補充:
以下係我買完食蟲植物既物流經驗
買完 > 集運@東莞 > 送到屋企, 共7日, 加多左 1~2日係因為賣家sss唔同時間出貨 + 地區唔同
買完 > 賣家由杭州出貨 > 揀轉運直接送到屋企, 圓通最快3日, 送上門加左 HKD$18
投得 > 賣家由河北發貨 > 集運@東莞 但冇等其他野 > 送到同區自行取貨, 共 5 日
買完 > 賣家由福建發貨 > 兼包郵 用申通送到屋企 > 共 8 日, 火都黎!
總結一下存活率:
- 包裝得好既, 例如用濕紙巾+保鮮紙/袋, 為之比較好. 試過有一間用個送禮用擺原子筆既紙盒仔但冇包濕紙巾, 黎到嚴重缺水, 成株紅絲葉毛氈苔 D. Filiformis 擺多幾日點都救唔返
- 大株既存活率點都係高D, 例如我買左棵葉長6,7cm既阿帝露毛氈苔 D. Adelae, 等左8日先到, 冇哂黏液就梗架啦, 但補水兼悶養多十日, 都只係得某兩三塊葉開始出黏液, 其他乾/粗糙/變黃既葉都唯有剪哂佢, 好彩因為佢大盆, 而且本身種得好好, D根又多又粗, 所以生新葉都生得快返D
- 補蟲堇比毛氈苔捱得, Case 2 同單我買左株 P. Primuliflora, D舊葉部份硬左, 而家都依然硬硬地; 株野養左兩日已經開始出新葉同有黏液, 第四日塊新葉可以餵蟲
- 物流用3日, 問題不大; 物流用5日, 身體偏弱, 悉心照顧就冇問題; 物流用7日, 需要壯士斷臂
經驗話我知:
邊幾間係值得o係佢度買, 因為包裝得細心 (我間間都有提佢路程遠,麻煩包好D之類既說話)
唔好以為送盆送介質就好, 間間都會寫簡簡單單用 純水苔 或者 泥炭土+珍珠岩, 當然錯唔哂, 但未必係最好, 同埋收貴左你, 而你又未必想用佢個透氣力差既膠盆
順豐係唔送植物來香港
揀好哂買既野 > 揀送貨地址要剔轉運 > 建議揀圓通, 千萬唔好揀申通, 申通香港係唔處理內地來港既貨, o個D貨係再外判出去, 效率極差
按付款 > 入到去點比錢o個版 > 唔使比錢住, 搵賣家傾一傾先, 無理由種子又十蚊, 大大顆捕蟲堇又係十蚊, 除非你買一件野, 否則多數都可以著量減下運費
|