春天以後, 有些會分配到各家, 其中一棵換大盆種, 會唔會種出檸呢 ??

小香堇不懼寒冷, 越開越多, 心裡一百個喜歡. 但就晌今朝, 有怪事發生 ...
早幾日花照 >>

今朝 >>

細路, 你邊位呀 ??????????


tomtomtom  唔知點解，波菜我都覺得好難發芽。小香堇好有驚喜。
<<< 我都覺得菠菜唔算好種... 上 round 出得唔錯但長得慢, 今次長得快d 但好多唔發芽 ><

m36252  你果幾顆野.....睇葉既話, 似look 柚多過似lemon喎
<<< 用種子發的應該唔會攪錯呱 ... lol

tt28  黃芽白真係好靚,冇虫來過.  
<<< 有蟲呀, 葉底有蚜蟲 & 金色圓形好細粒唔知咩, 未係好離譜我忍下佢先 ...

kkhope  黃芽白原來咁大棵，我嘅仲同啲生菜逼埋一齊 :p ~ 小香堇有入侵者 XDDD or 有人搞三搞四 XDDD
<<< 我都唔知會咁大棵呀, 嚇c人 ... 小香堇, 我俾佢搞到我 r 哂頭就真呢 XDD

happyjoyjoy  士多原來要剪跳根架？我冇剪過唔怪之得咁弱啦！
<<< 我唔識架 ~ 之前有走莖落地生左根, 我唔想掹佢結果長盆變左 4棵 (花老師教路最好3棵), 費事佢越生越多咪剪囉 ... c 啦, 都唔知係咪剪哂 d 花 ... ><

hugopoodle  你好有愛心呀~舅舅一定錫哂你~  
<<< 舅舅自己無仔女, 所以真係好錫我的. 調返轉頭我可以為佢做的實在太少 ...

m36252  隻lemon可能係種問題啦, 我上網睇過,泰國lemon既葉, 都好似你隻咁.
<<< 係泰貨店買的皺皮檸, 事頭婆話煮野食係呢隻葉 ... 個個都話好香, 廚房處理緊成個廳都聞到香呀 ~

K記  hi 請問 kaffir lime 邊度可以買到 ? 我想用黎煮咖喱 
<<< 係泰貨店買的皺皮檸

請問你的 salad mix  喺邊度買呀?
見佢哋全部都好靚, 好想種
仲有你的至愛係咩 salad 菜呀?

冇上黎一排, 而家追番你D post
嘩! 見你的蕃茄越種越大隻, 真厲害 !!!
你比我的紅葉生菜, 好好食呀, 超爽甜. 但我種得不夠紅及冇咩縐紋, 所以曾經把盆移至全日照位置幾日, 不過都沒什幫助 !!! ?????
如果娃娃菜是黃牙白, 點可以令佢生成一舊?
而家都是散開的

KATY 發表於 2013-1-17 00:00
冇上黎一拉排, 而家追番你D post
嘩! 見你的蕃茄越種越大隻, 真厲害 !!!
你比我的紅葉生菜, 好好食呀, 超爽 ...

我果隻紅生菜係 salad mix 其中一款, 同你種緊既紅生菜唔同種子, 唔皺係正常的, 包裝上個樣就係你現在咁, 完全對辦.
娃娃菜原來好大棵架 ( 應該係黃芽白), 我諗你只能每盆留一棵壯身的, 其餘疏苗食吧 ... 我疏完苗後再半個月左右開始包心, 冇理佢地架, 自動波 ~


kkhope <<< 好呀 ~ 睇左相大家再研究研究 ~ 如果明天得閒我都可以放 d新相啊, 俾你睇下我的怪獸娃娃黃芽白

第一個野仔出現之後, 陸續有其他紫白小花開出來. 撥開看看, 原來盆裡有 3 株小香堇 (一直以為只有2株), 其二開黃白花, 其一開紫白, 也有紫白黃三色的 ...


雖然野仔之謎已經解開, 之但係... 都係看看去年春天的照片吧:

這就是小香堇的媽媽, 母株白花+黃心+淡灰藍小唇, 好素雅啊 ... 今季走哂樣 ...
去年的三色堇開幾種花款, 也許雜交了, 攪不清楚...


今年的三色堇也開花了, 明明播的藍色 ...errrrrr... 唔知喇唔知喇 ...


孖茄收成 ~ 左 pat & 右 pat ...





20.65 OZ !!!!! 新紀錄呀 ~ ~
呢個品種, 白粉虱前結既茄茄已經食哂, 還好現在又開了很多花...


黃芽白大到丫 ... 未種過咁大棵既菜, 失哂儀 tim ...




收左沙律菜, 俾 little gem 上盆...


呢兩盆唔捨得收, 留來養眼 ...


呢個壽頭, 睇返佢晌 11月20日第一次出鏡, 到現在差不多兩個月先肯變色 ...


種蔥好丫, 一粒蔥頭掘出來咁多, 街市既 3-4份左右 ~


白菜都收成了~




tt28  花同菜都好靚,靚到吾捨得食. 
<<< 交換個場啦, 我唔夠食呀 ...
happyjoyjoy  嘩嘩嘩！咁大隻番茄落乜肥？
<<< 種既問題啫 ... yellow pear 一樣咁施肥, d茄咪又係得手指公咁大
tomtomtom  黃芽白好正
<<< 謝謝 tom ^^ 今季你有種黃芽白嗎 ?
kkhope <<< 話養眼啫, 我會偷d食既, 老左咪當花種囉, 最緊要唔等盆用 日日食自家菜, 我都想呀, 豆腐膶咁大地方咋, 有玩有食好滿足喇 ~ 不如你試下用一個盆種起一棵娃娃黃芽白啦, 睇住佢包心好開心架 !!
hugopoodle  <<< 我 d 花菜全部係"初級組", 無乜難度的, 易種d 開心d 嘛 ~

Little Gem




椰菜




菠菜


西洋菜


黃芽白早前已經有蟲, 唔想打藥, 變成越來越多...

洞洞都唔緊要勒, 仲開始有d 黑點 ... 都係收左最大果棵先 ...





仲有兩棵夠食幾餐喇 ~

準備晚飯喇 ~

好開心呀 ~ 應該係種菜以來最大既成品



kkhope << 我都唔知咩蟲, 係新訪客, 繁殖得好快 黃芽白生得好快啊, 唔洗擔心 ~  little gem 包心之後, 得閒捏下佢個心, 泡既再等等, 有d實淨既感覺就收得喇
hugopoodle  << check 返係 11月8日下種的 .