天台實驗場 ~07092015

大家好 ~ 好開心可以同大家一齊種植, 希望人人都日日豐收啦

先上昨日收成的蕃茄

呵呵, 成功上圖, 再黎係過年後收既第一個茄茄, 開心到呢 ....



之後陸續採收 .... 唔捨得煮, 只係當水果食或做沙律

加埋自家沙律菜做沙律仲正呀!

你種d番茄真係好正呀!

xx_Luca~

歡迎加入種毒樂園~

sandylam 發表於 2012-3-22 00:54
加埋自家沙律菜做沙律仲正呀!

嘻嘻 ~ 全部自家生產 ~ 可惜冇本事, 唔識整埋個 dressing ....

多謝大家既鼓勵同加分

今早收穫既紅燈籠椒椒 :


最大的一個 :



其實仲未完全變哂色的, 不過見植株病病地, 為免夜長夢多, 食左先最實際.
剛才晚飯炒左紅椒豬頸肉, d 椒椒好甜啊

星期一下午浸豆, 星期六早上收成.



倒哂出來大約一斤


稍稍處理下, 加埋落今日午餐食既米線度, 好味  







mummy  你個post令我好有雄心壯志去浸綠豆。 請問喺咪最初用普通碟浸，出芽後先用有疏隔容器盛住？ 遮光。 但我要返工點去保持淋水？
我係由浸豆開始全程晌同一個密封既容器內攪掂哂, 所以對我黎講無論係綠豆芽或者其他苗芽菜, 適當既容器好重要. 見過其他人用筲箕/布袋等去做都好成功, 最緊要自己方便、控到水、遮到光... 我份工時間比較短, 早上 > 中午 > 放工 > 臨訓前一般換四次水. 去到三十幾度既天氣更加唔少得. 如果真係冇時間, 或者知道自己好長時間外出, 我會晌換水既時候 hold 住d水 10分鐘, 等佢地吸飽d. 缺水會令豆芽發黑同質地唔好.
少少個人心得, 睇下幫唔幫到你.   

xx_Luca 發表於 2012-3-23 00:43
多謝大家既鼓勵同加分

今早收穫既紅燈籠椒椒 :

燈籠椒好靚呀^^

春耕概況


莧菜


通菜


生菜


矮豆


四季豆2盆





秋冬種兩造荷蘭豆都中哂白粉, 雖然都有收成但控制病情極之麻煩, 仲傳染埋一部分其他植物
希望今次既四季豆順順利利啦 ....

好羡慕吖, 啲番茄好靚, 好有日本種feel

好靚既蕃茄呀, 真係要去參觀下鄰居你個實驗場呀, 樣樣都咁靚!

d沙律超正~ 點解你d蕃茄種得咁靚架~~~~~

請問四季豆是否夏季都可以種?

kellycheng 發表於 2012-3-26 23:27
請問四季豆是否夏季都可以種?

我既四季豆係因為秋播種唔切, 唯有春天試種, 希望趕得切晌炎夏前收到幾條豆啦

夏天似乎最岩種豆角, 可以參考呢個表 http://www.producegreen.org.hk/agronomy_17.htm

另外可以試下矮豆呀, 秋播既時候一個月就開花, 四十日就開始收成, 再二十日就收完. 起哂佢又種第二樣, 都幾好玩架






我係新手, 樣樣都在摸索中, 可以再問下其他版友啊 ~



ki0715  我想問下你平時見唔見到有昆蟲幫四季豆傳播花粉?因為我果棵d花謝哂都唔識結子呀
唔覺喎, d 蜜蜂通常去攪青瓜花 & 椒花, 四季豆有昆蟲但大部分係害蟲
我覺得基本上有花就有豆, 問題係豆b掛得穩唔穩.
例如脫肥、風雨都會跌花跌豆,你留意下會唔會有豆b跌哂晌地上啦,
上次開花期撞正雷雨, 成地豆b, 我見到都想喊咁滯呀

好靚呀種得,我都有種大蕃茄,啱啱開始出花冧,唔知會晤會有你果啲咁靚仔呢!

我都係!棵大蕃茄開始有花，到幾時可以咁大?

嘩，四季豆都好正呀。盆小小都可以咁多收成

因我是新手。可以請教一下嗎？，豆要點樣浸法呢？
其實大豆芽是否黃豆？謝謝

twiggy 發表於 2012-3-27 18:50
因我是新手。可以請教一下嗎？，豆要點樣浸法呢？
其實大豆芽是否黃豆？謝謝 ...

浸豆係咪指荳芽 ? 取所需份量綠豆, 沖洗乾淨, 用水浸住 (我只係用普通開出黎水喉水), 水位要超過豆最少三倍.
以現時既室溫, 我會浸 6 -8 個小時. 之後瀝清水份, 然後定時沖水再倒清, 大約 5-7 日收成.
大豆芽應該係黃豆, 我都準備左一些打算試下, 但先要諗到合適既容器....

唔好講到請教啦, 大家交流下, 一齊玩嘛.